表情

2012年7月10日 星期二

芒果粒粒雪糕

原先好想整榴蓮雪糕的,但可惜買唔到靚榴蓮,又見呂宋芒好靚,噤決定轉一轉陣!

預備好材料



先將兩個芒果去皮起肉,用攪拌機打爛,備用

之前的步驟一樣,蛋黃同砂糖攪勻至米白色,今次為左令雪糕更健康,除左繼續用有機黃糖之餘,試用脫脂高鈣奶,睇下有無分別。煲好隔渣,加入芒果醬,攪勻後放入雪櫃雪過夜。


雪左一晚後加入淡忌簾,攪勻之後就可以放入雪糕機。

因上次攪到周圍到係,所以今次黑貓醒啦,用漏斗噤就易清潔得多。


20分鐘後完成,好香芒果味,再加入粒粒芒果肉就可以入盒雪。



2012年7月9日 星期一

Homemade pizza

呢排又心血來潮自己搓麵團學人整pizza,可能係因為屋企換左部大焗爐的關係,仲要方便好用得多!話說之前試過用高筋麵粉出來效果唔係唔好,此終又要溝泡打粉等,有次行city super's 比我發現左佢,覺得好唔錯,誠意推介。唔好以為用呢個粉就咩都唔洗加,噤就錯晒!呢隻仍要用發酵母、水、糖同鹽!

預備好材料


先將酵母用水糖鹽攪勻,等5分鐘養活酵母。之後將粉倒入盆內,唔需要䇴,因為呢隻加左海鹽,䇴都只係會隔左海鹽黎在中間開個窿,倒入已養活的酵母


揉均至一個粉團球用保鮮紙包好,待係室溫處

兩小時後,就會發大架啦!
IMG_3403

取出碌至想要的形狀,次次都好自然碌圓形,但其實諗真些長方形好切些

搽上番茄醬,放好材料

放入已預熱的焗爐裏,校190度,焗20分鐘,就大功告成啦!


紅豆西米糕

早幾日見到面書簡易食譜出左張紅豆西米糕,突然好想整黎食,在dick起心肝準備晒材料之後,發現買錯了西米,因浸完變左糊噤為有閣置。

今日終於趁早上的工作取消,一於快手黎個紅豆西米糕先。

材料 (12個):

西米100g
糖25-30g(因紅豆饀夠甜,黑貓又唔鐘意太甜,原先份量係45g)
紅豆饀隨意


先將西米浸一個鐘


預備一個12個鬆餅焗盤,個人覺得西米好黏,所以會掃少少油
先放一層西米(緊記隔清水)

再放一層紅豆饀

最後放多層西米,微微用力壓一壓

跟著隔水大火蒸25分鐘

攤一攤就可以起模


終於有得食,甜味剛剛好!

2012年7月8日 星期日

雲呢拿雪糕

2012年6月20日                                    雲呢拿雪糕

今年屎怱癢學人走去買左部雪糕機,因沒有太多時間出城購物,所以只能係憶世通買左部唔算好平的雪糕機 (原先想買KENWOOD,可惜各大電器舖都無,唯有閣置 ),書就買左N噤耐,今日終於都要可以整我第一個homemade雪糕啦!!!

有人問咩令你無啦啦走去自家製,事緣有一天拍微電影[幸運曲奇]的時候,我們去了西環的[茶家]拍外景,人地拍戲時我地呢D工作人員當然無所事事,噤岩在店裏工作的大姐請了我們吃她們自製的焦糖海鹽雪糕後,便愛上了!!!因街外係沒有得買,我無理由下下搭噤耐車黎食呢款雪糕,仲要唔一定的!!!噤就為有靠自己啦!!!

所以今天黑貓就開始學人homemade雪糕啦!!!當然黑貓唔可以一步登天,起碼要了解左整個過程先可以整我夢想中的雪糕!!!

一早將奶同半條雲呢拿籽一齊煲,放涼再放入雪櫃!!


幾小時後,預備好材料


先將蛋黃同砂糖攪勻至米白色


逐少加入雲呢拿牛奶攪勻


跟住用慢火煮至糊狀


隔渣


用冰墊底攪至涼


放入雪櫃三、四小時,黑貓會放一晚,再加入淡忌廉


攪勻


呢部就係黑貓部雪糕機,細細部已收埋


開機倒入雪糕漿,之後黑貓被指點後用漏斗倒雪糕漿,噤就唔會整到周圍都係


20分鐘後就完成,攪勻佢就可以入盒雪硬些!!


呢20分鐘就係黑貓寫BLOG的好時機,一係走去沖涼,唔好以為會企係度等,咪發傻啦,哈哈....幾好!!



2012年7月6日 星期五

関西賞櫻の行2012 Day 2 和歌山。 黑潮市場

2012年4月8日                                            関西賞櫻の行2012   Day 2 和歌山。黑潮市場




一早就醒了,不是為趕時間,都唔係有咩地方去成7點就起身!而係張床同個枕頭令我瞓得好唔舒服,所以選擇起身!

連黑貓小妹都自動起,可想呢間酒店幾失敗!

執 好野之後,就派黑貓小妹去睇下公公婆婆佢地搞掂未,當然佢地點會瞓得宴,約齊人後就到大堂check out ,落到去都好多人,大多數係外國人士,可能呢間近機場得價錢比其他平。搞掂晒我地行返禽日條路去南海泉佐野駅,未行到時見有間環境唔錯的cafe shop食個早餐先!選擇唔多但都岩食!當然公公婆婆有微言話貴,老實講只係一般價,只係我地港元唔值錢姐,加上店內有人食煙,又引起公公不滿,唉,出門 在外張就下啦!不過都幾難!
一家大細出黎食早餐



今個旅程黑貓PAPA都極度無聊地扮李澤楷,今期扮老花睇唔到字


連KIKI都唔放過


這是黑貓小妹的早餐


我同黑貓PAPA都係食HOT DOG


食完早餐,我地就行去對面的泉佐野駅,去和歌山需時大約半小時,加上是普通電車,唔洗劃位的,今晚我地會住和歌山東駅東橫INN,所以會係和歌山市駅轉車,在和歌山縣有分和歌山駅同和歌山駅,千其唔好搞錯。



係車上睇下風景,傾下計就到啦!雖然我地要轉JR線,但呢度好方便,只要你行去有關月台,在月台買番張補額車票連同南海的車票一齊放入車閘就可以了,當然我們人多都有少少尷尬,驚阻住人上車。搞掂晒就上車,一個駅就到。由佐泉野駅到和歌山市駅,只需890日元,小兒半價。




雖然無位坐,但唔係企好耐姐


今次黑貓小妹有自己一部相機拍她眼中的世界


沿途風景好靚,天氣好好呀!!!


先到東橫INN放低行李,在途中我地開始見到櫻花,便嘩嘩聲,真係大鄉里出城!


這是在日本我們看見的第一棵櫻花樹



因時間尚早未有房,所以放低行李就去玩,今次會㨂住東橫INN係因為情有獨中的情懷,加上做左會員好多時候都有折扣,好似今日噤因週日有近八折優惠,即時改一改行程將白浜同和歌山倒掉,噤又慳唔少!

看見這個公仔特別懷念



行至JR東駅順便買埋聽日去白浜的車票,雖然坐巴士會平些,但時間上差成個幾鐘之餘,又驚老人家坐坐唔慣,又隨時要去厠所,所以黑貓PAPA話唔差呢d錢啦!噤又係,加上又鍾意坐JR,所以一於貴就貴啦!

原先諗住今日去搵貓車長,但之後睇到貓車長周日休息,噤唯有轉陣去黑潮市場同和歌山城先!一放去食海鮮BBQ做晏晝,gogogogo......

行 過東駅的另一邊找巴士到和歌山港口,途經過有好大間超市,正!今晚黎會一會佢先!之後去到巴士站,見到好多巴士,但無網友講個架0號巴士,所以就攞住本旅 遊書(廢的,竟然無寫)站好好人即時帶我地去個個上車位置,可惜太多人上唔到,之後話我地知係邊度等!仲指住落車個個站個名,等左一陣見有車諗住係架啦! 點知個站長即刻衝埋黎話唔岩,仲話我地知幾點有車,終於等多陣就有車。



認住二個組的日文字,如果要去黑潮市場就要涊住佢


睇清幾時有車係經個個站先好上車,因同一個站可以有唔同的車埋站

等車無聊時,黑貓PAPA走去扮通輯犯

其實會話去和歌山城的主要原因係因搭呢程車時,經過見好靚好多櫻花盛開,又有好多攤檔熱到呢!所以去完黑潮市場就黎呢度啦!係搭車期間,我地都好緊張驚坐過站,因無確定係邊度落車,又加上明明網友寫車程大約半個鐘,但坐極都未到,所以好緊張!



終於見到書上所認容的環境個心稍為定D,之後發現原來我地坐左架站站停的慢車,真係撞鬼!


落車之後我地急不及待想搵野食,途經有個好大的遊樂場,可惜對機動遊戲興趣麻麻,但呢度環境真係好舒服!



其實呢度Marina City係人工島黎的,所以到前一定會經過條橋先到


有遊樂場,有興趣又有時間的可以入去一玩


呢度也是和歌山好出名的旅遊勝地



行數分鐘就會見到黑潮市場個幾個大字,唔怕搵唔到。

咩都影....


真係有人入去博下


噤大隻字無奶油搵唔到



黑貓PAPA其實好肚餓,但仍堅持唔買住,入去睇下先!!!



入 到去原想行個圈先,但見到有BBQ,人已等唔切!攞簽後就走去揀食物,呢度好自助,只要排隊夾自己鍾意的食物,跟手就付錢,連租爐費同用具都一次過,唔洗 比黎比去,規模比我感覺好過八戸個個TIM....因唔洗下下買噤多,一隻又得幾隻都得,適徐尊便!!!環境仲好舒服,一邊對住個海一邊BBQ,好寫意 呀!!!雖然唔係用炭燒 ( 炭只是裝飾用)無噤好風味,但勝在燒完唔會一陣味,反而仲好添。

標記

要同這裏的吉祥物影相


攞好位子及有關人數,先會比噤樣的簽


全面禁煙


食物好吸引,樣樣都好想食



相面會有價錢話你知幾錢


係噤揀....每樣要D


除左海鮮仲有和牛



初我無為以呢D係假的


揀完比錢,呢餐食左大約千蚊港紙 (以十算來計)


另有飯糰買


黑貓PAPA同婆婆玩得幾癲


一黎就燒元貝同薯仔


對住個海好寫意




燒好的扇見幾大隻


燒豚肉時....起晒火...點呀!!!
DSC04377

是日廚房的係黑貓PAPA,黑貓可以寫意地食



蝦就麻麻地....



蠔好新鮮同好大隻!!!


食 飽飽之後我地就入去黑潮市場裏面慢慢行,仲有好多野買,當然大佬見到有酒買一定唔會放過,仲有其他手信,各人都食得盡興買得開心!!!雖然日元近期有些回 落,但都叫做高,黑貓對換時雖然平均都係0.94左右,相比之前出現過的10.4叫做平左,但比起之前黎時已好高!!希望下次黎時可以落番D~~~~

行過見到諗住應該好飲,點知......把鬼!!!


有好多梅,仲要唔平!!


有好多油,有唔同size你揀!!!


有唔同甜度...



如果要試飲就要比錢.....


好多大呀~~~



吞拿魚頭


黑貓PAPA返到鄉下好似食唔飽噤,整日搵野食!!!

我咬左一淡真係好好食,唔知係唔係伯伯比左條岩岩燒好的我們!!



之後係黑潮市場行到噤上下,便出去對面紀國村,裏面無咩特別,只係比一些本地的農民售賣佢地的農作物,大多係柑同梅,呢兩樣我無咩興趣,所以空手出黎!!!


其實好抵架!!!



出到黎有小孩子表演,所以日本有噤多明星係有原因!!!



行完之後我地就行番去頭先落車對面的位置搭車去和歌山城,基本上架架車都會經過的,只要對岩時間就得,唔難!!但班次疏得肯....大家要有心理準備,我地去到就噤岩走了一班車,不過,今次旅程有老人家同行,編排上都係HEA為主,所以唔趕!!!

途經過一個唔知係咩的館,因為唔識日文,但都係有關呢度的農產業!!!



就係呢個館


好大對草鞋

水渠蓋




待續......