黑貓の工作坊

2009年6月4日星期四

我的寶貝女 - 之之

不經不覺寶貝豬都已經5歲LU!!!!

諗起當知道有左0既時候到依家仲有好深0既記憶係個腦海到，我諗無咩媽咪好似我噤，係廁所驗孕孕到大叫，真架第一時間就係睇真D係唔係驗錯

，梗係啦!!!!係一個毫心理準備之下迎接新生命就係噤!!! 所以有時都唔知依家D細路諗咩.....咩都可以玩呢樣野真係唔玩得!!!

講起我隻寶貝豬有時都唔知好嬲定好笑，佢真係好鬼古靈精怪，唔知係唔係遺傳左我同老公D因子，表情多多蝦阿爸絶無手仔軟，好家在仲仍然肯聽我話，如果唔係真係無法無天架

不過佢又真係氹人唔洗本噤，又識嗲人所以阿公阿婆阿爺阿嫲有邊個唔錫到佢燶，如果無我震壓...嘿嘿...就會世界大亂，曾幾何時開始會無啦啦收到D淘哭0既電話

，都唔知點解佢同阿爸就會噤，加上老公無耐性就會踢番個波比我，都無話唔慘!!!!但有左佢係度又真係多左好多歡樂同回憶!!

細時見佢食野就會好開心，但唔知點解依家要佢食野就慘過死!!

由細到大都表情多多^6^

第一次做花女

最鍾意就係去沙灘玩!!

番學啦!!!將把長髮剪短佢先!!!放心媽咪同你一齊剪!!個頭仲同媽咪一樣有HIGHLIGHT

依家得閒無事就去踩單車，呢部係我部戰車!!!!

唔知係唔係遺傳媽咪0既優良份子======>貪靚鬼

以上就係我 =======> 雷家大小姐黑貓BB

2009年6月3日星期三

北海道 + 東京 15天行程 - 初稿

諗左好耐都係決定先公開下，十二月0既日本之行行程先，等各位BLOG友比d意見我，我真係諗到頭都爆埋

有d人問，下又去日本有無第二度去呀!!!! Sorry，暫時係無!!!其他要去0既地方大多數係有少少逼於無奈要去的，例如 : 上海 ( 因要探老公個D親戚 )，但日本係出於自願，仲要係渴望，我諗同我一樣中左日本毒0既朋友都會了解的!!!!

呢個PLAN基本上已係上次07年去完九州櫻花之旅後，就深深埋入我腦海，仲要係一定要帶埋阿囡去，因為上次無同阿囡去，點都會有少少掛心無玩得噤放，再加上最後個兩日出現左一D唔開心0既事情，令個旅程有少少唔完美!!1

今次雖然仍有好多阻制，例如 : 有D人答應左去跟住又話無錢唔去，再加上老公又唔想去 ( 有時都會係度諗係唔係嫁錯郎，因為佢真係極度唔鍾意去旅行的，但我又好鍾意去，所以都幾矛盾架 ) 不過唔去都好，一來少左老公的管制，我同阿囡買野都會開心D，男人就係噤口講買啦，心就話仲買，唔洗錢呀!!! 哈哈...今次仲唔買番夠本 ( 無錢都係噤話，最多番黎捱世界 )，二來同一D唔係志同道合0既人去係玩得無噤開心架，因為下下都要就呢樣就個樣都無話唔煩

所以經過上次的教訓都係同阿哥Donald去好了，點知出左票之後，有條友又話要去喎!! (因為知票係唔洗比錢錢後，只係比出票行政費同機場稅 ) 個個咪係我孖生家姐Evelyn小姐囉!!!! 跟住仲激都有，就係要帶佢個十五個月大0既阿B去 ( 到時先有十五個月，唔係依家十五個月 ) 你話係唔係極度高難動作

所以係設計行程上面都幾慘!!!

依家大約行程如下：(希望比下意見)

Day 1 22/12 (二) 零晨機 (ANA) 去札幌 ( 約早上九時多到 )           宿札幌

                            如果可以想去白之戀人到行下 ( 阿囡話要睇人整朱古力 )

Day 2 23/12 (三) 札幌 ====> 小樽 ====> 札幌                                宿札幌

日本假期唔知D鋪頭有無關門!!

Day 3 24/12 (四) 札幌 ====> 函館 ( Star use JR Pass7日 )               宿函館

Day 4 25/12 (五) 函館 ====> 登別 ( 遊地獄谷，溫泉街 ) 宿登別溫泉旅館

Day 5 26/12 (六) 登別 ====> 札幌 (中轉站) ====> 釧路宿釧路

Day 6 27/12 (日) 釧路 ====> 乘觀光巴士遊纜 ===> 阿寒湖           宿鶴雅溫泉酒店

Day 7 28/12 (一) 阿寒湖 =====> 免費巴士 =====> 旭川宿旭川

唔知趕唔趕得切去旭川動物公園???

Day 8 29/12 (二) 旭川 =====> 旭川動物公園 ===> 札幌宿札幌

如果之前個日去到旭川動物公園，就可以一早番札幌，不過我諗都唔會趕!!

Day 9 30/12 (三) 札幌 ===> 東京 ( 可以的話想夜車，仲要考慮，個人就想，因係一個好的體驗，真係好鬼好feel架!!! )

跟住係東京會開始自駕，當然去廸士尼就會坐番JR.....司機得一個，所以唔可以操勞佢!!!

Day 10 31/12 (四) 鬼太朗茶屋 ( 調布 ) ===> 南大沢 OUTLET             宿新宿/池袋

                               ===> Hello Kitty Land

如果唔搭夜車都有好處，就係呢日可以去廸士尼

Day 11 1/1 (五)      新宿 ===> 箱根                                  宿溫泉旅館

Day 12 2/1 (六) 箱根 ===> 唔知橫濱順唔順路???基本上未考究      宿新宿 / 池袋

Day 13 3/1 (日) Mother Farm ( 今次旅程最主要的活動 ) 宿新宿 / 池袋

Day 14 4/1 (一) 廸士尼 (如果Day 10 去左就會改去MOTHER FARM，其實都驚星期日多人 )

Day 15 5/1 (二) 三鷹之森 ( 勁想去，但見佢28號開始休館，星期一又唔開，點都要迫D時間出黎去下 ) ====> 機場 ( 六點幾機，所以都要安排下去左我想去的地方，希望夠時間啦!! ) ===> 香港

以上都係基本行程，都唔知得唔得，原先無安排噤早去函館，但見有聖誕function唔去好似對唔住自己，但就去到25號，所以提早到步!!!最初plan呢個旅程時，都無諗到雪之祭，但依家真係有少少後悔，不過無計時間係最大問題，因為我個人較傳統過年要一家人齊齊整整一齊過，所以都係聖誕去會好D，雖然話糼稚園D功課唔係好緊，但都計出席日數，所以十二月同一月請假，學校係唔計算請假日，所以最後都係聖誕去!!!!!!

拍照

2009年6月2日晴

今日有工開，十二點半就要出去觀塘到做野，今次第一次幫阿MIKE做野，名就聽得多人就未見過，至於合唔合拍就要做下野先知，有時都好鬼驚D攝影佬，有少少名個D脾氣都唔係幾好，再加上一D 模爹又會黑面比你睇，都咪話唔難受，一開波閒閒地都四、五個鐘架MA!!!!!!化完即就走就話JA，有時要Touch Up噤就惡頂

，好彩今日有細JOE陪，YEAH

無噤悶，加上今日都係整下頭，應該無咩慘事!!!!!

去到Studio都成兩點，今日主角未到傾下工作方針先，大概了解左個情景，就去set下檔攤先.....搞搞下都唔知幾點，跟住今次女主角出現啦，就係韓XX ( 唔想公開名你地自己估下啦!) 開頭都驚驚地佢會幾大牌，衣......好NICE下喎!!仲幾搞鬼，相處都幾融洽，駁好假髮，妝又OK得!!!!可以去換衫.......點知....女主角大叫 : HELP!!!有無人黎幫下我，唔通我肥左拉唔到拉鏈!!! ( 件衫0號黎架....我想著都諗都唔洗諗!!! ) 之後誇張到要三個人黎出手，唔係呀MA!!!!!哦....原來係條拉鏈有問題，過唔到個摺位，仲話貴野 ( 成2千幾銀

) 都唔好話貴野有好架! 避免整爛件衫，最後都係算吧啦! ( 最後都想再著，都已發覺件衫開始想爛....大佬話算...費事要比2千幾銀去賠呢件噤0既野 )

幾經辛苦終於開始拍野.....諗左幾個shot，OH, NO!!! 韓小姐你靚到爆，最終都話瘦係靚架啦!!!!!!!影左太約一個鐘，OK!!轉衫同換髮型.......折晒所有駁髮，用番短髮，set鬈埋佢........再試機......E......硬係欠左一D野.....怪怪地.....嗯....同細JOE商量過....好似巢亂佢好似狂野D會好D喎......好....用正野....鹽粉.....都係無買錯....成舊水...係值.....落幾下......就有個種效果，好過用髮泥!!!男仕們可以試下....好過朝朝用髮泥巢到亂晒又要噴SPRAY先夠持久.....

唉.....肚餓呀!!!!原來不經不覺都成7點幾( 阿囡打黎 : 媽咪，你唔係番黎食飯架咩??你幾時番呀??? 心裏都幾耐疚

，阿囡真係好對唔住，媽咪要做野陪唔到你，仲要計算錯誤。) 原來細JOE無講錯，阿MIKE真係好慢，呢d係唔係慢功出細貨，但都唔洗噤耐，已打破我噤耐0既紀錄，4個shot 8個幾鐘

，仲要係唔覺唔覺企左好耐...腳仔都有D軟

，終於轉埋最後一個 ALL BACK頭，大功告成!!! 好彩呢shot個唔係好耐....拍左一陣就搞掂......跟住就有pizza食.....食完都9:45執野走先!!!!無計.....住得遠!

今日都唔錯成日都係歡笑0既氣氛完成，佢地都幾爛GAP，一日到黑都係到搞笑，如果次次都係噤都唔錯!!! 有時我都幾衰下，唔係噤熟0既人唔會同佢玩得癲，所以今日我都幾文靜下，比班人知道都會話唔係掛!!!!!!

個studio都算幾大....因為無咩大件野係度....