麵包機返黎啦！！！！

近期工作繁忙之餘，還遇著了一個癲人，比他所造出的事緾了差不多兩星期有多，事件暫時放下，後續會有甚麼事發生，那要等開學才知曉。現在還給黑貓少少時間寫下BLOG，已深存感激，亦多得黑貓PAPA的支持，分担了一些工作，令黑貓可以專心應對，老實說真的很心力交碎。

當這件時發生後我亦有反思的是我工作太繁重引至我沒有太早介入，亦太過信任他人所說的事情沒有好好的深入研究事情的真相，導致事件演變到今時今日的情況。但亦學會了是非不是女人的專利，男人也可以搞風搞雨，亦明白到現今科技太發達，相對忽略了人與人面對面溝通的重要性。

今天終於收到早前在日本網上購買的Panasonic BMS 105麵包機，這比香港的行貨多了很多食譜，港版19個，這30個，同台灣的一樣，只是因黑貓比較下價錢還是日版的便宜，因日本已出106，所以舊的有跌價的情況，當然有人問何不購入106呢？？只能說沒有中文說明書之餘，價錢也不便宜哦！！這可在台灣的官方網站下戴說明書呢！！不過提提若買台版又好日版都好，緊記配一個500W的變壓器喔，因香港電壓是220輸出的。

隨機有一對隔熱手套送，另有一個量匙、一個製作酵母用的杯及一個較仔細的量杯

隨機有兩個盆，一是發酵使用的

黑貓收機後即用食譜4來個快速開機先，需時2小時左右。只需牛油、高筋麵粉、糖、鹽、酵母及牛奶便可，有些人會使用奶粉，但黑貓喜用鮮奶代替奶粉及水。

將所有材料放在盆內，最好是先放入液體之後先放其他，另麵粉最好是可以放到變到山形

最後先放酵母，這是乾的，湯種就要先放並與鹽、糖分隔

選好食譜，按開始便會自動完成，若不想皮太厚可選淡色，那麵包皮不會太厚

取麵包時先換一換，再最最倒出，如果唔係會好似黑貓弄得不好

待15分鐘才好切包包喔，否則太軟身不好切

從此之後黑貓一家有自家麵包吃，連黑貓PAPA都舉起拇指話正！！

有感而發

2012年7月4日          晴

近日見到d人不停評論政治，真係覺得好煩！所以黑貓都費時理噤多，老實講邊個做特首、高官，對我都無𦬕咩影響，我還是要搵錢工作，過著自己的生活，亦唔會因為某些人改變我的生活模式。

時間過得好快，眼見契仔由當年的3歲，到今天他高考完成，還要自己出國到英、法等國家旅行，感覺好特別！他告訴我他機票已花去他萬多元，所有旅費及附屬卡的費用也要自己支付，當然我提議趁還後生就好來個辛苦體驗之旅，想起我年輕時就是沒有勇氣像大佬他一樣背著大背包遊走歐洲數月。只是遊走北海道，不停的搭夜車為的便是節省那幾晚的住宿費，現在真的要我這樣我想我做不了，有很多事真係不能回頭，當去過了豪華團，回頭參加平雞團真的諗都唔洗諗！所以有好多事真係要趁後生就要跑去嘗試，留待日後回味。

所以人要不斷進步努力向前行，為改善當前的生活而努力，我不能說今時今日的年輕一輩能不能捱苦，但只能說經不起考驗，思想不成熟，做就身邊共同工作的人很辛苦，我亦期望黑貓小妹不是這樣，希望她堅強成長，有足夠的能力抵抗低潮的時刻！

久遺了....

很久也沒有寫BLOG了，轉了新BLOG好似有抗拒症噤不是太想回來!!!

要忙碌的日子也快完結，工作時段可以放慢腳步，也是時候PLAN下黎緊的回鄉的日子。

也要快快寫回已停工的旅遊BLOG，因發現真的有人喜歡!!!! 當中也遇到黑貓PAPA的同事，希望有關資料可以幫到別人!!

到手啦~~~~

2011年11月17日 晴

今日終於死去出去攞信，未收到之前仲係十五十六，收到後個人都定晒!!!!

雖然今次好好彩機票唔洗錢，但就真係限制勁多，除要係31-3-2011前要返到香港外，仲有一些旺季除唔可以出票外，仲要連回程都唔可以搭到........即時真係"O"咀架，因為原先諗定27/1 - 1/2的旅程就行唔通，但呢個係難夾得到的天時地埋0既日子，仲慘過夾時辰，最後唯有提前21號出發，25號返黎，想去多一日都好難，但見Delta機係早機晚返，所以都夠晒......唯有叫自己唔好太貪心啦!!!!

依家心情真係好興奮，雖然去日本唔係第一次，但都仍有佢0既魔力係度，加上東京真係唔係好熟 ( 唔係嘛 )，真的唔係說笑，因為每次停留都唔會超過幾天，上年都係主要集中係主題樂園，真正行都係十年前的事，今次真係要認真D睇下天書，加上想帶黑貓PAPA真正認清日本這可愛的地方 ( 難得他肯去 )，所以真係唔落D功夫都唔得!!

中獎喎~~~~~~

2010年11月15日 晴

今日整緊頭髮時，無啦啦收到個電話，見無來電顯示仲以為係DA姐打黎，點知佢話係縱橫遊，通常呢D電話我會即刻話佢知我唔得閒，唔好再打黎.........等等!!!好彩今次無JA.....如果唔係真係走左雞都唔知咩事!!!!

佢打黎係話我知我中左獎...........呵呵呵(怪聲 )

.........係呀!!!無錯係一張Delta的東京來回機票~~~~~~~點解會中獎???咪黑貓媽媽對日本太鍾情，一見係iphone有個縱橫遊APP係用黎答問遊戲，每星期送出國泰雙人東京來回機票，當然無無聊聊去玩下啦!!! 仲要死玩爛玩，但發覺D人真係痴線架，發現自己無可能之下，就無再玩啦!!但點知又比我抽中左，雖然唔係大獎但好過無~~~~~

雖然好似發夢噤，黑貓PAPA都問我係唔係比人玩，所以我頭先開番個APP黎睇，真係見到我個名，噤都有錯真係有鬼囉~~~~~

可能係天意都要黑貓PAPA同我去一次，熟知我的BLOG友都知我呢年都無諗住去日本，因YEN真係貴到唔捨得去，鬼咩一家三口喎!!!!今次有呢個機會我仲唔食住上

，雖然有人話 [ 人地出鼓油，我出雞 ]，但去行個圈食個LUNCH都好架，加上撞岩黑貓PAPA有假，黑貓BB又肯放人，唔去真係唔抵，唯有依家係香港慳D洗，留番個錢去旅行囉!!!!

所以依家暫定27/1出發，去5日!!!趕得切番黎過年之餘，又可以避開D旺季，黑貓PAPA張票又可以出平D~~~~~~

問我去邊我諗都係東京周圍遊下、HEA下都好，原想閃去大板的，但黑貓PAPA話車程太遠唔好喎，噤唯有去伊豆一帶走下囉!!!還掂未去過.....又要plan下行程!!!!

電腦壞了

家中電腦在黑色星期五那天嚴重死亡，經過搶救後宣佈死亡......所有在今年影的相包括：日本之旅的相都全沒有了..........那種感覺真的好想死!!!幸早前在facebook都有upload一些相片，如果唔係真係唔知可以點!!!!!!

捐左啦!!!終於捐左啦.....

黑貓媽媽噤大個人，連人阿媽都做埋，但講都無人知，黑貓媽媽從未捐過血，老實講黑貓媽媽其實真係諗左去捐血好耐，因覺得身為O型血的人，唔捐血好似好對人唔住噤，但就真係好驚好驚痛呀!!!今次經過媽媽事件，終於鼓起勇氣，加上有好友潘潘兩翼插刀噤陪黑貓媽媽去，就真係死就死啦!!!!!

今次就揀左去旺角銀城個間捐血站，入到去真係好似大鄉理出省噤，咩都識!!!先填表，後面談，跟手就驗血色素...之後就可以捐血LU~~~~~~~依黑貓媽媽今次0既可以捐到450CC血呀!!!!!不出10分鐘就攪掂，休息了10分鐘先出去食下飲下野保充番D水份先!!!

兩條友仔捐左個少少血，驚死蝕抵噤.........

心情

2009年5月10日                            大雨

近日都好少寫BLOG，除左要處理媽媽的事外，亦有好好多事忙!!

興幸的事媽媽接受了手術後身體日接康復，只要過埋6月的難關大致都可以喝得杯茶，因6月要去化驗鼻有無癌細胞，如果不幸有的話就要接受化療，一切都希望平安渡過。

原以為一切安好及順利，可惜係上星期同一位好友有少少爭拗，老實說各人意見有不同，喜歡的亦會唔同，你希望自己婚禮完滿，想我比意見同幫手無問題，作為朋友都登你高興，可惜的是幫你搵晒資料book晒野，你唔鍾意可以主動講，但唔好耍我囉!!!或者我再次犯一個錯誤，就係過份豬事.....不過，好彩錯醒覺得早，唔想再一次比人當傻仔又或係話我女皇霸度.......

沉重

近期因媽咪的事弄得個人較緊張，原先想在六月加插一個小旅行，亦因種種的因素也要擱置.......

經過一項又一項的化驗後，最不幸的情況出現了 ------> cancer，幸的是最初期性，亦萬幸的是可以在瑪麗進行手術......我想動手術的日子應會在近日進行，亦有待與醫生開會再確定有關安排!!!!

在這亦答應了媽咪動完手術，一家人會陪她到峇里走走，亦會陪她回印尼探親........萬事亦只能等待........

布吉???蘇梅島???

2010年3月5日      陰

今日探完媽咪之後，同黑貓PAPA行街街過一下二人世界!!!當回程時路經香港站，如果熟的人都會知道香港站有個地方專做promotion的位置，之前經過時已見到，但因同爸爸一齊所以無作停留，但回程時只得我同黑貓PAPA二人，就比她介紹的酒店價錢吸引住，作了停留，但好好笑的是我同黑貓PAPA一路掀時就一路就覺得做咩唔黎sale下我!!!呵呵......諗起都好笑!!! 終於有個女仔行過黎，唔知佢係賣口乖定係真，佢一開口就已問我地倆條友有無三十歲，雖然開心個樣唔似但又有少少唔知點噤........

因呢個係JW Marriott 做緊promotion，專給30以上又係情女或夫婦嘗試住她們集團屬下的酒店，黑貓媽媽就接得太多呢類電話，專sell會藉....跟住又點點點....所以都第一時間問係唔係??佢緊係話唔係啦!!!不過到時上去再睇下咩情況先~~~~

無論點都好，佢今次呢個優惠真係幾吸引，因連唔鍾意去旅行的黑貓PAPA都比佢吸引住，其實黑貓PAPA最鍾意就係係間酒店HEA，間中出下去行下就係佢最理想的旅行，所以今次有兩個offer好吸引佢!!

第一：以HK$999住兩晚布吉JW 的resort & spa villa

如果有FD同你去就仲抵因可以同時6個人入住......不過，私心想同黑貓PAPA過二人世界的話，就唔好啦!!!雖然地方大到有少少驚有野出現........但可以獨佔私家泳池等等都係唔錯....

第二：以HK$1,588住兩晚蘇梅島 JW hotel 連早餐

仲覺得蘇梅島好靚，都好想去行下.....但又唔係太熟唔知點選擇好!!!

老實說佢仲有其他的酒店，例如：東京都係HK$999兩晚 ( 又唔早D出現 )，札幌等等，但日本黑貓PAPA一定唔肯跟我去，因佢話唔覺得係渡假喎!!!!

但條件係三個月內要用左呢個offer，如果唔想外旅行，仲有三樣野你擇 ，1. 香港機場JW一晚免費住宿、2. 深圳JW一晚免費住宿 or 3. HK$500現金券 ( 係JW旗下使用 ) 當然佢都好老實講最好唔好擇呢D啦!!!!!

估且唔理係唔係真係有噤大隻蛤拿隨街跳，但如果噤大間集團都要呃人的話噤又就真係抵死啦!!!!雖然要用花時間上去聽佢個promotion ( 介紹酒店設施等等 ) 噤見佢真係噤大誠意咪上去聽下，因除左有茶點招呼外，仲可以claim番HK$50的士錢，唔去又好似對唔住自己噤!!!

所以黑貓媽媽又要留意下有無超平機票，噤就真係可以過一個超平又relax的假期LU!!!!難得係黑貓PAPA肯去呀MA~~~~~

擔心

2010年2月7日 雨

今天的天氣又像我現在的心情一樣，下雨.....若在平時黑貓媽媽真的十分喜歡，但今天反而覺得非常煩燥........

昨天接到一宗消息，消息來源於黑貓媽媽的爸爸。

爸爸告訢我：媽媽發生了事了!!

在電話的另一頭的我，便開始很緊張地問：發生了甚麼事???

爸爸說：媽媽的X-RAY片上在肺部有一點黑影!!!!

我：甚麼????點解會噤架???

爸爸再說：今天已回醫生處看，星期一要到專科處排期!!!!

說完後便掛了電話，我的心開始十五十六，甚麼辨呀???雖然還不知是甚麼，但也開始向壞的方向想，從前我常向別人說那些話一一浮現，但原來角色調換的話，要做到真的很難，相對是媽媽反過來安慰我，她也作出最壞的打算，即使是不好的事也已有心理準備了!!!!

心裏真的很難受，像當年爸爸做手術時一樣，心像有一個大石壓著!!!縱使各方面都有指即使是曾患肺炎或已咳了一段時間也好，這也會弄傷肺部引致有黑點出現，但這也是有可能的事，那怕...........

嬲

2009年11月22日

今晚真係極到激氣，點解???

唉....有時都唔知係我有問題定人地有問題???

老實說老友結婚當然開心同幫得手就幫，搵唔搵我化妝我又無咩所謂，反正錢又不是我袋，同你化我又唔會收錢，搵其他人化錢又不是我付!!! ( 請記住呢個唔係我嬲的原因 )幫到手的自然會幫，例如: book 車、攝影、花球等等，做到就做!!!!

之後，有朋友建議另送禮，我表示沒有問題，但價錢真都不要太貴便可，因我們一家是要出雙份的( 黑貓媽媽及黑貓PAPA各佔一份 )，之後一路都有錢錢要花真的沒有多餘的錢呀!!!!! 拖下一日拖下一日，都未有結論送甚麼???老實說28號就是了，會不會太遲呀???建議一樣又樣都好像沒有回覆......在18號提議不如送手連，但朋友D又表示現在金價噤高買到甚麼??後在行公司的時候看見雅芳婷的嫁娶系列都幾靚，仲可以繡字TIM!!!都幾有留念價值同實用，但建議後又沒有回應，到第二日再去看sales表示要3星期才能繡起名字喎!!!那如何是好呢??遲少少應該不怕，但朋友V又表示噤樣不是太好!!!那又作擺.....到星期六做完野同一班損友 + 黑貓BB + sasa去行街，去到G.O.D.見到有雙喜產品都幾特別，又有意頭又實用 ( 有筷子、碗、杯、碟、相架、床上用品等 )，即時打比朋友V，詢問她不如淨係我地兩家一齊送算吧!! ( 無謂真的要搵十個人夾，之後買2,3千的禮物掛??)但朋友V又話好似唔理朋友D又好似無噤好，因當時不是我一個人真的不能不理其他人而專注係搵禮物上，唯有作擺!!!!!

至今天晚上，朋友D在facebook先發msg比大家話同DA姐行完街，問左佢知道她沒有特別買床上用品，所以問番我地數人買雅芳婷好不好???老實說我之前已講左，另床單呢D野多一套又如何，都係要替換架啦!!!!無需理她有沒有~~~~~~~只要心意JA~~~但係呢一刻我真係好嬲，搞左噤耐都係番回起點!!!噤即係點呀.....玩咩??整日都係噤，攞唔定主意噤!!! 所以我就回左唔夾，同唔想再理佢地!!! 或者大家會覺得我好似好小氣，但今次真係比我感覺到唔好0既 feeling!!!! 另原先係想幫她們班姊妹化妝的，但又時間一改再改，又噤又噤!!! 唉.....都費事理佢地!!好似搞到我好想同佢地化噤，大佬呀!!! D 工具好重架，咪玩啦!!!! 唉.....有時都係度諗，人係唔係真係整日要三心兩意呢????話簡單其實又唔簡單，話隆重又好求其!!!都唔知想點~~~~~~~到最後好似搞到三不像!!噤又為咩呢??????

P.S. 到最後我都係親手整花車公仔比DA姐....雖然唔係一D好貴重的禮物，起碼講心(處女下海)!!不過放心禮我一定做足的!!!

奀理~~~~

今日係facebook見朋友登左呢編文章出黎，一看就發現現今社會0既倫理扭曲得不得了。

" 因為爸爸的婚外情，我們一家就過著很幸福的生活─── 爸爸跟媽媽結婚10天後就跟一個老女人搭上，跟她發生性行為，除了幫她算命，還幫她按摩全身，拍親密錄影帶。自此，我們一家人就過著很幸福的生活: 住寶雲道獨立屋，去旅行有私人飛機接送，平日出入有保鑣。好比倪震，好比謝偉俊，正當其他男人被揭發對伴侶不忠都遮遮奄奄尷尷尬尬的同時，爸爸為他的婚外情感到無比驕傲。還主動提供跟老女人的親密合照，私房錄影帶，遺囑等作為證明他跟老女人的親密關係的證據。雖然爸爸跟第二個女......人有染，媽媽並沒有感到不光彩，她真是世界上最幸福的一個大婆。如果那些證據能夠證明爸爸跟那個老女人的關係，我們這一家以後都可以過更幸福的生活了。爸爸十多年來默默經營的一段婚外情，為我們一家帶來一段幸福美滿的生活。"

相信大家都會知道文章內容的男、女主角是誰!!! 但真係唔想比小朋友有噤唔好0既觀念，難道有錢就真的連自己的尊嚴都可以出賣嗎???錢，雖然重要，但真係可以買到所有野???我諗大家都會明白到真正的答案，但現今社會就做就無錢就萬萬不可!!!!

令人深動的結婚晚宴

繼前日的wedding planner，今日再接再厲做埋下半場 ====> 晚宴，經上次的慘痛經歷，今日黑貓媽媽精了，換了對短跟鞋 ( 今日大腿的肌肉仍同黑貓媽媽抗議呢!! )，感覺真的好了，雖然仍企到有少少腳痛，但無上次噤甘!!!!

晚宴無前一天的結婚典禮預備的事噤多，但就要應對得體 ( 好家在黑貓媽媽呢樣就好叻，人前講人話!!!! )，何解噤講???因為要在reception處做接待同安排來賓玩小遊戲，有人話男女主角的深情係假的，要做場戲來交待比人看，但在我眼中看的又是另一回事，因在整個過程當中我感受他們的真~~~~~

整個禮堂都好豪華得黎都好高貴，最特別的是簽名的位置是一個放了用貝縠、沙等弄出來的小型沙灘，賓客只要在自上的膠片簽名便可，另邊箱便用風信子作主題製作成白色的格調!!!!

最忙錄的時間過了 ( 賓客簽名、安排座位 )，開始由花仔、花女、姊妹、兄弟共24人手持爉燭進入會場，當中當然少必免的時祝酒、切蛋、謝詞等等的儀式，這些看多了也覺得不外如事，亦沒有感人的說話，但最令我感動的是女、男女主角互比對方的驚喜才是最令人感動，女的知道男的喜歡Aaron，喜歡的程度是每一次的演唱會必去，所以特登搵左Aaron寫了一張咭給男的 ( 還要去紅館呢 )，男的在台上唱情歌之餘，還專誠送了99枝玫瑰給女的，那份心是假不來的!!!那一刻雖然好感動亦十分恨有人送99枝花比我，但都係諗下好啦!!!個紮花真的好重下，我抱了一下都有少少頂不住，抱了就當有過....哈哈......

看過男女雙方相識至相戀.....直至求婚的那一刻都覺得2人都好重視對方，人不是為求這一刻嗎???執子之手，白頭到老呀MA~~~~~~

整過宴會在live brand 及溫馨的情況下完結，宴後除左有他們的訂情信物 " Time Out" 朱古力 ( 真係估唔到有人會將女的最初送的一包朱古力噤珍貴噤保存左13年，朱古力呢~~~~~)，仲有女的細佬的心意"扭蛋月餅鎖匙扣"，有幾誠意，6百多個扭蛋逐一扭出無話唔勁，聽說扭蛋機最後告終!!!!!!!!

裏面係迷你月餅鎖匙扣，都幾靚架!!!我呢兩個係朱古力雪糕月餅同冰皮月餅，早知攞晒6款啦!!!!! "薛"左Tim

.......不過好家在...去到噤高級的地方當然要盡情飲酒啦!!!因他們提供的是好好飲的白酒及紅酒!!!

當然整晚都玩得好高興，到最後仲可以同我最喜愛的特攻們拍照，HIGH到爆!!!!!!!!雖然D相影得唔係好清，但個一刻我就好似小fans噤見到偶像，

哈哈....感覺唔差~~~~~~~~~~~~~~~ 

 

             P.S. 之後我同事同我講，原來黑鬼特攻係與我倆住同一區....他仲與黑鬼特攻坐巴士走.....嗚嗚....早知我就等埋一齊啦!!!!!!!!

不再做雞婆

2009年9月24日 陰

今日真係好激氣，整日覺得自己好似用個熱面貼人地個冷pat pat 度!!

個種感受真係好唔好受!!!所以真係決定左唔再一頭"鐘"落去，免得過自己唔開心~~~~~~朋友叫我幫手無問題，但會警戒自己如果人地唔開口就無謂做，好似今次噤...有朋友諗住要影pre-wedding

問我意見，朋友預算用一萬元，我就好心同他說不用噤貴，結果當然幫他搵老友攝影師啦!!!!仲要賣人情、免費同新娘子化妝等等，又在大雨當中陪他們去揀禮服等等，當然費用是他預算的一半啦!!!但今天他先同我講，某位朋友介紹他有位攝影師更便宜，差一千元及包多10張相 ( 執相 )同連車，當然我仍然要免費送一日化妝服務啦!!當然他要揀甚麼是他的選擇，但當初就不要叫我同他搵啦!!!當我又賣人情又要半夜同人講數後，之後同我講貴.........我真的無話說

，大佬呀!!!!人地已比左個半價我!!!!50% OFF仲想掂呀!!!!依家仲要好唔好意思噤同人講唔需要....個下唔發火都有鬼啦!!!!!!!!

所以黎緊好友結婚都唔想多事，免得過又比人耍呀!!!!

不忍心

2009年 6月9日 雨

好唔開心同好心痛，點解可以噤!!!!

今晚做完野收到個CALL，朋友打黎問我邊到有得睇獸醫，我義無反悔噤幫佢做左BOOKING同陪佢入去。

個一刻我從未見過一隻噤瘦0既貓( 得1.85KG )，連一隻流浪0既貓都好過佢，我養貓都養左十年啦!都從未見過一隻硬晒軚0既貓，個一刻真係覺得你有無攪錯!!點解可以去到呢個地步先帶佢去見醫生!!!!! 一路就好心急醫生可以快D睇佢!!!!

入到佢醫生一摸就已經話佢腎有事，大穫啦!!!!!!貓真係好忌呢味，我之前個隻都係急性腎衰竭走左；醫生話有邊腎仲係好，但已有低溫性、脫水等等等.......

個一刻我真係好想打死個朋友.......係一個噤鍾意貓0既我黎講呢件係好痛心0既事....朋友話要救，驗血吊鹽水一定要做，但其實呢個當年我都經歷過，自私地想留佢係身邊，殘酷地加注痛苦係貓貓身上，係岩定錯呢??唔知，但最後感性係會勝過理性!! 見住醫生同佢抽血，最初個一刻都無野，因之前我隻貓 大喜都試過，但見個醫生抽都抽唔到，唔係個醫生技術唔好，而係隻貓太瘦同低溫症，D血管都硬到抽唔到!!! 睇到呢到有人一定會話醫生一定會噤講，比籍口呀MA!!! 錯....佢一句說話都無講過，連理都唔得閒理我地，因為佢要係頸到抽.......睇到第二針....我頂唔住，同一個朋友講，我走啦!!!有咩你打比我啦~~~~~

我真係好憎囉!!!!點解可以噤，如果細心D，加多關心比佢，佢唔會噤，瘦唔係一朝一夕會出現，唔食野都有三、四日，點解要到最差0既地步先黎睇醫生，慢性黎架要醫一定醫到....如果早的話.....我想醫好我隻貓....都醫唔好....因為急性.....

養唔養自己可以決定，佢無得揀，你揀左佢，佢淨係得你咋，無第二個架啦~~~~~

可唔可以唔好噤自私呀!!!!!!!!!佢地都有生命....佢地都有需要架.........

第一次!!!

雖於有第一次的開始.....

想寫BLOG已好耐啦!但遲遲都未肯出手, 唔知係諗唔到寫咩, 定太多野, 有少少亂雜無章噤, 今天終於有個好的開始, 將自己遇到的人、事、物都寫晒落去!

今日仲有另一樣開它0既事就係.....掟左封求職信，今日打黎叫我去見工，無論如何都係一個機會，試下比自己一個機會離開已熟識10年的工作環境，不過都仲有好大因素自己可唔可以離開......期望星期四!!