親親農莊

2010年8月1日                                 晴

今日黑貓一家走左去機場博覽館，做咩???咪係因為個度話有個可以餵羊呀~~~~騎馬呀~~~~0既地方，見剛好同黑貓PAPA有假咪同黑貓BB去玩下，原先見網上對呢個場0既評語都唔係噤好，但係香港呢個咩都無0既城市仲想點???

一早叫黑貓BB起身都有一定困難，鬼咩前一晚興奮得制瞓得好遲，好彩叫幾聲都肯起身，要7點起身係因為答應左接黑貓PAPA收工先再順路入去機場，時間就差唔多!!!

今日個天晴到連個月亮都仲見到......好在係室內，如果係室外就死啦!!!!

原全係未瞓醒0既樣.......

去到東涌地鐵站見黑貓PAPA未到，我地唯有先去7仔買入場卷，因係個度買可以平10蚊，三張就可以平30蚊唔好話唔利害。

見到黑貓PAPA後見時間尚早，就先去飲茶!!無得揀之下要去聯邦，食物方面更係唔係好得啦!!!!不過，都係一餐半餐，係食之前見到黑貓PAPA0既同事，唔知講咩!!!仲之就屈左黑貓PAPA同黑貓去一轉旅行，仲要係由黑貓PAPA負責出旅費，雖然唔係心愛0既日本地點，但都好過無，因為噤難得黑貓PAPA肯去旅行喎!!!!!!

HHEA左一大輪之後，又搵左一大圈，終於搵到上shuttle 0既地點!!!!!但當見到架巴士時真係0晒咀，點解???因為大會好有心噤為左入場人仕安排左無頂0既觀光巴士，等你地可以好開心噤欣賞沿途景色，真係死得!!!!!

未開車都還好D，因為有野遮下....睇下個天幾好，連雲都唔會比多你!!!!

排左一輪隊之後終於可以入場啦!!!個場唔好有期待噤就好好行~~~~~~~~

入到去見到ICAC的公仔就忍唔住要同佢照番張........

黑貓PAPA仲勁要扮ICAC........無野講!!!!

終於排到可以同兔仔照相啦!!!可惜係唔可以自己抱晒，其實D兔仔好驚!!!!

好彩0既係我地早黎D羊仔未食飽，之後食得多都唔想理你地班人，不過佢地都幾識食乾草唔食要食新鮮，可惜大會就係專送乾草，新鮮的請自己買!!!幾識搵錢錢呀!!!

呢D賓尼兔只可遠觀唔可近抱.......

黑貓BB你餵羊仔定自己食呀????搞到頭髮都有!!!!

又一搵爸爸媽媽錢的活動~~~~~~~~

話噤快就玩完@@

跟住走左去打個掌印，當然如果你想去畫畫都可以，但請放下銀糧先!!!!

用入場券上的遊戲券玩小遊戲，但比我感覺似去左XX樂園~~~~~~

玩黎呢份獎品同埋.......

細爆谷一杯!!!!

覺得肚餓都有野食，但貴唔貴好唔好食就見人見智啦~~~~~

玩唔夠兩個鐘就可以走人，臨走前見到呢隻兔仔......影埋先!!!!

出面仲多D野玩下........

突然想食Burger King，所以搭一個站機鐵去機場LU~~~~~~

老實說對呢個農場真係有D失望，但只能說勝在無囉~~~~~~~~只係知道噤玩一玩就唔見左幾百蚊，但唔知洗左去邊先係慘!!!!

P.S. 呢篇BLOG差D就爛產一來係個電腦壞左，二來係呢幾個月忙到嘔，無咩心機寫一大篇的文章......幸堅持完成^^"

第一個便當

2010年9月13日

今日黑貓BB終於正式返全日制，亦係第一次係家人之外的地方自己食飯飯的日子，老實講都有D擔心架!!!因為佢真係一個超麻煩的人，所以想了再想，都係決定自己預備Lunch Box比佢好了，人人小朋友都喜歡出面食，但呢位小朋友就相反，係街基本係食少少就算!!!

話明第一次，所以買左佢最鍾意0既公仔人物 LUNCH BOX ===> 寶石寵物 ( 新最愛 )

整佢最鍾意0既三文魚飯團

 

一時手痕將相放左係facebook，不幸比毛毛見到張相 ( 最衰婆婆 )，即刻打電話黎話要食，之後同場加演多一組........仲 要外賣去公公家!!問你死未~~~~~~

第一次下廚

今日工人姐姐放假，黑貓媽媽想偷懶D，所以煮最簡單放便的一餐 ====> 日式咖喱雞，但想唔到0既係黑貓BB竟然嘈住要一齊煮，平時只係幫下手洗碗 ( 因為有得玩水 )今日估唔到話要近爐頭!!! 當然黑貓媽媽一定點頭，因為唔想佢日後做港女，做港童，連煲水都唔識!!!

電腦壞了

家中電腦在黑色星期五那天嚴重死亡，經過搶救後宣佈死亡......所有在今年影的相包括：日本之旅的相都全沒有了..........那種感覺真的好想死!!!幸早前在facebook都有upload一些相片，如果唔係真係唔知可以點!!!!!!

畢業了

2010年7月1日     晴

其他人通常71做咩???唔係去睇慶祝活動，就係去遊行，但我地黑貓一家就有特別節目。

今日就係黑貓BB人生的第一個畢業典禮，轉眼間就要讀小學啦!!!話快唔快....但向前看就會覺得人生仲有一大段路要行，所以趁呢個機會要黑貓PAPA同講，凡事放鬆D唔好讓孩子覺得學習係一種不好玩的事，唔好過份地緊張!!!!.....>__<" 

一早黑貓BB唔夠7點就嘈醒晒所有人，簡值興奮到極點一D都唔似岩岩發燒完的人( 前兩日先氣管炎，幾驚今日出席唔到!! )，快手同佢化妝set頭就同佢返學校。

雖然老師在今早比多張飛我地，但見唔係一齊坐又加上係上層，所以公公都唔肯黎!!

趁有時間等黑貓媽媽去整番個靚頭，之後相約黑貓PAPA係屯門等，食完LUNCH，時間就岩岩好可以到大會堂出席典禮。

校長副校主任已係等待接待來賓~~~~~

終於入去啦~~~~~

小小蜜蜂要當值呀!!!真係辛苦晒~~~~~~~~

我地個位雖然都幾前，但就係側邊.....好彩今日有帶相機，如果唔係真係比黑貓PAPA鬧死......

終於做晒所有儀式......差D都瞓著!!!老實講有少少失望就係唔係個個上台攞畢業証書，只係派代表，相對講無謂野就多到不得了........終於等到小朋友上台表演，今日有三隊，因有三間學校聮校畢業呀!!

先係周宋主愛.......但比我飛.....走左D相....嘻嘻......

接住就係黑貓BB學校負責表演 ===> 神送給我們的禮物，由各班合作一小部份......

等左好耐，黑貓BB終於出塲啦~~~~~~為免睇唔到佢，黑貓媽媽仲特別圈位佢，鬼咩遠到死.......

 

 

表演完後由各班主任帶領學生上台唱番首畢業歌就完結架啦!!!!真係辛苦晒各位呢個6月份每個星期六都要返學校作綵排.........

背影仲要播番呢三年的生活片段......

終於完結可以接番黑貓BB啦!!!幾驚佢頂唔順呀!!!!

但見到佢個頭就真係心佢嚇親，因老師好似金粉唔洗錢噤........搞到成個頭都係，返到去要洗3次頭，但D金粉就未甩得晒，要係噤梳頭先得......天呀!!!!!

小學

2010年6月30日 晴

今日臨時收到通知黑貓BB要到新的學校做評估能力測試，唯有即時排開2號的所有工作!!!

除左呢樣之外仲要交$$$$$，真係有D覺得好似比人搶噤，唉......有排捱呀!!!!鬼咩除左要比$160書簿雜費，仲有成千2蚊0既書錢，都未幾其他野......最搞笑係見到張書單發現，依家連體育堂都要用書，問你死唔死!!!!!

冰極可樂

今日放飯時終於比我地一班人發現呢部冰極可樂機，一班無聊人當然忍唔住個個走去買支試下，不過部機0既位置都幾搞笑，係係荃灣某間雷射門口，仲有位姐姐仔負責看守，唔係呀MA~~~~~~不過，可樂公司都賺到笑啦，一支可樂賣11蚊!!!

先飲一啖，之後要扭番個蓋 ( 仲要趁佢一落黎就好飲啦!! )

跟住番轉佢再反番正

噤佢就會變成好似思樂冰噤，但可惜我個支慢左，所以唔係太多冰，之後返去再雪過係冰箱，一個鐘都可以做番呢個效果........