行程篇

2011年1月3日                    陰天 間中有雨

話噤快又到1月了，距離出發回鄉日子仲有十幾日，雖然去的日子唔長，但話晒都係帶黑貓PAPA回鄉點都唔可以比個唔好印象比佢，費事日後真係唔肯同我再回鄉就唔好啦!!!!


基上已訂好了機票、酒店、浪漫列車、溫泉酒店、旅遊保、三鷹之森入場券........唔知仲有無漏呢???應該無啦化.........

今次係乘搭達美機，所以真係明乎其實的早機去晚機返~~~~~~


第一天  香港 => 池袋 => 東京鐵塔

 ( 因為黑貓PAPA未去過，而我都係N年前到此一遊過，趁今次無咩特別地方想去，噤咪去下囉!! )

第二天 箱根  元箱根港 => 桃源台港 => 大桶浴 => 強羅

第三天 雕刻之森 => 小涌谷 => 箱根湯本 => 新宿

第四天  三鷹之森 => 吉祥寺 => 東京駅 => 池袋

第五天 築地 => 淺草 => 上野 => 回港



大致上係噤，除左去箱根同三鷹之森日子已定，其他都極度浮動，可以隨心所慾。

2010年平安夜

2010年12月24日             

晴

雖然工作了24小時，但無減對平安夜的埶衷。瞓左2-3小時已醒了，因答應了帶黑貓BB返娘家整彊餅人呀MA.......

去到時已是下午3時左右，姨姨已係度整緊酥皮蘋果批

 
 呢個係光波機，可以當焗爐用又真係幾好~~~~~~~

 

 

 
黑貓BB唔知係度整咩????

終於可以開始整彊餅人啦!!不過，今次有少少失敗就係個麵團落少左水!!!

毛毛等左好耐都未有得食~~~~

得左....但要食星星形狀

係上面畫下畫.....唔知點解要畫唔開心，之前有D就好開心，難明!!!

出自毛毛手筆........畢家毛~~~~~~wakakaka.....

 

原先諗住去食西式聖誕大餐，但最平都要成三百大元一位，仲要另加一服務費，加上指定餐單，有大部份食物都唔鍾意食，最後都係決定去板長食我地喜歡的壽司好了。錢都係其次，最驚係唔好食呀MA~~~當然唔好同我地黑貓一家講出去睇燈飾.....噤係會加速我地死亡的!!!!

雖然平安夜D人會出去尖沙咀、蘭桂芳玩，但板長仍然係有好多人等位，等位當然留番比黑貓PAPA做啦，黑貓媽媽當然要同黑貓BB去影下相行下街。

終於有位啦!!!D人等得唔耐煩走晒，所以一口氣叫左十幾個數碼，所以好快噤我地就有位!!!

黑貓BB叫晒肚餓有少少鬧情緒，無計，都要等下先有得食，食住鼓油頂住先!!!

等得無無聊聊之際，又係時候同黑貓BB搞無聊野，等佢唔好整日叫肚餓!!!

白痴兩母女

||

V

||

V

||

V

終於有得食LU~~~~只係記得影第一張，之後掛住食都無影到，三文魚係佢地兩父女的至愛，基本上呢兩碟野我只可以分到兩件。

忙...忙...忙...

2010年12月23日 晴

呢幾月真係忙到無停手.....連帶幾編BLOG真越積越多....都唔知何年何月可以嘔晒出黎!!!

好在今年就黎完結，忙完今日終於可以有幾日假放下，回一回氣再黎過!!!希望快D到1月去旅行的日子，噤先可以鬆一鬆，抖番下，如果唔係真係會死人架!!!

好似今日噤要同時間競賽都從未試過噤激，一早過去澳門做野，但又要準時完成再搭番船返香港做另一單野，遲少少都會死人，好彩去時時間上較鬆動，所以即時辦理埋自助過關手續，回程時就可以更加快更省時!!!

講開今日真係要講下今日個單工作真係令我見開大場面都要嘩言一聲，如果今日做的是婚宴會有噤的排場，我唔覺得出奇，因為有錢人會噤誇張地結婚一D都唔出奇 ( 楊千嬅都係噤 )，係澳門擺酒有個好處就係酒店地方出奇地大......大到可以令人迷失方向，今日的場面係一個百日宴，講得百日宴當然係個主角岩岩足一百日，家人為佢設宴，但擺足一百圍之餘，仲要安排好勁0既節目、場地、仲要請我地一crew人( 連攝影、化妝等等 足有十幾廿個 )由香港到澳門，呢筆數都唔少....何妨仲要請埋台灣雜技團，個下真係佩服萬分，可惜要早走，如果唔係睇埋正式開場都幾精彩!!!

終於買到了~~~~~~~

2010年12月21日    晴

好開心終於下定決心訂了SONY限量版NEX-3相機，左想右想這個好那個好....這個功能好...這個機身輕......諗左足足大半年，終於在一個網址見呢款的珍珠粉紅色後，就決定係呢個啦!!!!! 唔埋三七二十一，即刻打去SONY專門店問，佢話要預訂，仲要係專門店專有 ( 之後當然發現比佢呃左啦!! )，訂左一個星期終於天事地利人和之下攞到部機，雖然無大機噤專業，但以黑貓媽媽的性格黎講以足夠啦!!!!因太大部太重，黑貓媽媽係唔會攞出街，加上工作上要一部功能較好的相機影相，呢部就剛剛好!!加上有喜愛的顏色，唔想再諗太多了!!! 今個旅行可以有新機用LU~~~~~~

因係限量版關係，要買雙鏡，噤又貴左D~~~~不過，諗落都有少少需要，噤就算啦!!!

長鏡 ( 當然我死都唔會買另一支長鏡架啦 )

鏡餅

當然要再尋覓下相機袋 ( 要搵日出尖咀睇 )，粉紅色的專用相機套就真係要去日本搵下，因為暫時未見香港有得買!!!!!