My Bday

2010年 5月15日                   晴

今日都算係黑貓媽媽的大喜之日，登....登....登....就係黑貓媽媽0既牛一

，雖然年紀唔細都無咩話要特別慶祝，但黑貓PAPA就特別安排一餐好味味的晚餐，仲要賣甩黑貓BB添.....嘻嘻.....

一早出門到灣仔會展做野，之後同一班化妝姊妹食下午茶，佢地仲特別同黑貓媽媽切蛋糕呀!!!好開心呀~~~~因為今日大家做野都做得好辛苦，仲要麻煩阿step好神神秘秘去買蛋糕

，嘻嘻........

終於都到食晚飯的時候，我地仍然留係元朗無出區......鬼叫我地懶呀MA~~~~

先黎個包食下先，個番茄蓉 + 黑醋味道一般，可能黑貓媽媽我唔鍾意食太酸0既野

等食0既時候，當然要欣嘗下間蠔BAR0既裝修，老實講估都估到元朗會開間噤0既野，仲要幾偏下，但都好多人喎，唔通元朗D人發左

 

洗唔洗噤0既表情，雖然要你比.......鬼叫老婆大晒呀~~~~~

 

由老闆親自為黑貓媽媽揀蠔，因鍾意食鮮味，所以就揀左呢幾款，依家都幾抵買6送1，先由Namibia個隻開始食，順時針食落去，真係由淡至深.....越食越醎^^"

全部由黑貓媽媽一手包晒

，因黑貓PAPA唔食蠔的!!!食完真係飽晒~~~~

另有配料比你食蠔，但個人認為唔加好食D

同塲加演厚切三文魚刺身，期實呢度有海鮮併盤，但因黑貓PAPA唔食，黑貓媽媽一個人係無可能食得晒~~~~~~~

話噤快就食左一半.........好唔捨得呀!!!!

 

最後一隻，呢隻係最醎的....真係海水味十足!!!

就噤食完好滿足，個人最鍾意0既就係D'lsigny，不過都係廣島蠔同美國珍寶蠔，較creamy D!!!!!

 

 

當然啦!!!淨食個兩樣野就唔飽，所以同場再加演!!! 蒜香香草蜆意粉，但味道一般!!

墨西哥香辣單骨雞翼

 

 

呢間就係今餐的蠔BAR，當然呢度有得食甜品，但想飲珍珠奶茶多D，所以決定行番去時順便買杯比自己獎嘗下自己.......

行番去時見到呢班人，大家估下佢地係度做咩????

就係係度食麻辣火鍋......呢度只係少數人~~~~唔通佢地唔覺得熱架咩???

係元朗真係周圍都係人.....人多到噤 (呢度只係少數.....)

好似好好食，下次要黎幫襯下~~~~~泰星!!!

不用湊囡的日子

2010年5月8日                 晴

今日特別排開所有野，係因為黑貓BB今日要返學影畢業相，但都只係管接管送，由9時至11時半，黑貓媽媽係free到震。

上星期姑姑問黑貓BB今日有無特別事做，如果無想帶佢去參加公司的BBQ活動，我當然舉腳讚成啦!!! 因噤黑貓媽媽由下午3點到9點就自由自在啦!!!!原先由星期一開始諗有咩可以做，約人食飯、去修甲、去行街.......天馬行空，之係黑貓PAPA再比個驚喜就係佢放假

出發去BBQ啦!!


噤係今日我地就真係可以過番D二人世界LU.......首先我地去左睇一場想睇又未睇0既戲葉問2

趁未入塲同有一個鐘的時間，我同黑貓PAPA快腳地走左去愉景新城睇餐枱，不洗點諗就買左，跟手就要快腳行番去荃灣廣場買爆谷入場......個幾鐘0既戲一D都無冷塲，話噤快就睇完，見仲早就行下，等到6點幾...就去食飯飯，呢間原先係係我屋企樓下到開的日本料理，點知改戰荃灣，開左幾個月先有時間黎坐陣 ( 因為真係好正，係我食左噤多間最有熱誠最好味的 )，但去度先知佢晚市改左形式經營，無計人流少呀MA~~~~~做左放題，都幾抵食，6點半先都係$158一位 (免加一，任食任飲包BEER)，原先都好驚佢做左放題之後，質表會差左，原來都保持一定水準，不過，如果我想食美國珍寶蠔同長腳蟹就要改係下午食LU~~~~~~~

 

 

清酒煮蜆，好好味......蜆都好大隻架!!!

刺身都唔錯好鮮好甜!!!!!

 

 

海胆手卷同壽司都有得食，當然唔係比馬糞你食~~~~~

跟手黎多幾round已唔得閒影，最後一round.......( 電話影到無電，要用黑貓PAPA部機影......)

呢隻BEER都幾好味，入口帶有甜味!!!

食完差唔多8點幾，當行番屋企時剛好收到奶奶電話，時間都唔好話唔夾!!!!

捐左啦!!!終於捐左啦.....

黑貓媽媽噤大個人，連人阿媽都做埋，但講都無人知，黑貓媽媽從未捐過血，老實講黑貓媽媽其實真係諗左去捐血好耐，因覺得身為O型血的人，唔捐血好似好對人唔住噤，但就真係好驚好驚痛呀!!!今次經過媽媽事件，終於鼓起勇氣，加上有好友潘潘兩翼插刀噤陪黑貓媽媽去，就真係死就死啦!!!!!

今次就揀左去旺角銀城個間捐血站，入到去真係好似大鄉理出省噤，咩都識!!!先填表，後面談，跟手就驗血色素...之後就可以捐血LU~~~~~~~依黑貓媽媽今次0既可以捐到450CC血呀!!!!!不出10分鐘就攪掂，休息了10分鐘先出去食下飲下野保充番D水份先!!!

兩條友仔捐左個少少血，驚死蝕抵噤.........