今日老友上黎揀左結婚用0既首飾同頭飾，之後就出去食午飯，本黎無諗過去飲茶茶，但一行出千色店後，就見到有間酒樓新開張，見佢好似幾靚就決定入去試下，原本就唔見好多人，但唔知點解都要等位，仲要等15分鐘以上，之後陸續多人，係等位0既期間就發生個小插曲，就係黑貓BB見到大堂有個好大的水晶燈，黑貓BB見到好靚就諗住伸手摸下，但就一時無留神就踩左落去水晶燈下的水池，好踩個水池好淺水，但就用黑磚同無野圍著之下，好易比人踩落去!!!另好在黑貓PAPA係她的身邊及時扶著她，不讓她拉到整個水晶燈落黎，因濕身事少，整爛人地個水晶燈事大，噤大個壓落黎都少野!!!!
等呀等，等呀等!!終於有位啦~~~~~~上到去見到都幾靚喎!!!!
全層天花都係用呢款水晶燈，好靚架!!!不過樓底就矮左D~~~
每人都會有自己一雙公筷^^"，不過我到最後都亂到唔知邊對先係公筷...嘻嘻....
放餐具的櫃，整到好似百子櫃!!!
係無聊之際，黑貓BB就開始玩攝影....但就有少少手震!!!
呢兩公婆就一於好少理.....點菜事大呀!!!!!
首先黎第一道菜，蘋果叉燒酥!! ( 又真係幾好味 )
青瓜海哲頭 ( 味道一般 )
柚子千層馬拉糕 ( 即叫即蒸，又真係幾好食喎 )
真係唔記得呢個叫咩0既炒飯，我就無食過，所以唔知好唔好食!!!!
春卷 (幾好食，不俗 )
柚皮鳯爪 ( 係全隻上，但整籠就得3隻，仲要幾貴下成20蚊一籠，不過都幾好食 )
三色腸粉 (牛、叉燒、蝦 ) 都幾精緻，但就無淨係叉燒@@，我就覺D皮諗左D!!!
最後黎個甜品，桂花糕 ( 黑色個D係涼粉，都幾好食，唔係太甜 )
黑貓BB都話好食，食左好多野!!!!尤其個千層糕，三個之中食左兩個!!!
最後黑貓PAPA要包底食晒d 炒飯~~~~
(Empty)
回覆刪除邊間酒樓呀? 我地通常去稻香同喜上嘉喜, 飲茶貴唔貴, 點解黑貓papa唔駛返工咁好, 我都想傅生多d假...嘿嘿
回覆刪除[版主回覆09/04/2009 10:03:00]呢間係新的，係千色附近，我以前都有去稻香，但太遠所以少去!!!!呢間新0既飲茶都幾貴又唔係好多野食，我地叫左唔夠10樣野都差唔多要400蚊!!!!
黑貓PAPA做個行係返1日放兩日，我諗你都估到佢做咩!!!!所以都整日係屋企，如果我無接太多工作的話都可以配合到佢，所以你會見我地整日好似好遊閒噤囉!!!
咁幾好呀, 可以多d倍個女, 傅小孩成日都說傅生太少時間倍佢, 平日放假出去, 人都無咁多, 又多優惠, 唔錯
回覆刪除400蚊系元朗飲茶, 佢怕唔怕好快執? 你個聖誕之旅plan好未, 想八下, 睇下有咩好地方, 我又跟住去
[版主回覆09/04/2009 20:24:00]都ok啦~~~~但老實講我地兩公婆就唔係好好去街, 所以都無特別離開呢個元朗
我個聖誕之旅大致想都plan好左，只係取消左唔去船長之家同銀山溫泉，唔去銀山溫泉係因為貴之餘同無咩特別地方岩小朋友玩，驚佢地悶又一大班人無咩情趣，突登噤去一轉好似好無為，諗諗下都係留係下次去東北之旅先再去．所以都係決定去松島餵海鷗我諗佢地會開心ｄ，但除左去松島之外就諗唔到仙台仲有咩好玩，本黎想去青森但又係好似好無為，不如遊遊閒噤過好似好ｄ．船長之家個日就會改去釧路附近玩，例如去厚岸，還掂有車都唔洗驚，可能會去個個養狐狸的牧場掛！！！
好彩黑貓BB無受傷.
回覆刪除更好彩無整爛水晶燈,唔係就慘啦.....................
[版主回覆09/04/2009 20:12:00]yes ar~~~~難而想像的後果!!!!!
嘩，好彩BB無事，成個水晶燈如果跌落黎就大鑊~
回覆刪除你去釧路會唔會坐濕原號? 沿路睇到丹頂鶴，架火車又好古典，OK唔錯嫁~~
[版主回覆09/07/2009 09:57:00]我都好想坐濕原號，但可惜我去個時仲未有得坐，要到1月先有~>.<~，其實12月去係咩都無份!!!!!