2009年10月24日 晴
DAY 1
今日一早就要起身，因要趕去深圳搭機去上海，係呀!!!沒有看錯，是深圳呀!!至從上次3月份由這裏去上海後，至此就愛上這種方式，因價錢平及可在虹橋機場落機，那就方便得多了!!!
過了深圳灣口岸後，原先想坐的士的，但見有中港通就很翹地覺得方便及抵，便每人付上45人仔就上車啦!!!!最後先知做了水魚
等左10分鐘左右，車終於開出，老實說車都幾多人搭，整車都坐滿了找一個空的位子也沒有，經過30分鐘後，車終於到達寶安機場!!!!弄妥登機手續後，我們先去食一個難食又貴到死的早餐，拖得一刻便一刻，終於係時候入閘準備下，看下這看下那便到我們上機的時候啦！！
黑貓kiki：今次我終於有份出啦！！！呢班係唔係我地搭個班機呀？？？？
寫就寫明是１１：１５起飛，但最後都要１１：３０才能成功出發．
在機上說悶嗎？？我想很多人都會答是，但今次這一次可以說對我來說真的一點也不悶，何解？？原先黑貓媽媽也與大多數人一樣在機上影下相，搞下這搞下那，或是想一想飛機餐吃甚麼？
黑貓KIKI：依？？？邊位呀？？
樹女：我係樹女，係黑貓BB帶黎一齊去旅行架~~~~請多多指教!!
但當食完飛機餐後，黑貓媽媽無無聊聊取出本民航書來消磨時間，正當這個時候黑貓媽媽好本能轉個頭看一看黑貓BB，不看由是好一看就不得了，因黑貓BB無端白事流鼻血，真的是不得了啦!!
仲當一去到酒店CHECK IN 時，已給騙的感覺
黑貓KIKI ：嘩．．．．．好好味呀！！！
接著行前幾間就試下咸湯丸，黑貓BB見到有桂花酒釀丸子又嘈著要吃，當然作為一個金波笸，有求必應架MA～～～但我個人都係認為甜的湯圓好吃些，不是不好吃只是感覺怪怪的，這麼大粒都是3元人仔（兩粒）
飽後就打的去表姑姐家，表姑姐家坐在澤北區非常之近上海火車站，今次也是多得他們一家人的招待，帶我們去一些地方玩，若不是有他們當地人，我想黑貓BB沒有那麼好彩可以回香港LU~~~~~想知發生甚麼事就要留意稍後的遊記。
原來不說真的不知，在上海樓價都拍得住香港的，好家在在兩年前表弟好好彩已買了樓，因現在住的地方已升到三倍了，他已是好彩的人在匯豐銀行工作，收入較當地人高很多，若是一些低下的也真的不知他們如何置業，但另一廂，他們的副利好過香港，所以香港人再常常互相駡戰，我想不出多久，上海必會追過香港的!!!
說回遊記先，今次晚餐的目的除了聚舊之餘，還要一嚐正宗的陽澄湖大閘蟹，今晚必有口福，皆因表弟是揀蟹高手，連檔口都怕了他，因他永遠都揀了最多膏最靚的蟹，哈哈......那遇見他又真係無運行!!
有看過韓劇的人都知這對BEAR BEAR在那套刻出現過~~~~
黑貓KIKI：嘩.............唔知食唔食得架呢??
你諗都唔好諗，呢D係發財魚，食左你估下會點???不過，唔知係唔係見到你，搞到D魚噤驚~~~~~
黑貓BB你都好唔客氣JA.....雖然我都知我地屋企無10尺噤大0既梳化，但你都唔好噤!
連人地間房都唔放過，呢度樓的特色就係唔會有套房，但實用面積就係建築面積，你話幾好，係為居住的人而設計的，所以無一個地方都可以用盡，不會放不到傢俬！！
有姿勢無實際的黑貓BB~~~
食過晚飯，主角終於出現了，因蟹太鮮味，如果第一道菜己吃牠，那所有菜都會失色，所以食半成飽，再挑戰牠!!!這是第一輪~~~~
只吃蟹腳的黑貓PAPA，你當然食得爽，難為了黑貓媽媽一人折三人食
第二輪~~~ 大家有無發覺這裏是用棉繩的，香港用水草是因為要....大家應該都估到
滿地屍骸~~~
今天上了一課，原來食大閘蟹有好多學問，有些地方不能吃，尤其在蟹身膏內有個氣泡好細少，真的不能吃，因太寒....如果表弟不教，真的不知道藏在那裏??
明天出發食正宗的南翔小龍包~~~~
好多人都講上海會追過香港, 我想在經濟方面可能是吧, 但其他就不好說了, 人沒覺得質數很高, 就那滿街都飛劍高手, 絕技要多高有多高, 不是普通的惡心, 滿街都是垃圾, 未去上海前都被別人洗腦說上海有多好, 去了之後真不覺得有多好, 傅小孩都說唔好再去上海玩. 舊年國慶去上海一張淨機票都HKD3000........4條友機票已過萬, 我果然是敗家啊!!
回覆刪除系上海食的大閘蟹好食過系香港買個D, 不過都唔覺得平香港好多
你真系蠢左, 我系皇崗打的都系110咋, 不過黑媽papa唔想打的是吧.
[版主回覆10/30/2009 21:08:00]嘩.....又真係好貴喎!!!我地7個人去都係萬幾咋喎!!!另依家好過之前乾淨D，D人都無噤多飛劍!!!
我最鍾意的大閘蟹, 係咪好正, 正過香港? 約幾錢隻呀?
回覆刪除[版主回覆10/30/2009 21:10:00]真係幾正架!!!平應該平過香港，起碼無呃秤，佢地唔會紥住架，之後先用棉繩紥住!!但我都係鍾意食奄仔蟹多D!!!
嘩嘩嘩~~~~最吸引我都係大閘蟹啊~呵呵~
回覆刪除去深圳坐飛機~~~會平幾多呀~~??
會唔會太麻煩呀~??真係未試過啊~
[版主回覆10/30/2009 21:16:00]係呀!!!今次都係想食，本黎諗住攞D番香港，但又好似好煩，所以都打消左!!!!
係深圳真係平好多，係深圳灣口岸坐的士都係80人仔，皇崗就110人仔到，另你可以睇價先買票，好似海鮮價噤，好似我地呢次去就1100來回，但11月3號去就600來回，上次我去就720來回，每次都係比100人仔建設費就OK架啦!!!唔洗好似香港噤比450蚊機場稅，同埋附價費有時要加千幾蚊，小朋友都係平200蚊咋，你話點計都係係深圳走好~~~如果去圓方仲可以即時check in，同有車直到深圳機場，不過當然係網上購買就平好多!!
果盤湯圓好壯觀..............不過我最有興趣都係"大閘蟹",地度的係咪超好味?係上海買蟹貴唔貴?
回覆刪除[版主回覆10/30/2009 21:18:00]係呀....真係正D!!!!同埋一定係陽澄湖的!!!!我諗應該唔會好貴，如果唔係D人都唔會買黎食!!!
呢篇見你地玩得好開心 , 黑猫 bb 又鬼馬 , 連食大閘蟹食得咁過隱 , 整返個食食之旅有得唸~
回覆刪除我有個幾白痴問題 , 如果第一次去 , 同樣食食 , 究竟去台灣自由行容易 , 定上海自由行容易 , 兩度我地都未去過 ~
[版主回覆10/31/2009 17:39:00]台灣好些，上次去台灣都係自由行，都幾易，即使去烏來浸溫泉或去九份都好容易，上海反而無噤好玩，同D人麻煩D~~~~
台灣建議住天成酒店，近火車站同捷運，對面就是1010加上樓下有間24小時的屈人寺 ( 依家唔知仲係唔係度??)
唔係呀! 第一天算順利 , 冇乜邪爆呀 ?
回覆刪除[版主回覆10/31/2009 17:39:00]唔算，只係流NOSE血係先徵.....
我同意小肥羊講法，上海D硬件做得幾好都好，D人嘅素質真係唔係咁掂，我上次響南京步行街一間比較出名嘅食店，嗰度D服務員D服務態度真係嚇死你，就算無睇過劉德華個廣告，都應該知服務性行業對客人至少要有返DD禮貌，嗰度D服務員真係好兇好無禮貌，絕對可以用刁婦兩個字黎形容，無咩必要都唔想再去內地玩......
回覆刪除[版主回覆11/01/2009 23:58:00]姑姐講過，去上海/大陸個d食店要睇佢係唔係國營，如果係就真係差好多，因唔優做!!!!!