今日雖然有些不適，但仍難減興志，一於會一會BLOG友小肥羊提過的商店，可能今日是星期六，要上南豐商場都不是一件易事，人多到不得了。去到六樓，老實說已不得記起店鋪的名稱，還以為只是一間，所以看見一間叫羽絨城的，便入去一看，它與一般的店鋪分別不大，故買雪褲時沒有多想便買了，款同色也不是太喜歡，不過，見是羽絨及可以分開內外，價錢也是百幾元，故也買了一條!!!
接著見還有時間，在那一層看一看，比我發現了另一間，它比早前的較佳，當然價錢也有一定水準，當然黑貓媽媽最後也忍痛放下差不多7百大元，替黑貓BB買了一件保暖底衫、一封雪鞋及一條雪褲，可惜最喜歡的那一條紅色/黃色沒有黑貓BB的碼數，又不想買黑色，最終都買了一條花的~~~~~~~~但好似發現買錯鞋，對鞋鞋面係"GAME"皮，不知個內裏會否入水呢???但呢隻鞋真的講買可以去雪地...應該都OK!!
但黑貓媽媽暫都沒有替自己買，各位會否建議黑貓媽媽買一條雪褲呢??但真係幾貴，二百幾蚊用一次，另買唔買保暖底衫呢????
喂喂~~ 又唔叫埋人地哩!! 我都想買多條衭呀~~ 同埋小羽萌真係要買D保暖底衫呀!! 個到係咪無架?
回覆刪除雪靴係呢D質地係唔會入水架~~
[版主回覆11/02/2009 00:34:00]噤我星期六趁有空閒咪去睇下囉!!! 你買褲比自己定比阿毛呀??? 保暖底衫個度都有都係百幾蚊for 小朋友，大人就二百幾，仲有好多野.......帽我已係元朗廣場度一間專賣帽個度睇度個心水~~~~~
我都唔知叫咩名喎, 6樓有3間賣呢d野舖頭, 電梯出來就對正康泰, 轉右手邊有兩間, 第一間好少鞋賣, 再行入d有第二間, 廚窗已有好多鞋擺系到,就系呢間了. 如果只買底衫去雄鋒都得啦, 你去到買衫講你個FRIEND個電話出來就得, 唔駛睇証, 我D FRIEND成日都系咁.
回覆刪除未去已經先駛一筆錢, 買左防水手套未? 千奇唔好買5隻手指的手套, 買小朋友款就得, 即系手指公及另外4隻手指一邊個D, 咁佢地會帶得容易D, 舒服D, 否則每次都要你幫佢帶, 幫佢除, 你會想死的
你買鞋有無問那對系唔系雪鞋, 防唔防水, 如果老板話得就掂啦, 無就真系差D lu. 你買唔買雪褲真系好難講喎, 如果你唔玩雪上活動, 又唔會訓系雪上面, 應該唔著都可以, 怕凍可以著絨褲/綿褲, 都OK架, 著牛仔褲死緊.
[版主回覆11/03/2009 04:42:00]yes ar!!!我之後就係去店面有好多鞋個間, 佢話係雪鞋應該都防水, 如果唔係咪番黎唱衰佢 , 手套同冷帽就未買等遲少少先其實手套5指個d我個女都識著, 所以又唔驚, 我都唔記得雄峰買幾錢一件, 不過我都係買14x都ok, 但大人個d就未買, 老實講我就唔會玩雪上活動, 但又驚一時衝動想玩雪，但點解著牛仔褲就死緊？？？
但點解著牛仔褲就死緊？？？
回覆刪除--------------------------
入風唔保暖, 一日之後你對大脾要幾紅有幾紅, 痛到腫, 親身經歷, 牛仔褲就留翻系無雪既地方著. 唔想買雪褲問朋友借吧, 著一次半次, 我地呢d多見鬼佬少見雪既人, 見到雪會興奮d, 很想訓落去...嘿嘿
[版主回覆11/03/2009 11:18:00]哦....噤牛仔褲我就留係東京個段時間著囉!!!!
我諗我都唔會訓落去.....
黑貓媽媽唔去滑雪,其實可是唔使買雪褲.著"燈琛絨"褲就ok,可以著條絲襪褲打底就好暖. 打底衫可以用絲襪衫代替+件薄身"樽領"+衛衣,再著埋你件外褸( 羽絨/fleece+Gore-tex),點都ok.
回覆刪除記住著對厚身d的 襪,隻腳暖,個人就暖啦!
[版主回覆11/03/2009 11:21:00]噤又係開頭我一心都諗住著底打褲 + 牛仔褲 / 燈芯絨，另買件保暖底衫 + 衛衣 + 冷衫 + fleece + 防水風褸，另厚襪 + 波鞋就算，噤夠就去度先買 ( 其實又係比藉口自己shopping )
如果想平啲, 係花園街中間的街舖都有得買雪褲, 一條好像70元左右, 我覺得幾好嫁.
回覆刪除[版主回覆11/06/2009 17:47:00]近期係淘宝網搵到ｃｏｍｌｕｂｉａ的都不是太貴百幾，不過都都想去花園街望下，但真係要等有時間先出得去，我整日都覺得好似住係深山裏面要有時間先可以出省一次～～～