我地將會乘搭12:53分的車到仙台，因車程都有番噤上下，加上唔買野上車食，個人好似比蟲咬，所以唔理噤多都要行一個圈搵野買!!!
呢架就係我地搭的JR........中途仲要係八戸轉車!!今次係我地旅程中最長的車程，係車上都係食...食...食....瞓...瞓....同打下NDS....
睇完一輪風景後都係時候開餐，老實說呢個便當都唔平，要成千幾YEN架~~~~~味道就一般，因為黑貓媽媽鍾意食熱野，呢D凍左0既野食此終都欠缺左少少野!!不過個魷魚真係好好食
要離開北海道我地首先要經過呢條海底隊道，以前係叮噹館黎架，不過依家無左變成噤......
坐到噤上下真係熱到頂唔順.....睇下黑貓媽媽熱到噤就知
坐坐下先發覺差D唔記得買左呢樣野，既然係黑貓媽媽買的當然係朱古力口味，芝士noway.....
係八戸轉左新幹線後，無所事事之下就睇下車上的周刊，D野都幾搞笑!!!就係呢個時候比我遇見了一個超無禮貎的男人，狂佢仲著到西裝骨骨噤，原先黑貓媽媽出門在外都超有禮，避免不必要的麻煩呀MA~~~~但原係問佢座位上的行李架D行李係唔係我，噤最初我都驚係我地行李多阻住佢，但發現都唔係我地之後，就唔係好想理佢，但佢仲一輪咀係噤嘈，噤我就好惡噤用英文鬧佢....唔知佢唔識聽定係點，跟住就收口坐番低，最後比黑貓媽媽發現呢條友都唔係有行李放，只係唔想有野係佢頭頂....真係XY%$#X)@JGO#RTJ佢。
係5點左右我地就到左仙台，係落車時比我係月台度見到呢款雙層新幹線，真係幾想坐，唔知之後可唔可以遇見??
第一次到仙台從未諗過仙台噤大噤發達，今次我又出事啦!!!原來訂酒店時無睇清楚，所以book左雙人床，毛毛一家當然無問題啦!!但我地呢邊就大件事，好在就係酒店仲有一間雙床房，當然價錢貴D無優惠啦!!!但當時都無得諗噤多LU~~~~~
快手快腳地放好D野，我地就趕住去超市入定D貨，點解???因為聽日係日本新年，基本上係無咩店會開門的，即使係食店都唔理你噤多，我地係最後幾分鐘都趕到入去，今日係除夕關門時間都提早一個鐘，唉......都唔知日本人做老細係好事定壞事??入完貨，基本上已無咩地方好行，加上又落雪，商店又關晒門，只有一間LOFT未關只可以入去HEA下...........跟手搵左好耐都無今晚晚餐的著落，最後都係去左松屋食飯!!!
食完就返酒店啦!!!無計帶住兩個細的想去廟會都唔得，仲話學人玩倒數，諗都唔好諗，一係佢死一係我死.........返到酒店例牌係迷電視，都唔明黑貓BB點解噤鍾意睇電視，不過今日個個電視都幾好睇，講一家14口點生活點上下一心，不過比我係個阿媽都想死，老實講得38歲但就殘到好似四十幾五十.....鬼咩一生生噤多4男 + 4女 + 3胞胎 + 最後仲有一個細女，最大高二，最細1歲，都無話唔勁，睇完都十二點LU~~~~要瞓啦!!!聽日要去餵海鷗呀!!!!
是日支出 ：( 黑貓媽媽及黑貓BB )
酒店 ￥6,000
午餐(便當) ￥1,050
入會費(東橫) ￥1,500
朱古力布甸 ￥1,050
早餐 (蟹湯) ￥465
海胆 ￥1,800
扇貝 ￥400
米、綠茶、年糕 ￥1,696
紅豆 ￥525
寄港扇貝 ￥450
可樂、粟米湯 ￥300
麵包 ￥390
晚飯 ￥740
￥16,366
沒有留言:
張貼留言