2011年1月27日   晴                         

           甜蜜の東京、箱根行  Day 4 Part I

今日一早起身早餐都唔食住就走左去築地潮市，黑貓每去一個地方最鍾意就係去潮市，因為可以睇下當地人的生活情況，在東京只能到築地，加上她就快要搬啦!!!!趁未搬前再來朝聖下。


我們繼續乘搭地下鉄，在上班時間東京同香港一樣搭任何交通工具都慘過嘔。前往築地不難一出地铁口便見到這一座似清真寺的建築物，築地便在這附近了。

行了入內巷，見到不少新鮮的海產類，真係恨不得買回家，不過只可以諗，死左條心佢啦~~~~~

蔬菜同漬物也不少呢!!!不過今次黑貓無發癲沒有買"大根"回來，只是很忍手買了紅豆讓奶奶可以在新年時用黎做紅豆糕!!!!

看見了不同用途的刀，當然黑貓也沒有帶回來，皆因沒有銀糧。看師傅十分認真地礳刀呢~~~~~

行了不久，我們當然見到我們今早的早餐，蟹我沒有吃到，因黑貓PAPA不吃，我當然不會那麼蠢買來自己吃，否則一陣真係咩都食唔到，咪蝕晒囉!!

我們要了一個燒元貝

在等待的時候，黑貓好手多就去打開了商鋪的箱，看看是甚麼東西??? 一開便"嘩"了一聲，好大條三文魚了，如果整條比我攞走就好囉!!!


玩完不久就食得，好鮮，好好味呀!!!!

日本樣樣好，就係呢樣唔好，可以食鯨肉，係呢樣野我永遠都接受唔到!!!!!

行左一陣就見到有水果檔，雖然都唔平，但最終我們買了幾個青森蘋果同士多啤梨，鬼叫答應了在香港的黑貓小妹買咩!!!今次無得黎已勁不高興!!!!

買完野就到我地主打的早餐 ======> 壽司，事實你問我入了那一間，我老實說真係不知道，我們只是隨意地選了一間便進去了，因為材類新鮮差極都有個底，最起碼不會中伏呀!!!

這類有指定的套餐價錢也較散叫抵，因師傅是按當日的食材而定的，但黑貓PAPA最愛此終是三文魚，加上黑貓要吃海胆呀!!!不散叫對不起自己呢~~~~~

好食到要比十個讚呀~~~~~~

到黑貓的海胆，雖然沒有多到漏出來，但新鮮情度同香港真係無得比呀!!!

再來一碟呀，唔該!!!!

同場加映 ====> 毛蟹味噌湯，真係整隻蟹上，係香港邊度有可能!!!仲要平到你唔信呢~~~~~~

臨走離開築地時又有串燒呀~~~~又食!!!

凍到死的時候可以飲杯熱的清酒簡直大快人心，可惜黑貓PAPA唔好!!!

築地遊不經不覺就完成了，走時發現了這個，到依家都唔知係咩???希望有人可以答到我呢!!!走時除了見到這個還好好彩比我用一千YEN買到了三合的富柿餅，好好味呀!!!!