関西賞櫻の行2012 Day 6 京都。清水寺
一早起了身看見酒店外的景色，令人心情都好些!!!昨天的天氣與今天相比，簡直天與地的分別!!!再次用電視聲弄醒黑貓小妹，崔速她快手弄好自己後，便到隔離房看看他們弄好了沒有，昨天回到酒店，差點兒都比婆婆嚇鬼死，話說她胆粗粗走落去超市行，但無攞房咭又唔記得自己幾多房號，返黎時走去問櫃台，當然係無效啦!!!一來人地唔識聽你講咩，二來人地都唔會話你知，幸都記得自己住幾樓，但因無房咭係入唔到走廊位置，所以佢趁個鬼佬入去時，佢閃身入去.....
之後係印象中的位置叫黑貓小妹，亦幸黑貓小妹聽到開門比佢，如果唔係真係唔知會點........
講返今天我地會出發到古色古香的京都，因十分最近JR駅當然揀返坐JR啦!!費使行呀MA~~~~~當然每天選擇食早餐是一件難事，因公公要揀一間無人食煙的食店。近近地去了Tomato 各人粗粗地揀左早餐後就快快地解決佢。
黑貓小妹唔夠瞓胃口就差，但都諗唔到佢會晨早溜溜食蛋糕
黑貓今日揀食熱狗
黑貓PAPA食呢個
食飽飽就去買車飛，大人￥890，小兒半價￥440
今次我地就係下兩個駅今宮駅轉番車出去
差不多成個鐘頭車，去到就先去Information度買全日巴士票同攞下料先，但入到去難以想像噤鬼多人，真係多人到嚇鬼死!!!
有晒花期的資料，而職員伯伯都好好人，極力話比我地知邊D地方今日滿開!!!
京都塔京都新座標
我地買左一日乘車券，因為每一程都￥220，搭三程已回本啦!!!
出去巴士站搭車時真係嚇左一跳，洗唔洗噤多人呀!!!!從來都未試過係日本見到噤多鬼佬，亦都好彩我識搭車唔係淨係識搭100個條線，如果唔係真係有排排，因為已打左幾個蛇餅
搭左差不多20分鐘車就到達目的地。
整條街都係人呀~~~~
要到清水寺就要先行一段路先到，好彩唔係太難行，加上好天氣行起上黎都好舒服!!!
見到呢D貴到死的陶磁野，就同黑貓小妹講，你幾時先學成歸來....整得出呢D野呀??
KIKI : 嘩....我呀!!!
一路行一路睇野
人力車
近年大多數的旅客興起了租借和服，身穿和服遊京又是另一番滋味，但黑貓即日來回沒有預太多的時間，也怕穿衣上妝弄頭等花太多的時間，還要顧慮還衫的手續，所以就沒有穿上美美的和服上街!!!
若覺和服太普遍也可以試下藝妓的妝扮
今天黑貓小妹有少少鬧情緒可能覺得唔夠瞓
，但當買了一個美美的髮夾後，心情便靚靚!!遺傳了黑貓的shopping基因，唔該要敗家請嫁個好老公或自己搵錢回來，阿媽的錢是比自己敗的。
有好多HELLO KITTY的和服造型
遠遠已看見櫻花妹妹在向我地揮手，叫我地好行快D~~~
我地真係好好彩，看櫻花妹妹真的好講運氣，即使櫻花妹妹肯見你，但遇著陰天，櫻花妹妹也隨著灰晒~~~~
有勁多的自由行團，要攝個靚位真係難!!!
老實講玩左噤耐都未買到入門券入正門，因櫻花妹妹太靚太多啦!!!公公、婆婆、舅父都影到無停手，當然黑貓都係
終於入到去啦!!!但原來好多地方都輯建，地方細了但人就多了很多，真係有少少失望!!!
我地雖然唔需要良緣祈願，但舅父要呀MA~~~~
黑貓小妹你唔洗噤快有~~~~
呢D咪叫上樑不正、下樑......自己諗!!!
打左係唔係可以快D搵到架???
就噤唔洗半個鐘我地就差唔多遊完，為左唔蝕門券，唯有影多幾張相啦!!
外面景色真係好靚呀~~~~
行返落去LU~~~
相親相愛!!
行得累入去飲杯茶食下野
黑貓PAPA揀左傳統綠茶，黑貓真係接受唔到
黑貓小妹揀了小丸子食~~~
黑貓我當然都係鍾情紅豆年糕啦!!!鹹得黎帶甜最岩我
食完就係時候繼續行番落去，行到噤上下竟然有架郵便局的車，售賣特別的郵票，舅父係郵票痴，當然唔放過，黑貓就唔好，一樣都無買。
最後一個景點，之後就要離開清水寺，要再入黎都唔知係何年何時!!!!影多兩張啦~~~~
水中倒影著櫻花妹妹...真係好靚架!!!
待續....
沒有留言:
張貼留言