関西賞櫻の行2012 Day 7 奈良下篇

2012年4月13日                                                                        関西賞櫻の行2012   Day 7  奈良下篇

話說上回講到我地今日去搵鹿鹿，D鹿鹿唔驚人之餘仲好鬼狼死，係噤纏住要擺鹿餅食，其實如果呢度唔係為左黎睇鹿鹿，如果唔係櫻花季節，我諗呢度無咩值得一睇囉。

奈良吉祥物

行到噤上下公公覺累坐左係度，遠望黑貓小妹同黑貓PAPA餵鹿鹿，係黑貓PAPA餵極都未完。但之後又學人坐係度餵鹿鹿，後果係......比鹿圍。

那都話唔好亂黎架啦~~~~~

其實D鹿鹿真係好鬼得意 ( 可能係黑貓太鍾意毛晨晨0既野 )

KIKI ：你可唔可以唔好攞我黎攪飛呀!!!!!!

沿路櫻花盛開，真係好靚呀!!!

不經不覺就到左東大寺

鬆馳熊都要扮鹿鹿

噤岩又撞到一對新人行禮，新郎仲要係外國人.....

連寺裏面都有鹿鹿，已進入自出自入的地步。

係阿爸的陪同下終於摸到啦~~~~

整地毛毛....

比我發現呢隻好鬼好食，但要噤大支先得，細個隻太甜...呢隻多D餅相對無噤甜，不過想再買就搵唔到

其實黑貓小妹好想接近D鹿鹿架，不過又細胆，所以專搵一D細隻D0既，仲會走埋去同佢地傾計，不過...要佢摸就"NO WAY"

櫻花樹下配襯埋D鹿鹿個畫面都唔錯。

低能之作N次....

餵完鹿鹿後佢地兩父女又去餵錦鯉，日本人的自律己去到神的境界，買魚糧請自便。

喂....呢D用黎餵魚架!!!唔係餵你班鹿鹿架~~~~~

D魚個咀都係飛一般大.....

再行落去就去到手向山神社...不過都係無咩野睇

呢度好多櫻花樹，如果個天藍D就真係仙境景，依家就灰左....搞到好淒美的感覺。

黑貓小妹話要影櫻花飄落黎的相喎....你估你媽我個部機係神級咩~~~~

有個好大的草地....黑貓小妹好似發左傻噤，係噤四圍步。

終於行到點幾先捨得走，仲要沿途勁買士多啤梨同蘋果，無計聽朝就要上機，公公點會放過買生果返香港的機會，無錯佢去到邊都會買的。

終於可以醫肚啦~~~~~點知比黑貓PAPA撞到佢最愛的COCO，真係食咖喱食到見到都想嘔....

黑貓小妹的兒童餐.....

黑貓最終係食唔晒....最終比左一半黑貓PAPA食....食到佢

食完就搭車返酒店，原先諗住行埋酒店附近的超市，點知舅父又諗埋D縮數野，係咩???咪諗住佢地三個男人出閘去酒店攞行李，我地留係閘內等佢地，點知咪係舅父你諗多左啦~~~~無論點都係比噤多車錢.....

黑貓小妹真係大個左好多~~~~

今次揀左係住関西エアポートワシントンホテル  揀呢間酒店0既原因好簡單 ===> 近機場，佢係りんくうタウン駅價錢仲要相對抵，一間房剛做割引9,700日圓，加上聽日九點幾機，為左大家唔洗噤早起身，所以揀間近0既去完check in之後仲可以去食個早餐shopping下，加上有免費shuttle 去機場，連車費都慳埋。落車後發現落雨，天氣開始轉差，又落雨又凍，好彩聽日走啦!!!

睇下間房都幾大，仲可以住三個人之餘都唔覺得逼....仲可以開到個大喼，正!!!

景觀就係個海囉~~~~~

搞掂晒差唔多六點幾，我地爭取時間到附近的りんくうプレジャータウンシークルoutlet行下，不過，我地係adidas度留得太耐，雖然有收獲 ( 不過唔係黑貓 )，但佢地太猶豫不決，搞到無時間睇第二間......所以黑貓又慳番。只係去左個超市掃貨買手信比人。

仲有個大大犘天輪，不過我地無玩!!!

揀左N噤耐最終都係去到駅附近的食店食係関西最後的一餐晚餐，咪就係因為晏晝個餐累事囉!!!食到噤鬼死肚，連食積個個黑貓PAPA都食唔落野~~~~

初以為係豆腐黑貓先叫....點知係芝士...嘔.....

飽得後果係食麥蕎麵...

有得玩新鮮山葵，用唔晒唔緊要，有膠袋比客人攞走~~~~

飽死左.....

食飽之後就要返酒店啦!!!黑貓仲要返去執行李，唉......一人要執三人野!!!想死~~~~~