甜蜜の東京、箱根行 Day 1 PART II

2011年1月25日     晴                                 甜蜜の東京、箱根行   Day 1  PART II

原先諗住去東京鐵塔先，但因已四點有多，為免趕頭趕命，所以先去左東京駅の一番街，費事一陣關門就唔好啦!!大家去開都知佢地好早收架啦!!!呢個時候的丸ﾉ線人多唔多個，但遲多個鐘就.......

 

 

 

 

東京駅一番街就係八重洲方向，基本上話大唔大，話細又唔細，不過就幾好行，落雨太陽晒都唔驚；行過去途中見到呢部好新科技的售賣飲品機，都幾特別!!當然科技呢D野係要用錢黎砌出黎的，所以價錢都比一般貴30日圓。

 

有人就會問點解會專登黎東京駅一番街呢??原因無他就係黑貓PAPA要黎觀光一下 Rilakkuma專門店，因暫時得呢度同大板先有!!!為左令黑貓PAPA有番頭的機會，佢話去邊黑貓點噤唔比佢去。

 

男孩子一定會喜歡這裏

 

嘩!! 木村~~~~~但估佢唔到佢會拍大和號呢類戲......仲要噤賣廣告.......

 

唔知點解見到呢間店我無論如何都要入去行個圈，但買野....就有少少忍手，因為真係幾貴，本黎想買龍貓....但如果買齊一套必死無然 ( 肝硬化 )，不過最後當然有放低買路錢，正如黑貓PAPA講左句：mammy, 妳終於忍唔住出手啦!!!!

 

借東西の小矮人裏的衫夾，你肯唔肯出一百蚊去買???我就真係唔捨得......

轉呀轉....轉呀轉.....轉黎轉去點解都搵唔到鬆馳熊個間專門店，當發現另一條新路時，我們真係好興奮....但點知???去到搵到0既竟然係噤.......激死左黑貓PAPA。

既然想去的地方裝修，唯有搵野食，但好多真係好食的店都排晒長龍，自問唔想同人一齊等，所以隨便搵間入去便算LU~~~~那間食烏冬，半自助式，黑貓PAPA叫左個月見烏冬，店鋪體貼地避免蛋過熟，結算後讓客人自己加湯，噤行到位就剛剛好!!

 

 

葱亦係隨個人加入，黑貓要了溫泉蛋加牛肉薯餅，係日本唔吃揚物真的對不起自己，所以隨喼必有清熱酷，每晚必飲，噤就唔怕熱氣。

 

 

嬲到爆的黑貓PAPA，興幸係香港已買到了心水iPhone瞉，如果唔係我諗佢仲想死。

話噤快就食完，接著再去對面再食過，今次選了八爪魚丸....

 

 

 

勁....黑貓只係吃了兩粒就頂唔順啦!!!黑貓PAPA竟然有本事吃了8粒!!!食完就好似阿仔噤.....反晒肚!!飽死............

 

 

 

路過見到呢隻幸運の豚像，仲唔嗱嗱聲去摸下，驚之後四日再出事就唔好啦!!

 

 

跟手就坐番一個站去銀座轉番日比谷線去神谷町駅，去個度做咩??咪去搵下東京鐵塔囉!!!話晒黑貓PAPA未去過，而黑貓只係係周圍影過相都未正式上去，咪去影下夜景都好，不過呢度真係黎一次就夠啦!!如正係好想黎都係等櫻花盛開時到對面的芝公園睇櫻花同時取景影相好了，至於上唔上個塔就睇個人，如果未上過咪上去睇下都好

係一個好鬼秘的出口1行到地面，就即刻見到呢個指示，加上必見到東京鐵塔，所以一定唔會迷路。

途經呢間店時，見到個棵野好特別拍照時，個職員好NICE噤比我影，嘻嘻.....個種感覺幾特別!!!

呢度有兩間教堂

 

 

話噤快就到，係出面影番個全相先，行緊就影唔到架啦!!

 

 

 

要入去就要放下買路錢，多謝盛惠820日圓/大人，如果再想上高些就要另外比錢!!

入左升降機，搞到幾科幻....但似拍鬼片

 

唔知點解點都影到館內的射燈@@

 

 

 

彩虹橋

 

 

 

黑貓KIKI：嘩.........救命呀!!!

 

 

 

還有資料館

 

嘻嘻...係唔係好無聊呢???

樓下有恐怖蠟像館，但黑貓PAPA話睇佢咪夠啦唔洗比錢入去睇!!

呢個就係東京鐵塔個代表公仔.....但點睇都似條蕉囉!!!

行唔夠一個鐘走人。

返到池袋街頭仲有好多人，行到噤上下見到好多人圍，哦....原來係寫書法，型在係一路聽歌一路同客寫。

 

見到SEGA當然忍唔住入去拜訪下，呢隻GAME都幾抵打打極都打唔完!定係黑貓PAPA勁呢???

 

是日遊遊蕩蕩就噤完結，返到酒店沖個靚涼早D瞓，聽日出發到箱根是也!!!今次住呢間酒店房間唔細，鏡頭後係廁所同走廊 (可以掛兩行衫)