甜蜜の東京、箱根行 Day 1

2011年1月25日     晴                                      甜蜜の東京、箱根行   Day 1  PART I

等了又等，期待已久的東京5天遊終於出發LU~~~~~~~

未真正寫遊記前，要係呢處多謝公公、婆婆、爺爺、嫲嫲的頂力幫助照顧黑貓BB這5天的生活及上、下課的事，如果唔係黑貓同黑貓PAPA要放心噤去玩都唔係容易。

今次係第一次坐噤早機到日本，真真真....真係有慘過死的感覺，加上天氣凍到，要晨早五點起身真係好辛苦，好彩我地知自己係咩料子，所以一早決定乘的士到機場，如果唔係真係...........

準時六點到達機場，已見機場都擠滿人，今次首次用自助check in 機，不過我又好唔明點解要用??因為整個過程都咪又係有兩個人係度幫你做之餘，仲要排隊寄行李噤同以前有咩唔同??

嘻嘻，去時更係唔洗帶太多行李，留番D位買野番黎!!!

搞好晒所有野，呢個時候當然係去食個早餐先啦!!!話就話8點機，唔知係唔係美國機的關係，7點左右就已可以登機....留番時間比人檢查有無帶違禁品驚炸左美國 ( 無法仇家多 )

KIKI：要食飽D....盡情噤食!!!!

今次多左個新成員 ===> 賤兔阿仔

做燒鵝幾好只要$338就可以搭飛機...幾抵!!!

未出發先興奮

終於上機啦!!!黑貓PAPA仲有D唔放心問，我地會唔會去左亞拉達C洲架??

天先岩岩開始光，但黑貓己覺得好似搞左好耐噤........

 

上機無耐又開始派飛機餐，有理無理都係食左先講，味道仍可接受!!!

 

食完個不過不失的早餐後，黑貓PAPA當然開始佢0既屠龍世界，黑貓我就開始等葯力發作，因避免上回因鼻塞引致眼球受壓的痛苦經驗，今次黑貓醒左係未上機前食左粒通鼻塞葯，加上食左不知幾好瞓，所以有理無理食左先講，玩左一輪自拍之後，葯力開始發作，係呢4個幾鐘黑貓不知幾好瞓!!!

 

正當瞓醒以為班機早到可以係十二點到達，心裏忍唔住偷笑時，就開始發覺唔對勁，唔係嘛??架機降落後竟然可以係個機場度行左足足30分鐘有多，講都無人信!!!

仲之最終都係12:48先可以落到機........

 

當行去關口時，見到個條龍.....一路行都見唔到龍尾時心真係不停鬧唔係化洗唔洗噤多人呀????幸突然係前幾個身位處斬開作龍頭，開多數個關位比人辦理入關手續，如果唔係黑貓一定等到發癲都似。
不出10分鐘就打好指橂照好相去攞行李，當然依日本人做野的速度，依然係人等行李啦!!!

搞掂晒就落去下層的JR買N'EX同sucia咭的套票，今次我都仍然住番池袋靜中帶旺，但因為N'EX 去池袋的車時間相隔好遠，要我為左直搭到池袋而等成個鐘，我緊係唔制，所以決定搭到新宿再轉湘南線搭一個站到池袋仲快!!!

 

今次剛好撞正做特價來回N'EX + 2000日圓(包括：500日圓按金) 都係5,500日圓咋，唔買等咩呀???一張單程N'EX都已值3,500日圓，來回已抵番係度!!

坐多個半鐘頭車，話噤快我地終於到左池袋，緊係啦!!!在車到發生搵車票事作後，唔想快都快都唔得啦!! 到埗後先要係JR東口出一路經六番通不用10分鐘就到今次入住的酒店 アークホテル東京 ( ARK HOTEL ) 就係池袋醫院隔離唔難搵，當然有睇我之前寫的番外篇就會知道我係check in 時出左咩事，係呢度唔想再提，當然亦因呢件事令我們出發去另一個行程有少少拖延左，好彩黑貓PAPA無炸型咋!!!搞好晒所有烏龍野之後就攞埋腳架出發去東京鐵塔，行去搭車之時，好彩地比我地撞到呢架流動PANCAKE車，當然黑貓係唔會放過任何一個有得食的機會，亦好在有食，因為之後見都未見過呢部車LU~~~~

 

日本人做野的認真度真係無話說，皮整得燶左些、粒士多啤梨細得咋、香港撞瘀左呢D野一定唔會賣比個客，但調番轉係香港就真係話之理，但當然要噤0既服務下場就係等到瞓著囉!!!