関西賞櫻の行2012 Day 1

終於等左好耐先有時間清左前債，依家還新債!!!! 等都等到頸長，無計啦!!早論真係忙到甩碌，又開了電影、廣告來做，瞓覺都無時間何況寫遊記，最慘係ipad係寫唔到遊記的，所以即使開工無聊無野做都無計......所以明明去完旅行叉電，但個心仍不斷R旅行，最後都比我R到!!
會邊暫時賣個關子先，仲之唔係返鄉下，鄉下要留待下年二月先會去，因會同黑貓PAPA二人去北海道滑雪，實唔實行到呢??希望啦!!! 因黑貓PAPA已比黑貓成功勾引到去日本的引....嘻嘻....一日到黑都同人講同老婆返鄉下，今次最大成功感係令黑貓PAPA已大致摸熟日本搭車的方法，以後唔洗驚迷路LU~~~
廢話唔講噤多，依家正式帶大家到日本賞櫻，今次真係好好彩睇到櫻花盛開的狀況，仲要日日都係喎~~~我想我們一家真係好幸運呢，原先諗住會錯過，但點知櫻花妹妹越行越遲，直至我們到那幾日盛開，賞櫻比任何事都要靠天、時、地、理、人、和，盛開但天氣不好櫻花便會灰灰暗暗，當天氣晴朗時，無論手上拿取甚麼都好也能拍攝到櫻花妹妹的美態!!!幸運的是黑貓在有生之年能帶黑貓公公及婆婆欣賞到美景，真是值得慶何!!!

2012年4月7日                                                      関西賞櫻の行2012   Day 1

今次係自己去噤多次旅行亦係返鄉下噤多次第一次搭下午機，亦係噤夜先去到，所以話就話有8日，實際上只有6日噤多，因回程是早上機，所以在編排行程上又加多了一個難度，不過相對黎講好HEA好舒服!!! 雖然係坐下午2點半機，原先可以慳D坐機場巴士去的，但既然有人請坐車，無奶油唔坐架嘛!!!所以又可以舒舒服服去機場囉!!!加上一早check 左in ，大佬又係金咭成員，咩都唔洗同人迫囉!!!

一家大細的行李，慣性我唔拖喼，留比黑貓PAPA拖，所以上次去泰國真係好慘，無左個大力士係身邊!!!勁辛苦~~~~黑貓小妹已大過了，所以有自己私家喼，不過遇著天氣凍凍地，佢個噤0既喼裝得到咩!!!咪又係放左D落大喼，不過個大喼完成今次的任務又係時間休息啦!!!話晒都跟左我十幾年...出左無數次差!!!係時候退休啦!!!

黑貓公公到左啦!!!佢去邊都無所謂，最緊要係同黑貓小妹一齊，如果表妹跟埋去佢仲開心

今次黑貓PAPA繼上次係東京都比人撞到，今次話要僑裝 ====> 所以咪整個李澤楷噤0既樣囉!!

黑貓又唔同左造形.....今次係第一次短髮回鄉!!!


去時19.7KG，返黎唔知會點呢???

一行六人都幾勁架!!!

終於返回ANA的懷抱中...打死我都唔會再坐達美!!!服務不能接受!!

心情好興奮呀!!!黑貓PAPA話黑貓小妹好幸福，人仔細細就去了2次日本，太過份啦!!!所以下次無你份~~~~

睇下今次幾多人........黑貓小妹你犯規呀!!私自帶兩件上機~~~~

香港天氣麻麻....

在機內再大的享受就係.....煲劇加歎百事!!!

今次黑貓無聊搞事，一早打左去ANA要求訂唔同的飛機餐，所以起機前空姐一早黎確認一下，並將LABEL貼在椅子上方便派餐，亦是第一時間有得食!!!
今次幫黑貓公公訂了低鹽餐、黑貓婆婆的低脂餐，另黑貓小妹的兒童餐，但佢地一D都唔欣賞

低脂餐

兒童餐
黑貓小妹對炸魚柳一D興趣都無，比佢激鬼死

黑貓的日式和牛餐
最後黑小貓係食左我的凍麵同壽司囉!!!

黑貓PAPA的西餐

食飽打左一陣機，黑貓PAPA就自動眠一眠

黑貓兩母女咪又係無聊玩自拍囉!!!

飛到噤上下就見到出面日落的情景，好靚呀!!!

煲劇係最好消礳的活動，話噤快就到左羽田機場，因為今次無直航機，所以我們要在羽田轉內陸機，所以去到大板會好夜，黑貓早知噤0既情景，所以在訂酒店時便留意到這點，故行程上為免浪費時間，今次選擇由和歌山玩起!!!慳唔少搭車的時間，或者有人會問點解唔自駕遊，還掂3個男人都識JER，但唔叻呢!!加上今次有老有嫰，都係安全D好!!!同埋黑貓同黑貓PAPA鐘意坐日本的火車!!!

因為要轉內陸機，所以要坐Shuttle過去Terminals 2，今次無上次噤煩，行李直去大板，所以無洗攞行李再做托運，只要人行去就可以了!!!

當再次內閘後，竟然又再發生離奇事，就係在身後的大佬不見了，無奶油唔見左，又不是人多!!安頓好兩老及細個件，我同黑貓PAPA周圍去搵下，好再科技先進，亦唔理價錢問題，即刻send 短訊問下佢去左邊，佢話有野出理左問題要返去頭先落機個度喎!!!好家在....真係比佢嚇鬼死，一心諗住無奶油比人綁左去!!好在時間亦充裕。

黑貓小妹話肚餓，所以幫佢買左個飯糰套餐，又同黑貓PAPA搶食，想再買時人地已關左門，有無快D呀!!!

終於再一次折礳後到左，點解話折礳，因班機好FULL，座住要發散坐，又迫迫地!!!在機上已發現有唔妥，咩唔妥??唔知點解有噤多又高又型的靚仔，著晒西裝囉，之後先知原來係職業捧球球成員，唔怪之得噤型啦!!!早之去攞簽名同影相啦!!!嘔死....

當以為一些順利，可以早早回酒店休息時，點知落到去月台送車尾，一等就要等成20-25分鐘，問你死未!!!

買車票先，要好小心買，因為一邊係JR一邊係南鐵

我地只需要搭兩個站去到泉佐野就可以了，需時5分鐘

仍然好精神

在搵酒店時亦花了少少時間，因為天太黑太難識路，加上間酒店個門口好衰，呢間係我地旅程裏最衰的一間，收費也不便宜，因近機場!!!要成千幾蚊港紙的!!!床也不好瞓....下次也不住這一間!!!早早休息，明天和歌山!!!

題外話:
之前大佬點解要返番去個邊??無奶油個check in 有問題架嘛!!!原來係我們其中一個喼他們檢疫時有些物品過x-ray時看不清係咩，所以安排返去開喼檢查，亦因所行李都歸入去大佬名下，所以只有他一人不能過境，亦再次體驗日本人的禮遇同高文化修養，因在來回過程，去到每一處的地方，工作人員都會帶領，亦會交待清楚給下一位的職員，亦知道需轉機，故協助更換BOADING PASS及快速處理，亦在開喼時有禮地要求旅客打開行李箱，不會學似美國強爆你喼，即使無鎖的情況下都不會私自打開，呢D咪叫文化修養囉!!!完成他的工作後，亦不會不理你生死，務求令你坐回原先的航班有噤快得噤快噤帶你返回轉機位置!!!真係無得頂~~~~
亦都係黑貓PAPA個句，一係唔好返鄉下，一係就唔好就住就住噤去玩，即係話無錢就唔好學人出門囉!!!嗱，係你講架!!!噤黑貓就唔會客氣架啦!!!所以亦打死唔再坐服