関西賞櫻の行2012 Day3 和歌山。貓站長

2012年4月9日                                           関西賞櫻の行2012   Day3  和歌山。貓站長

今朝自然醒左，去到旅程的第三天，發現了一個對黑貓小妹的魔咒，就係想佢起身唔洗叫的，只要開著個電視轉去一些搞笑少少的節目，佢不出1分鐘就會醒同睇緊電視，百試百靈....死未!!!佢兩父女真係好鍾意睇電視，仲之係房就必開，仲要睇到哈哈大笑，不過，日本的電視又真係幾好睇!!!

搞掂好一切就叫黑貓小妹過隔離房睇下搞掂未，搞掂好就落去CHECK OUT，CHECK OUT時小姐話即時再入會另一間可以再平d，梗係唔諗噤多叫大佬入埋會，所以禽晚間房超抵，四人房8千幾，雙床房只係6千幾，所以點解要改行程呢!!!搞好晒就搵位食早餐，餐廳例牌多人，仲遇到唔少香港人!!!東橫inn的早餐款式多了些，不再只有飯糰、麵鼓湯同麵包，仲有蛋卷、腸仔同魔芋等等!!!

黑貓PAPA最鍾意食呢度0既飯糰同麵鼓湯!!

黑貓小妹就一副未瞓醒0既樣!!!

如果有人問我貓列車有無咩特別好睇，老實講係無!!!不過對我地黑貓一家黎講緊係唔同，鬼叫係貓痴咩，不過就難為了公公婆婆陪我地一齊癲囉!!搭來又搭去，都唔知係度做咩....
將行李寄存係酒店同食飽飽之後，睇到搭車的時間表，發現可以早些去早些返，跟手就可以改搭早D的JR到白浜，決定好行程我們一家就先出發去改時間，當然中間有些唔開心的事發生左，唔提好過提只能話帶住老人家加個唔醒的人會比激死，去到綠色窗口位置同小姐講話要坐貓列車，唔識講都唔緊要，佢前面有個大大的相，反上去指比佢睇，佢就會知入閘，因為貴志川線個月台就係JR裏面，一入閘就有貓腳印帶你上去架啦!!!其實我地來來回回都坐左N噤多次，所以攞一日PASS係最抵的，一張PASS都係650日元，因為要去兩個唔同站搵貓駅長，係呀!!係兩個，我地好好彩撞正新貓駅長NITAMA新官上任，不過就唔係係總駅，就係中途另一個站伊太祈曾駅，但我地去時佢未開工，唯等另一班車去搵左第一代貓駅長TAMA。

想知更多資料可睇呢個網址：http://www.wakayama-dentetsu.co.jp/

認住呢度入

裏面有指示的

跟住貓腳印無有怕


成條樓梯都掛滿晒有關TAMA的肖像

呢駅好細架咋~~~~

可以留意有關駅長出勤的時間表

一程都要360日圓架!!!

第一round就坐到貓列車，不過唔好彩係佢總站唔係係貴志駅，而係未開工的伊太祈曾駅

KIKI: 喂....放我出黎呀!!!!

KIKI: Wakaka.....

車上有印仔架!!

直正的駅長

呢架係玩具列車，但今日無開無得坐

未開工等一陣先再返黎搵你!!

黑貓PAPA今日唔知做咩，係噤玩無聊野!!!

有時間有體力可以試行熊野古道

仲有單車租架

有報道講新駅長架

又坐

沿途好靚架!!!!

下次要黎呢個公園，好多櫻花好靚呀!!!

因錯失左之前個班車，所以我地就浪費左好多時間，不過無計啦!!!唯有等來又等去囉!!!好彩唔係全部全特別列車，如果唔係仲死!!

好彩一落車就有驚喜比我地

依家都未到十點

好想買呢個鐘返屋企，可惜無得賣!!!

入左CAFE處坐下~~~~

仲有好得意的cake呀!!可惜我食得太飽啦~~~

成個駅都係貓黎架!!!

仲有TAMA專車

TAMA真身，不過郁都唔郁下

飲番杯coffee好過!!!連個杯都有佢個樣，我仲買左個暖杯返屋企呀!!!

跟住我地未到士多啤梨列車的時間，但發現係度等都唔係辦法，加上外圍已行了一圈無咩特別好睇，又唔敢行得太遠，所以決定坐普通列車去返伊太祈曾駅搵新駅長NITAMA

去度佢已眼仔碌碌噤當值啦!!!

仲起身同人玩，年輕真好!!

 

每隻駅長都有個頸牌刻著佢地個名，唔知重唔重架呢??

等車時，黑貓PAPA又發癲

走啦!!!坐埋最後一架

裏面無咩特別

接著就出發到白浜，因為太趕，所以由三個男人負責返東橫INN攞行李，我地就係JR駅等，係等待的時間裏，黑貓亦無唔做野，我就負責買D野食上車食囉!!!


待續....

下一站   白浜溫泉