関西賞櫻の行2012 Day 2 和歌山。和歌山城

2012年4月8日                                            関西賞櫻の行2012   Day 2 和歌山。和歌山城

乘巴士真的大約半小時左右就到，之前真的搭了架慢車，落車後唔洗驚搵唔到，因大大的城就係你面前，行過對面馬路，黑貓PAPA見到間消防局，又情意結起，要去影相，噤就我地兩公婆跑過對面影餐飽。

未入城前見有一些小攤檔，引唔住入去逛下，都話黑貓PAPA大食怪上身，話肚餓，又搵野食。

未經進入護城河外圍已有好多櫻花啦!!

D魚好大條

再買黎食~~~好好味!!

仲要試下食櫻花雪糕~~~R...唔知咩味~~

黑貓婆婆唔知買咩???

就係買呢個...

黑貓PAPA幾勁再買野黎食!!

終於見到城啦!!!

終於勉強食飽飽後，可以行入去啦！先少少介紹一下和歌山城的來由先：

和歌山城於1585年由豐臣秀吉之弟豐臣秀長建造。之後，1619年當時的掌權者德川家康（江戶幕府第一代將軍）之子德川賴宣成為城主，作為德川禦三家（尾張、水戶、紀州）之一“紀州德川家”的居城走過了250年的歷史。
由於雷擊曾燒毀大天守、小天守、多聞等但又立刻重建，長期以來威儀依舊，1935年天守閣、角樓、楠門等11棟被指定為國寶，但由於戰災導致11棟全部燒毀。戰後的1958年天守閣重建，向今日展示了其昔日雄姿。
天守閣內部展出與德川家有關係的各種展品，從最高層的觀景台可以將紀川、和歌山市區等盡收眼底。
另外，城內還有國家指定名勝“紅葉溪庭園”，可以觀賞風雅之景。
周邊建成了和歌山公園，春天1300株櫻花盛開，許多遊客來此賞花，非常熱鬧。

就
因為周邊有成千三株櫻花樹，所以入到黎之後發現所有都盛開時，那震撼場面真係好難忘，加上今天係周日，連本土人都聚在一齊賞花，黑貓也是第一次見識到日本
人賞櫻的壯觀，有些只是靜靜食野賞花、有些就在歌在舞，係有擴音機唱晒卡拉OK個隻，但就唔會太騷擾到其他人、有些就連爐帶來BBQ，真係大開眼界。

有鯛魚燒食...你兩父女唔好話我知又食

好想食...但暫時真係食唔落

有公仔型的

睇下幾熱鬧~~~

影呀！係噤影！沿路亦有唔少檔攤仔，行到噤上下條路就較難行，有好多樓梯級，雖然係噤再次感到日本人的細心，除有扶手之外，還整了很多斜台，方便推BB車或輪椅的人到城裹賞花。

連松鼠都出現黎比我地見喎!!!

在城外影了很多的相，見時間不經不覺就差不多五時，我們對上次在九州攻城攻怕了，都覺得不入城參觀也不更要，加上有太多的團人很多，興致度大減，索性到城旁的動物園走走，如果想入城每人需付¥350門票。

這個動物園是免費的，靠捐款維持經營，但動物們不會因為沒有基金而得唔到照顧！這裡相反給人很舒服。

其實佢地兩父女真係好鬼搞笑，無時無刻都有笑料!!

走囉!!!

逛
得差不多便出去搵巴士站，但突然被一樣東西吸引了黑貓小妹的眼光，便是遊樂園，仲要係香港絕對唔會有的，鬼咩依家噤多怪獸家長之餘，仲有好多無聊議員，有
咩事發生就不斷追擊政府，所以我們的小孩被保護得太好，相對太弱了，因眼見黑貓小妹連一個三歲小孩都不如，也十分胆心，就發覺真的太差了，回港要加操。

連黑貓PAPA都引唔住玩~~~

每一邊都唔同的，幾好訓練大肌同思考能力

有退役的電車

櫻花樹下玩搖搖板~~~

再見啦和歌山城

香港如果可以比人噤擺檔就好啦!!不過，香港人無自律呢

等車時黑貓小妹又想食野，忍唔住買左個dotnut黎食!!!

黑貓PAPA就食埋頭先婆婆買的豆乳

搭上回程的巴士返回和歌山JR駅，即時入去逛街，買了少少的化妝工具（真係好抵），接著就到超市找佬他們，因食了太多，所以大家一致買東西回酒店食，仲要剛到大割引的時候，點頂呀！

原來鯛魚噤貴，真係有機會就要食多D~~~

好得意的麵包

忍唔住買左兩件做今晚宵夜

回到東橫INN取到房間，一開門就嘩了一聲，真的估唔到噤大，唔好話四人房有個偏廳外，雙床房仲有條超濶的走廊比人開兩個大喼都唔阻出入。沖完涼執好要洗的衣物，就順手攞落樓下洗衫，最鍾意有噤0既服務，噤可以帶少些衫。

遠遠都會見到

有呢兩父女我想好好地影間房真係好難!!

圖中右手邊係一條大走廊...好濶好長的!!!

最終揀了這兩件!!

仲有好好味的士多啤梨

洗衫 <=== 黑貓最鍾意!!

搞掂就開餐，食食下先發現原來我唔記得幫阿黑貓PAPA執襪，所以呢個旅程要搵襪買，哈哈！



明日白浜溫泉