関西賞櫻の行2012 Day 4 白浜 • 三段壁 & 千畳敷

2012年4月10日                                関西賞櫻の行2012   Day 4  白浜 • 三段壁 & 千畳敷

瞓左一覺好眠後，我地先黎個豐富的早餐先，連朝食都極度豐富，刺身都好，都係第一次。食飽後見仲有時間又係房度浸多次溫泉，都係個句浸得唔好晒。

時間去度差不多又係時候要走啦！我地先check out再將行李寄存係酒店，之後就搭shuttle bus去三段壁，男職員好好人一路送到我地上車仲交代司機我地去的地方，再一次感動呢！

豐富的日式早餐，我的最愛




不是平平無奇，湯裏面仲有半邊龍蝦仔的，另煎隻蛋蛋，如果係溫泉蛋就更好


一早食刺身


未瞓醒

車程約十分便到達目的地，越接近風也越大。三段壁係聳立於千疊敷南海岸的高達50米的懸崖峭壁。這塊大岩壁相傳由來於從前漁夫們守望來往船隻和魚群的場所---“見壇”，南北寬達2公里，拍岩而來的黑潮激烈碰撞時的景象。我們先在崖邊拍下照，但轉頭便不見了公公婆婆，去那呀？佢地竟然就左入去商店shopping，仲勁過黑貓我呢！

途經這間很多香港人入住的湯崎館，原來個室風呂是這樣的

商店外的小狗!!!

好大風

無聊之作

係館外有這個模型

公公話要嚇番佢喎

玩完一輪便入三段壁洞窟參觀，昨晚在旅館取了割引券所以有九折優惠，所以票價便宜了少少。大人原本票價¥1,200，依家折扣為¥1,000。

三段壁洞窟係白浜的古蹟，相傳是平安時代力量強大的熊野水師藏身的洞窟。從地上到地下36米的洞窟乘坐高速電梯約需14秒鐘。

在洞窟裹黑黑暗暗的，充滿神秘感，不是有水從上滴進衣服裹都嚇一嚇架。其實最厲害的係海水不斷撞擊岩石發出的聲音同漩渦，黑貓不期會想跌左落去噤點算呢？嘿嘿…黑貓PAPA話游水囉！如果識就係…

沿路都係得呢D燈

行到尾就會見到呢個據說當年上落船的地方

睇到咩???

睇唔睇到佢講個D野??

幾有氣勢

構成圖

呢個洞窟好細好快就行完，話比人搵笨又唔可以噤講，此終有些地方點都要睇一次，其實黑貓小妹昨天想去玩的白浜エネルギーランド，不幸趕不及入場，而今天剛好休館，無計之中咪周圍睇下囉！

佢地係度做咩??咪係度驗究緊點解D鯉魚噤大條囉!!!

好大個金牌，又唔見你攞個比我!!!

好可愛

試飲後，買左支返黎比班酒鬼

沿途見好多的花

接著我們就行過三段壁旁邊的千畳敷，千畳敷係從瀨戶崎的前端沿伸向太平洋，由3層砂岩形成的大岩盤。斜坡狀的白色軟質岩石，在波浪的侵蝕下，創造出一個形如其名的景觀，宛如一席寬大的岩石榻榻米，在那仲有座標話比旅客知不同國家的方向，距離有幾遠！拍了數張照片，我便和黑貓PAPA去買雪糕食，黑貓小妹有些咳所以又無緣啦！

香港好遠呀~~~

兩父女不停影

製作軟雪糕的過程....唔同味只要入個胆就得

我當然再試柚子味啦!!但麻麻....黑貓PAPA依然係雲呢拿

有好多自家製

黑貓PAPA話對住個噤靚0既VIEW食雪糕一流喎

心型的...

我們在這裹行行睇睇買下手信，便搭車返旅館取回行李。我們先到白浜最大的魚市場とれとれ市場。

日本人好鍾意種花花草草，仲要好靚

呢隻PANDA係旅館職員臨走時送比黑貓小妹，真係多謝晒!!!佢好開心~~~

乘車時遇到香港人，他們也是準備出發到とれとれ市場，在短短的車程我們傾下計，原來他們是即日來回和歌山同白浜，因他們對溫泉興趣不大，所以不打算停留，但這樣乘巴士來回都幾趕，真是各人玩法不同。說說下黑貓按書本所說以為到站，幸有一位當地台灣女仕解救了，如果唔係推那麼多行李行多一個站，唔累死都比人鬧死。

落車行過一個馬路就到

とれとれ市場與黑潮市場相比感覺較傳統些，更似當地的市場，裹面劃分了漁市場、乾貨、手信區同美食廣場，因找不到locker也沒有寄存服務，所以我們決定分批去逛逛同看看有甚麼東西吃，這裹也有BBQ，但當然同黑潮相比，這裹與八戸市場一樣，需買一pack pack,沒有一件一件買的哦！

著名的梅酒，KIKI話幹脆D直接黎啦!!!係咪癲左呀???咪飲先醉

標記

好吸引

有可能唔買咩??

KIKI: 嘩....可唔可以食晒佢??

呢隻ZERO FREE同ZERO又有咩分別呢??

有人表現劏吞拿魚

外邊

櫻花型的燒餅

今天我們決定吃美美的刺身同壽司。這裹的東西很新鮮也很便宜，讓我們個個都食到肚飽飽的，連公公也忍不住吃了三文魚壽司，他也話正！還買了不少士多啤梨，好甜！回頭再買時發生了一個小插曲，便是又遇到一批香港人，他們真的非常非常失禮，買士多啤梨時左揀右揀之餘，仲要左摷右摷，後果就係把人家的士多啤梨掉倒在地上，最後有沒有買返？那黑貓就不清楚了，因太失禮走都走不切。

海胆當然無北海道個D噤正，但都可以

食到唔停口，鰻魚好好味呀!!!

飯後果

再食

指定要買的紅豆

吃也吃飽，買也買到夠，係時候走啦！但發現走了一班車，同班次肯疏，但大佬又黎話會配合JR班次之類的說話，但黑貓比佢扇左噤多獲就真係唔會再理佢，不會因小失大，加上這裹黎白浜駅不遠，所以決定他們連行李坐的士去白浜駅，我和黑貓PAPA行過去，對呀！係行，其實真的不遠，加上我們習慣了行山，這少少路有甚麼關係，還掂仲有45分鐘才夠鐘上車。慾知詳情，請留意下回遊記。



待續......