出走峇厘

2012年7月4日                             酷熱

還有十幾日黑貓一家再次出走，今次唔係回鄉，而係去另一處地方=====＞峇厘，峇厘對黑貓來說陌生中帶點熟悉，點解？因黑貓黎過峇厘3次有多，但印象模糊皆因次次都係親朋戚友揸住車帶黑貓四處遊，加上對上一次係發生在黑貓升中一那一年，會記得就真係奇。

今次會出走的原因是黑貓累了，工作太多，腦筋處於硬崩崩的狀態，有好多事都失去零感同衝擊，從四月回鄉後心不停話比黑貓知要出走…去邊？去邊都好。終於有一日同黑貓PAPA講如果有機位（miles 出），你去唔去？初黑貓PAPA當然唔肯，因岩岩去返完鄉下，之後又話去返鄉下滑雪發左咩？但無奈黑貓的死纒又噤岩攞到假之餘，又出到機位，唔出走都唔得啦！

即時上網搵資料同訂酒店，一切準備就緒！再加上有舅舅的幫忙訂車訂玻璃船等活動 （ 嘻嘻，其實黑貓娘家係印尼華僑 ），所有野都塵埃落定！應該無走雞。大致行程其實都唔算有，因今次係黑貓心靈靜修之旅，所以都係HEA HEA同HEA HEA為主。

DAY 1 香港 =＞ 新加坡 （ 等5個鐘轉機，唔知有無得出去行個圈呢？ ）=＞峇厘

DAY 2 KUTA 海邊HEA遊，海神廟

DAY 3 租車當地遊 (主要想去食污糟鴨、火山、布瀑）

DAY 4 轉酒店、下午坐玻璃船同烏龜島

DAY 5 HEA

DAY 6 HEA、下午機走


真係好鬼HEA,黑貓主力只係做SPA同按摩，黑貓PAPA話要滑浪 （ 人生佢話要做兩件事滑雪同滑浪，希望今年完成晒，因世事無常做得就做），黑貓小妹游水。