今晚好開心因為又有一班無聊的人同共開餐，呢班人話多唔多話少唔少，今次都有整12個 ( 連兩位小朋友 )，簡直係老中青三代都有，哈哈......
無夠鐘開飯之前，梗係有我最喜歡0既活動 =====> 游水 ，但唔濕身個隻啦!!!!今次都老貓燒鬚囉，甚少打一番起糊的我，都有今日囉!!!!竟然食左一鋪炸糊囉，鬼咩都唔知原來番子碰左 (無番個D)，再做平糊係唔得格
，除左比班無為人笑左一輪之外，仲要比錢錢囉
，打麻雀就得四個人，噤另外個班人係度做咩???都無話唔搞笑
，我地好似係度拍緊係.....仲要係七十年度個隻，何以噤講呢??
因為呢邊箱就係度打麻雀 (好似後台噤)，個邊就係度唱卡拉OK，但唱歌JA，都無理由好似拍戲架，鬼咩佢地係度唱緊朱咪咪個個年代D歌呢!!
再加上個兩個小朋友就踎係度玩串珠仔噤，呢個場面就好似...我和春天有個約會噤，前台就表演，未出場個D就係度打麻雀，D細路因無人湊要帶埋返工噤，都無話唔搞笑。打左九圈後
( 從未試過噤勁 )，終於頂唔住要落去開餐，今次我地開餐0既地點係火煱，未打之前我都仲諗住好似一般酒樓噤JA，無咩特別!!!!但去到之後，就不得不贊一番，佢D料同服務態度簡值無得頂，除左新鮮之餘，仲有係細心同耐心囉。今次老細介紹左兩款湯底比我地，一係 "郁"魚番茄薯仔湯、另一個係醉雞湯，你地睇到呢度一定話，車有咩特別，特別就特別到煮0既過程，老細認真0既態度係連客都無面比，一定唔比我地開蓋之餘仲要一樣樣料噤放入個醉雞湯度，先水滾，後加酒，跟住先放雞，你知架啦要我地唔搞個個蓋好難架MA!!!!但老細全程跟到實想搞都唔敢啦!!!!
我地之後叫左N噤多樣野，手打丸、新鮮鵝腸、什菌菇、粟米、脆肉鯇魚、白鱔、珊瑚畔、肥牛、鴕鳥肉等等，仲要係唔得閒影相，因為佢地真係好似餓左好耐噤，一煱風噤狂食，唉.....連個兩個細都係噤
，從未試過食到噤盡，到最後本黎都停左，但個老細真係好鬼衰，做咩提呢~~~佢話唔早講係諗住我地唔食......個樣咪係我自愛0既蠔囉~~~~~ 飽死就飽死啦!!!! 個隻蠔簡直都唔知用咩黎形容好，除左肥美大隻之外，仲好cream呀!!!!!只能講正....另外仲要整多粒蟹肉鵝肝雲吞.....好食到頂住左個胃TIM
噤食法仲諗住好貴啦!!! E.......全數多謝各位老細 $1501，識食0既你都知唔貴，起碼招呼都係度啦，仲要比個角位個兩個小朋友玩喎，雖然D雪糕糯米糍同朱古力唔係好值錢，但都要佢肯招呼你先得架!!!! 噤咪有番轉頭再幫襯囉~~~~ 到之後都係度諗幾時可以再幫襯，但就真係要多人先得，如果唔係食0既款唔多囉!!!
黑貓BB超乎我想象食得好多野，唔知係唔係有人同佢一齊食同一齊玩，定係真係覺得好食!!
沒有留言:
張貼留言