DAY 2@上海之旅 上海老街 => 新天地 => 南京步行街

2009年 3月28日 雨        DAY 2@上海之旅  上海老街，新天地 ， 南京步行街

一早起身就預備出發，首先就係去搵下上海的第一餐，一出酒店就.....咩噤凍架!!!!阿公話唔夠衫就即刻番酒店加多條褲喎，噤我地係一邊影相一邊等啦!!!

噤岩下年就係世博會，周圍都係有關世博的野。連商店都係攞佢隻公仔==> 海寶 黎裝飾!

你睇 永安 都有噤大個!!!

酒店落下就係世紀廣場同Fancl。

搞左一陣就係南京步街行，睇下有咩野食，行行下見到有串燒，第一時間緊係撲埋去，鬼咩真係好鬼肚餓，但買完先知比人搵笨，佢都唔係燒0既係炸，但唔知黑貓BB係唔係真係好肚餓，所以都食左半條!!

跟住就行左入商店到，搵咩??緊係唔係一早買手信啦~~~~而係搵正都無得頂0既生煎包!!!!

好懷念呢種商店0既感覺，香港同好多地方都無晒呢D架啦!

行度商店越裏面，見到有條長龍個間就係我地今朝0既早餐 ==> 生煎包 四個 成為 4.5人仔抵食，入口全都係湯，包底就燶燶地都唔算好燶!!

食完之後就坐的士去今日0既主地老街，即係豫園啦!!!!我地呢班人邊有噤多文化氣息，我地去呢度0既主要目的之一係狂食小籠包是也。

整個豫園都係以呢D建築物為主，入到去真係好似去左迷城噤。

行下搞下，都唔知點解今日噤鬼多人，一班團友最後決定去今次目的地 南翔饅頭店 ，一去到.....嘩.....咩噤多人，唯有快走地衝上三樓，呢處已經有好多人係度排隊，好家在都係排唔夠30分鐘就到我地啦!!

第一次時間唔理噤多叫幾籠唔同款色0既黎食下先!!!!


食後又再一次覺得比人搵笨，覺得香港個D好食好多，加上呢度都唔係好平，呢一餐四個大人都食左百幾蚊人仔。

無花無假有價錢為証。

食飽左再行多一陣，呢度有好多小手工，呢話貴唔貴就真係見人見智啦!!!我地都係行到去一間較為特別0既檔口仔，整左個電線藝術字黎玩下。

呢間就係好出名面藍布子，但係度我都係無擺低到錢錢，因為全藍都唔係好岩我，只係睇下就走人。

行埋出面個D行人街，但就開始落毛毛細雨，就再搭的士去另一個地方====>新天地。

一落雨就仲凍。

原來新天地比我想像中細，行左一條街就行完。不過呢度比人感覺都好寧靜同舒服，周圍都充滿文化氣息。

行得累得制，就走左去梗有一間係左梗0既.....唔係7-11，係星巴!!!真係架....無講笑，係上海真係周圍都係星巴，驚你地飲咖啡飲唔死呀MA~~~~~~

連間星巴個外型都整到好靚!

唔淨止星巴係噤，係呢度好多建築物都整得好靚。

行到無野好行，唯有去上海郵政博物館睇下野，呢度就好似香港文化博館0既縮細版。

舊時0既驛站。

見時間差唔到，就快到今晚0既重頭氣，亦係今次黑貓BABA0既重要目的，就係約左佢姨婆一家人食飯，約左6點酒店等，依家5點幾都係時候番酒店準備下。

今晚我地就去左順豐大酒店到食，呢度D野真係好好食，但因為有客人係度我都唔係幾好意思攞部相機係噤影，淨係知食到有D驚 (因為叫得真係好多，淨係冷佢地上海人0既冷盤都有十幾碟，主菜係好大碟個種都有三、四樣，佢地又興之後食生煎包等作主糧，再加甜品你無話唔驚 )，連埋黑貓BB都係10個人，點食得晒，不過真係唔差，噤食法都係7百幾人仔囉!!!!

食飽飽，雖然都係9點幾，但真係頂唔順，加上黑貓BB開始扭計 ( 係由餐飯開始 ) 同佢買左隻公仔 ，本黎諗住佢會買個隻海寶，肉痛D都OK(個隻野都要百幾蚊人仔)，但最終佢都係揀左隻福娃妮妮，唔知點解佢噤鬼鍾意，最後25蚊人仔搞掂，諗下最初要幾百幾二百蚊，依家唔洗都幾抵，無計呢D叫師奶本色。

上一篇