皮膚保養

2009年6月27日 雨

呢幾日不斷有朋友打比我問我有關皮膚0既問題，令我不得在BLOG處講一講，女仔同男仔0既皮膚構造大致都相同，唯獨有唔同就係男性分泌多D，同女性水份佔有0既成份多D，所以男性唔係點理D皮膚衰極都有限。

一個女仔靚唔靚有少許係天生的，唔好同我講明星/ MODEL個D皮膚都好好，錯.....我接觸噤多個，其實無邊個真係比我讚不絶口的，佢地好多時都有煙又酒，另加夜生活，曾經有個中醫師同我講：佢有個朋友個媽咪D皮膚真係又滑又溜，了解原因，原來佢除左溫水之外，其他飲料都唔飲，嘩....真係好忍得口，其實係人都知凍野對腸胃唔好，而腸胃又直接影晌我地0既皮膚，所以要靚都要忍下口。

講開呢個朋友向我求救0既問題係佢塊面敏感紅到一撻撻，其實都唔係今日0既事，我早前都有介紹過佢用我依家用0既護膚產品(唔想賣廣告，想知暗地問我)，但佢覺貴無用，但依家再嚴重D，所以再打黎搵我，再問多兩問原來先知佢平時連洗面奶都無，只係一支搽面走天涯，唉.....呢樣野只可以係中五先噤樣都仲可以，但年紀大D就真係唔係好得囉!!!!貴都係見人見智JA.....我用的係天然的，每次用的份量唔多，每一支都可以用5-6個月，除開都好平架!!!! 因我試過懶或貪平或試過貴野 (連SXII我19歲都用過，不過效果緊係無廣告講得噤好，廣告只可信半成)，最後一食辣野就會出現紅色一撻撻噤，所以用左依家呢一隻就有明顯0既改善，起碼我平安渡過上年冬天，可能有人會話你係唔係由細過就開始護膚，錯.....唔係!!其實我係一個好懶0既人，我細過唔鍾意搽野，到大過(出黎做野)開始先識得做呢D野，因都係開始有敏感情況出現，如果講最靚0既時刻係我讀美容時代，因日日都要互相同同學對調做實習，日日噤做FACIAL，皮膚唔靚有鬼囉。所以我同個朋友講噤貴0既LV袋你就捨得買，護膚品你就唔肯，化妝就整日做，連一支洗面膏都無，即係話化完妝無徹底噤落妝囉!!! 我好少化妝 (做呢行都唔化，逼於無奈會囉 )，唔化妝0既原因係我懶，唔係懶化，係懶落!!! 每次化好快，但落就耐，因我知道幾靚0既化妝品都會對皮膚唔好，所以一定要徹底噤落，所以令願唔化囉!!!! 所以我呢個朋友又化妝，又無好好護理，皮膚唔抗意就假!!!!

皮膚一缺水就會失去平衡，有D人一味控油，但就真係無諗到保水呢個問題，唔係冬天乾先保，係夏天就要間唔中保，令皮膚保持係一個最佳狀態佢先唔會有問題出現，平膚佢會先我控制油份0既排出，若果失平衡佢會不停噤出油去保護表皮，但佢唔識控制排幾多。

依家我唔係叫大家買貴野，勤去做facial等等，其實我地只要做足基本護理都已經好足夠，洗面 ==> 爽膚 ===> 保濕，間中做面膜就已經OK!!! 洗面後唔好即時擦野，要比少少時間( 5-10分鐘 ) 比皮膚自己產生抵抗力，再做其他程序，如果唔係皮膚就會過份依賴護膚品，如果覺得洗完面後有"MEN" "MEN"地0既感覺，噤個隻洗面奶就對自己太乾啦!!!! 好時D人會話咩噤煩架，但唔好唔記得面係好緊要，人地睇你都係一睇睇塊面，如果保養唔好都幾慘架!!!!

由細到大0既飲食都好緊要，我家由細到大生果不斷，所以呢個又係其中一個因素。

最後總結：

1. 基本護理：洗面膏 + 爽膚水 + 面霜

2. 盡可能飲溫水，忍不住都唔好飲凍野

3. 戒煙、戒酒、戒夜生活

4. 生果、蔬菜不可少 ( 含大量抗氧成份 )

5. 化妝後要徹底落妝

做足以上幾點，皮膚差極有限啦!!!!