大個女了~~~~

2009年6月26日 雨 ( 三號風球 )

今日又落雨又出太陽，好彩0既係天氣終於無前幾日噤熱，另就係今日出街都無真正遇到大雨，無論上車前或後都避過晒所有0既大雨，好家在~~~~

因落雨的關係，已無行街街0既心情，加上老公在低潮中無計，人在官場就係噤黑暗，尤其佢個行無得講。在無心情之下唯有早早番屋企玩下煮飯仔，係無工人的情況下黑貓媽媽只有簡化D，無計唔想洗洗切切，今晚菜單金寶午餐肉飯 + 煎鯖魚!!!

不過都幾好彩係下午五點幾時，呀.......噤都比我地係屋企睇到彩虹，仲係天上有個隻喎，噤大個女都未見過噤大條0既彩虹，係大半個圓，可惜技術有限影得唔係噤好。

當我準備煮飯飯0既時候，黑貓BB話要打雞蛋喎，噤好啦~~~比你做啦~~點會唔比先得架!!!驚佢地時真係做左地獄厨神就唔好啦~~~~~

佢打起想黎都幾叻架!!!其實佢真係幾鍾意整野食，尤其係蛋糕!!當然執收尾0既永遠係黑貓媽媽啦~~~~但今次再比我發現佢真係大個女，無以前噤恐怖，打蛋打到有雞蛋殼出現

今晚的晚餐!!!!!都唔差架....係黑貓媽媽極懶0既情況下係噤上下~~~~~

金寶忌廉午餐肉糙米飯

椒鹽鯖魚             

飯後黑貓BB仲幫黑貓媽媽洗碗TIM~~但黑貓BABA就係度掛住睇電視，都係黑貓BB好，錫媽咪多D

 

佢洗到件衫都濕埋，之後要黑貓媽媽借圍裙比佢繼續洗!!!