放左工之後拿拿臨就趕番屋企，好彩就係之前一早已執好晒所有行李，仲分咐左黑貓BABA要佢一早叫個工人同黑貓BB沖涼，如果唔係趕唔切，今次第一次帶黑貓BB去噤耐旅行，仲要第一次坐飛機，加上自己無噤多假要返工唔係屋企，都未話唔緊張!
一路行番屋企就見個天開始落雨，下.....唔係掛噤就麻煩，又有行李又老又幼咪話唔煩，加上唔熟上面D機場上機程序，個人開始緊張啦!!!!唉....都唔理噤多拿拿臨換衫 + CALL的士去皇崗 ，就出發啦!!!
睇下出面幾大雨
由元朗去皇崗原來好近咋喎....15分鐘車程話噤快就到....車費成為$55
過埋關口，E.....咩舅父你噤快手就到啦!!!原來由旺角到皇崗都係好快，跟住坐的士就直去機場，今次我地大多數都係坐的士，因為我地真係好抵加埋黑貓BB5個人剛好，原本大陸0既的士係四人座的，但因黑貓BB仲細粒，所以唔計在內!
第一次係深圳上機都咪話唔新鮮!!個機場睇落都幾大同新，睇黎香港都要認真地改善下啦!!! 不得不提今次會選係深圳上機的原因，大多數係因為價錢的問題，來回上海都係720人仔，另加來回機場建設費100人仔，點都抵過係香港走，仲要係黑貓BB係唔洗比建設費，所以都幾抵，係網上訂晒所有野，到機場出機票就搞掂都幾方便!
呢度就係深圳機場!!
深圳機場都幾得意喎，沿路都有好多魚缸養左好多魚，好靚架!
因為早左去度，所以都等左好耐先上機，無無聊聊噤坐係度睇下野先等到2030
可以上機啦!!
呢架就係我地將會坐的機啦!!影多幾張相先~~~~
係機到無無聊聊都要問下黑貓BB第一次坐機0既心情，點知佢竟然話.....悶!!
鬼咩都無野好做。仲以為噤夜坐機會無飛機餐食TIM，原來點都有份0既小食比你地食，好唔好食就見人見知啦!!!!!!唔要求噤多係麻，架機都唔失場先啦!
無人一份，永無落空!!!但就唔係好岩我胃口
，但唔知黑貓BB係唔係肚餓得制，竟然食晒個包、cookie同埋個D蘋果乾。
瞓左一陣就到上海，因為係內陸機的關係，所以就係虹橋機場落機，呢個都係揀係深圳上機0既原因之一，唔洗噤夜仲要坐好耐車番市區。
呢個場面我都係第一次見，開頭見到噤多人等的士都有少少忟，驚黑貓BB頂唔住要瞓覺，但出奇地快唔洗30分鐘就可以上車!
再20分鐘車程就到左我地呢幾日住0既酒店 七重天酒店 揀呢間酒店0既原因係貪佢方便，一落街就係南京步行街中間，加上酒店都唔算太細都乾淨，最衰係我地遲check in，如果唔係可以住係十樓以下個D較特色的房。呢種場面真係未見過，我諗除左係賽車場地都幾難見到!
3月尾的上海仍覺得好凍!
下一篇
沒有留言:
張貼留言