櫻花九洲行@2007 DAY 11 ( 下篇 )

2007年4月14日 晴                         櫻花九洲行@2007 DAY 11 ( 下篇 )

唔覺唔覺又玩左一個上午，唔夠一日就要搭飛機返香港啦~~~~~~今次無話唔捨得因返香港有太多的事等緊我們做，另外真係好掛住黑貓BB，所以決定左下次黎日本就要帶埋黑貓BB，如果唔係玩都玩得無噤放心!!!!!

告別了宮島之後，我們會去邊???就係去岩國，呢度有咩睇!!!就係有日本三大奇橋之一的 錦帶橋 ，呢條橋有咩特別???就係行到我們死死下囉....
講笑JA~~~條橋係由五連木制而成的拱橋，採用了組合式的建造技法，成條橋都不用一根釘子架。

      

要上橋前就要放低銀糧先....多謝成為300日元!!!!

過左穚之後就係城下町啦....見到有雪糕唔理噤多買番杯黎食先!!!

老實講係日本買雪糕其實係一件難事，點解噤講??因為呢度有好多種口款，有D仲要唔知係咩，諗揀咩都諗到頭爆，仲要驚一陣揀左唔知咩味又死.........

呢度仲有馬騮表演雜技...但就唔見得好好睇!!!               

  

本諗住食番過呢度好出名0既岩國壽司，呢款壽司係用層壓式的方法將D壽司整到好似個箱噤，買相就麻麻，所以就無買到黎試。

一場黎度呢度我地緊係要坐下登山纜車去望下個岩國城啦!!!但因呢個旅程真係爬城都爬到有少少驚，所以打死都唔再上天守閣最上層個個瞭望台，要就你們自己去吧!!!我呢位老人家真係要抖下，係最底下層參觀下睇下D資料就得架啦!!!

上山啦!!!!           

落左登山纜車仲要行一斷路，個感覺好似山噤!!!!不過就要留意有條就係小路黎的，雖然都可以上到岩國城，但全部都係山路都幾難行同危險架!!!

終於見到妳一面啦!!!呢個算係噤多城裏最細的一個~~~依家做左資料館!!!

上去一陣又要行番落去.....

睇下幾高....個景真係好靚!!!我諗如果係秋天黎個view可能仲靚!!

落番山就比我們見度呢兩款用木炭作燃料的車!!!       

 

行埋個個所謂白蛇館，點解有呢個館???係因為岩國是珍貴的天然紀念物白蛇的棲息地囉，但太多人啦!!!想見白蛇都唔係噤容易0既事!!!望下隻裱都係時候回程啦!!!今晚我們會坐番夜車返回東京，明天就要結束我們今次呢個旅程!!!當然啦未上機前緊係要去新宿掃下貨啦!!!如果唔係點對住成班女團員呀!!!!

回程時見退潮，就走落橋下玩下先!!!                

真係一粒釘都無架!!!古時的人真係好厲害呀~~~~~~

返去攞番晒D行李買埋少許零食就係時候上車啦!!!今次我都係第一次瞓呢款夜車的，雖然無B寢噤好瞓，有被有軟墊，但都不過不失，加上好彩有條披肩 + 買福袋送0既大大隻公仔 ( 可以用黎做枕頭 ) 都可以瞓餐好0既!!!!

女團友就瞓上格，就難為左大佬同黑貓PAPA，就要瞓下格同收留D大件行李!!!下格無噤好瞓架!!因為貼住個路軌都幾嘈下架!!!                           

可以瞓窗邊都唔錯!!!

呢度係無分男、女架!!所以好好彩有堂阿哥頂住....不過唔洗驚有簾的...

好啦!!!都係時候刷牙洗面瞓覺覺啦!!!!!聽朝都幾早到步....早抖啦!!