櫻花九洲行@2007 DAY 12 返香港啦~~~

2007年4月15日   晴                                       櫻花九洲行@2007 DAY 12

呢班列車係今朝五時56分準時地將我們帶到東京駅啦!!!嘩....真係好鬼死早~~~

人仲係睡夢中都未醒得晒就要落車!!

呢一卡係單人房黎架!!!我係窗望入去...又真係好正

拖住噤多行李第一時間就係去到新宿駅搵番個LOCKER放番晒D野入去先!!!不過，因為新宿駅剛好有工程，攞到我呢個路痴都有D頭暈暈唔知自己去左邊處!!!

幾經辛苦先搵到個大的LOCKER，唉...無計鬼叫自己個GIFT大到無論咩!!!!搞好晒D行李後，就去醫下肚。但唔知點解無啦啦走左去秋葉原

噤鬼早都唔知點解會黎呢度@@咩鋪頭都咪開，唯有食下個早餐先，但食完之後去邊呢???無理由同班男人行秋葉架!!!所以最後決定同班男團友分道揚鑣，女團友一路衝回新宿shopping啦!!!哈哈...女人係瘋狂的!!!因為我竟然做一d唔會係香港做0既事，就係等百貨公司開門

我們的目標只有兩個，就係Blue Label同agnes b，搞左一大輪當然有所收穫，搞埋退稅都已經係十二點幾的事，雖然仲未行夠，但都無計時間一分一秒消逝，我但要搭六點幾機都係時候食晏 + 攞行李，但係呢個時候又比我們見到U字頭的店，即刻爭取最後一刻掃埋佢

，嗱...唔好話我們女團友呀!!!今次唔關我們事架，係男團友第一個衝入去咋!!!

快手搵間食肆市食埋係日本最後一餐就真係要去攞行李嗱!!!

黑貓KIKI：嘩..............正呀!!!

攞完行李我們就搭車去機場嗱!!每一次完左個旅程都會好唔捨得，但今次就有少少唔同心裏有好大0既茅盾，唉....無計心頭肉係香港，所以都有少少歸心似箭0既心情!!

黑貓KIKI：阿媽...你睇下你...一個GIFT黎，就兩個GIFT走 ( 灰色 + 白色 )，仲要將個GIFT加大晒......

點呀?!你有意見?!噤你落低囉~~~~

去到機場除左入左個酒廊食左少少野之後，當然唔放過shopping時間啦!!!最後衝次呀MA~~~

瘋狂左一輪，就真係要上機啦，係機上瞓下醒下搞下野噤就到左香港。一落機就一路衝番去屋企見黑貓BB，雖然她已瞓左，但見到她真係好掛住好感動。

P.S. 之後聽我99講，她呢段時間好乖好聽話無扭計，但就試過一個人望住個街自言自語：daddy、mummy你地幾時返黎呀??我聽完個心真係有少少難過，我無諗過一個3歲小朋友會噤老成，個一刻有少少愧疚!!到今時今日她見到D相都會話都你地就好啦，黑貓BB都無得去!!!!!

所以黎緊北海道之旅點可以唔帶埋她去呢???雖然原先係想一家大細去，但黑貓PAPA個段時間唔可以出境無法啦!!!工作要緊.....依家未去呢個trip就可以計劃下下一次一家大細係某年的四月份去東北.....你睇下黑貓媽媽係唔係上腦~~~~~好開心可以完成今次我第一次寫的旅遊BLOG，寫得唔好希望唔好見怪，加上事隔左有一段時間，一開始無諗過要寫旅遊日誌，有好多資料都唔記得，希望下一次可以寫得更好!!!