今日係黑貓BB第一次去賣旗，買旗就買得多，真真正正賣旗又第一次，初時黑貓BB都覺得非常興奮，一早7點半就起身啦!!! ( 放假噤耐要佢早過8點起身都幾難 )
整裝後就一家大細浩浩蕩蕩就出門口，今次係因為黑貓PAPA公司協助長春社作義工，所以都無要特登去邊處賣旗，我們就揀左係屋企樓下附近的地方賣旗便算LU~~~因驚黑貓BB頂唔住就慘!!
開始出發時的樣子，精神可加~~~~
行時仲同黑貓PAPA有傾有講~~~黑貓PAPA仲教黑貓BB點樣賣旗!!!
開始啦~~~~~~
但賣到噤上下，黑貓媽媽係旁邊越睇越唔對路，點解比D路人走晒都唔上前賣呀???唉.....到最後當然要黑貓媽媽出馬啦!!!等佢地賣我諗賣到收旗袋都未賣到一張@@，話晒黑貓媽媽以前返學時賣旗好勁架，唔夠九點就賣晒，仲可以去M記食早餐TIM!!!
到最後黑貓BB都頂唔住啦!!!!所以都係去食早餐吧啦!!!費事她以後唔恨去賣旗.......你睇佢個樣.....一D表情都無啦~~~~
我都時常跟小朋友賣旗嫁! 都係我出馬所以好快就可以賣晒啲旗, 啲小朋友好怕醜.
回覆刪除[版主回覆08/05/2009 23:39:00]哈哈...點都係阿媽厲害!!!
傅小孩去年都有去賣旗, 佢都不知幾興奮, 鬼咁好口, 又唔怕羞, 佢個班佢賣得最多, 見到d大嬸, 佢就衝埋去"Anti唔該買支旗, 多謝", 有d人行過當睇唔到, 佢就追主人大叫唔該買支旗, 攪到d人都唔買唔得, 好攪笑
回覆刪除[版主回覆08/05/2009 23:38:00]你個小朋友都好，我個女就唔係怕羞，佢係怕累@@
我未試過同小朋友一齊賣旗，不過就好鍾意搵小朋友買旗，覺得daddy/媽咪同小朋友嘅親子活動好溫馨~
回覆刪除