今日我地0既目的地係京都，呢度比我0既感覺係好古色古香，寺====>係呢度一大特色。早早check out後我地一行數人，就搭JR落京都啦!!未黎過都唔知係四月日本仲幾凍下，好彩日本0既車廂坐墊都係有暖氣，所以係車上都要眠一眠啦!!
其實未黎日本之前心裏都好驚睇唔到櫻花，個時又無諗過有上網check 野呢架野!!!好家在.....當我地一落車就開始見到櫻花，個時又真係好似大鄉理噤，之後D櫻花多到你唔想見都唔得。
沿途D櫻花真係好靚，靚到影左好多好多相!!
到左京都之後我地去左一個連我都唔記得係咩寺0既地方
，只係依稀記得呢到有好多日本為左祈福捐左好多錢錢而記名的鳥宮，同埋有一條長到唔長0既樓梯，差D左我呢位老人家半條貓命囉!!
不過好家在可以係度拜到我個守護神，但之後就發現左一D理奇0既事係我地其中一個團友0既身上，到時再講!!!有D野唔好話唔迷信尤其出門在外!!
呢度係我地第一個目的地~~~~連張相都掛唔起我0既回憶，是也!!!
入寺前先洗淨下，唔識唔緊要~~~有圖教架!!
呢個只係開頭咋~~
跟住去左京都好出名0既地標之一"金閣寺"，入黎呢D地方係要比入場費架，間間唔同，抵唔抵就個個人都唔同，不過一場黎到點都要比架啦!!!!係我印象中其實有去銀閣寺，但就唔知點解搵唔番張相，不過唔緊要因為同金閣寺無咩分辨，只係顏色唔同。
行左噤耐都要醫下肚，呢間係我地揀左好耐0既店鋪，都幾舊式，我地係要盤腳坐，坐得耐都幾慘，同埋我係呢一旅程，就已經發現左，日本女性就係噤坐得多，引致雙腳變左型，輕微D就唔係好覺，但我見過有D女仔就嚴重D，你諗下腳趾公基乎向內對著，所以我都不時留意阿囡會唔會噤坐。
黑貓KIKI同米老MOUSE幾FRIEND一齊等食
食飽之後，我地又再次出發去清水寺，唔知係唔係差唔多到放學放工時間，巴士有少少塞車同車內都有好多人。不過都唔算好嚴重，所以瞓下醒下就到左。沿路行去見到噤多櫻花真係呢世女都咪見過。。。。。
見到一班女仔著和服，緊係捉住佢地問下佢地可唔可以同我地影張相啦!!!佢地真係好NICE架，一D都唔介意~~~~但都係係呢D地方先係囉，去到東京就..........
仲噤岩撞到扮藝妓的女仔，佢都好NICE同我地影左張相~~~
入去啦~~~~~
清水寺對出個山頭真係好靚，如果係秋天黎又係另一番風味!!日本去極都唔會唔想去0既好地方~~~
清水寺內面有兩舊石係好出名的，就係戀愛石!!信唔信就各人自理啦~~仲要合埋眼由呢舊石行去另一舊石架~~~不過都有兩尺距離架!!
係清水寺留左噤耐都係為左影呢一刻，係呢度連睇日落都係靚到無得頂~~~~
玩到呢度我地又要趕住返大板啦~~~~返到酒店即刻攞番D行李，做咩噤趕???咪就係趕住搭夜車去我地另一地方======>長崎，是也!!
沒有留言:
張貼留言