經過一晚夜車後，每個人都有少少散散地，尤其係黑貓PAPA就簡直想死
，唔係個座唔舒服，而係係半夜架車廂特然開行個暖氣，搞到個個都熱醒左，唉，唔洗噤呀!!!!唔夠7點我地就到左長崎，係長崎站有個船放係度，但唔知原因
不過都影下相啦!!呢張係下午番黎補影的，因我地都係住係東橫INN，離呢度好近!!
噤早我地去邊先去下中華街行下，條街其實好短，有咩睇???咪係中國有0既名產，哈哈......所以齋睇無野買，特色D就係中華包，但我就唔噤食，噤大舊東坡肉....肥死咩~~~~~~~
跟住沿路行到呢條叫眼鏡橋的地方，日本0既環境真係好舒服，加上係唔凍唔熱0既天氣下散步真係一大樂事~~~
唔知點解要噤樣整??可以噤樣由另一邊行過去~~~都幾得意!!!!
黑貓KIKI：喂....黑貓PAPA你做咩呀???喂喂....好驚呀!!!
你睇下人做貓你做貓，人地有新鮮魚食，你有咩???
黑貓KIKI (暗哭)：點解係你地呢戶人家買我番去，魚又無!!!又要嚇餐死...嗚嗚.....喵...我要返去呀~~~
噤你想點???
黑貓KIKI：無呀...無呀...喵喵~~~
跟住就走左去搭電車，呢種電車係日本區係好普遍架!!!因為價夠平同唔會塞車，非常之方便，係呢度無論係JR、電車或者係巴左都好，日本人係好有禮儀架，佢地唔會發出嘈音架，有時我都覺得我地太嘈嘈到佢地~~~~~
阿貓你係度做咩??/
黑貓KIKI：我係度學緊點駕駛電車囉...........
算吧啦你......你估你真係噤勁咩??唔好係度出醜啦!!!!如果唔係之後去北海道唔帶你去!!
黑貓KIKI：唔好呀!!!我會乖架啦~~~~~
話噤快我地就到左西洋館，呢度以前係一個西洋人聚集0既地方，依家改建做商場，話就話係商場，同我地屋邨個D無咩分別，因為都係無野睇!!!
搞左噤耐緊係要食下晏仔黎慰勞個肚仔啦~~~~食咩好呢???好就試下呢味先，關西燒餅，有得食有得玩，其實個大嬸可能都知我地唔識整，所以都企左係側邊幫我地手，都幾得意，食落味道都唔錯架，我地叫左個燒餅同一個炒麵，喂，黑貓PAPA你唔好食晒佢呀.....留番D比我!!!!
黑貓KIKI：PAPA，你得唔得架???
黑貓PAPA：你咪鬼食呀嗱!!!
黑貓KIKI：係小人知錯啦!!!你大人有大量比D我食下啦~~~~~
都似模似樣架........味道都唔錯!!!
食胞左跟住行下呢個所謂0既商場，E.....連小朋友玩0既遊樂場 (好似香港個個美國XX樂園噤 )都有波子機，睇黎波子機對日本0既文化影響都好深，老公一心都好想玩，睇下有無機會入去參觀下。攪左一輪都無咩睇，唯有出發去另一景點，係走之前去到一間SHOP，裏面都有好多龍貓0既精品，見有福袋買，E....試下先千幾丹睇下有咩先.....有隻大到無論0既公仔 ===> 千與千尋裏面個隻唔知似咩0既狗..........無野好講!!!依家隻野都比我KO左，太阻掟加上D毛太長!!!
食飽後去邊??咪係行去平和公園啦~~~~下....行路???係呀，真係行過去，呢度話遠唔遠話近唔近，但都唔洗驚迷路，因為呢度沿路都有好多指示板話你知你想去0既地話係邊同仲有幾遠!!!呢度係有段古，詳細就唔係記得好清楚，只係知呢道係第二次世界大戰，原子彈發射後，死左好多人，呢度係記念當時死左個D人，呢到仲有個館話比人知D原子彈係點!!!但我就無咩興趣入去睇，只係借左厠所就走人!!
唉....戰爭就係噤，最無奈都係班平民百姓。
唉....戰爭就係噤，最無奈都係班平民百姓。
不過呢度D櫻花又真係正到爆燈，加上有風，形成左櫻花雨....個種情景~~老人痴呆都仲記得
黑貓KIKI：嘩....靚到爆!!!!!!
其實睇真D就會發覺櫻花就快完，睇唔睇到D葉出黎嗱~~
噤岩有風，就做左櫻花樹下的美少女!!!哈哈...幾詩情畫意~~~
呢隻就係買福袋裏面送0既公仔，係呢個旅程我搭夜車都係用佢黎====>墊頭
跟住我地沿路都去左天主教堂，個到無咩睇只係得個景，係教堂裏面係唔影得相，所以只好係出面影啦!!!!
又一條長命斜......呢次真係想攞我條老貓命咩~~~~
黑貓KIKI：喵喵，大叔...你好呀!!!
死貓你唔識唔好亂叫好喎，一陣人地仲以為我無家教呀!!!
搞左噤耐，各團友都開始累累地，就番番去長崎駅度行街街 (行街係唔會累的 )，行行下都發現點解我地覺得日本野貴，唔關日元高企 (個時我都好彩對6.5左右)係因為佢地生活指數都幾高，試諗下一個SALES都成萬日元一小時，香港邊度有???所以貴貴0既LV、GUCCI都唔見貴就係噤解!!!
買野就唔係幾買到，但就鍾意去Supermarket度行個圈睇下有無割引，哈...噤都有魚生賣，買番D先.......不過呢D碎料點夠我地食，之後四處看看有無好野仲好!!!
是日晚餐....魚生飯是也!!!
黑貓KIKI：嗯....食咩好呢???樣樣野都好想食喎!!!
你識唔識睇架????唔識唔該睇下圖啦~~~~~
大佬0既海胆飯，都算係噤千三日元
黑貓PAPA 0既魚生定食!!
呢個係我地0既魚生飯~貪佢咩都有...呵呵.....不過要搵三文魚呢度真係有D難度!唔知係唔係唔鍾意食!!!
食飽左之後，跟手就番酒店HEA下，行過間波子店入去參觀下，嘩....好似好雜噤行左一個圈就出番黎LU~~~番到酒店唔早唔夜，有咩好做???呢度就係住東橫INN0既好處，上網???NO!!食野???又食唔落~~~噤做咩好呀???咪走去洗衫囉!!!呢度好有得洗有得乾仲有洗衣粉賣TIM，但就係要時間囉!!!團友張小姐就唔得閒理我地，因為要同男友傾長途，唯有我兩公婆出去行行下囉!!!大佬話要去老遠0既港口影夜景....唉...你慢慢啦!!噤鬼死凍真係唔好預我啦!!!不過，都行行下都去到差唔多港口，不過我地無去到海旁只係入左大型shopping mall，行左一陣佢地都要關門啦 (8PM)我地都係時候去收衫啦!!!
不經不覺都黎到第四日，其實都有少少掛住黑貓BB架，佢出左世噤耐都未試過離開佢噤耐，唉，唯有傾下電話
一解相思之愁啦!!!!番黎一睇電話費單就.................
一解相思之愁啦!!!!番黎一睇電話費單就.................
明日繼續我地櫻花九洲之旅 ======> 態本
沒有留言:
張貼留言