朱古力MOSSE蛋糕

今年黑貓BB生日，當然作為黑貓媽媽的我緊係要做番個生日蛋糕啦!!!!黑貓BB當然例牌要朱古力啦~~~~

唯有係款式上改一改啦!!!如果唔係真係會悶死架!!!今次就整個從未試過整0既mosse蛋糕啦!真架.....我整左蛋糕噤耐真係從未試過整一個完完全全的mosse蛋糕

朱古力mosse大作戰開始~~~~~~~

第一次嘗試用米通作餅底，但個效果唔好，都係用番消化餅作餅底好D!!

第一件事當然要切朱古力先啦!! 以6寸蛋糕模黎作準，要用150g的黑朱力

之後就用熱水座溶D朱古力先，唔好好似我噤，應該要用個細D個碗熱水噤就會好D，另一定唔可以滴到水落D朱古力到，如果唔係D朱古力唔要得架啦!!!

因為驚D朱古力凝固得唔夠所以要用一塊魚膠片，魚膠片先要搣細塊後用凍水浸溶!                   

然後將38g的糖煮溶，待用。

之後將150g的淡忌廉打起，之後放入雪櫃，待用。

然後就係打蛋啦!! 份量係蛋1隻 + 蛋白1隻，將蛋打勻，再逐少加入糖水，再將蛋打到變奶白色，都幾辛苦架!!!!                                 

打至奶白色後，就要用陰力 + 快手噤將朱古力漿加入佢，如果想香D就可以加D冧酒落去，但今次黑貓BB有份食，所以唔噤加!!仲要加埋忌廉落去就可以倒入蛋糕模，整平個面就可以放入去雪櫃雪凍佢，雪最少2個鍾!!當然隔一晚就緊加好!!

          

今次仲要學人賴勁噤用白朱力畫花，但因第一次整，畫得太幼，另比個小魔怪倒亂，所以失敗左!!

呢個就係整成品拿.......失敗0既成品當然好有技巧噤庶左!!

呢款蛋糕整出黎好似雪糕噤滑，屋企無焗爐都可以整，方便又快捷!!!