櫻花九州行@2007 DAY 8

2009年4月11日 晴                                   櫻花九州行@2007 DAY 8

今日一早就要去燒酒參觀，原定係無諗過去呢D地方的，但噤岩昨天係JR搵溫泉酒店資料時見到有介紹喎，還掂噤早都無得摘士多啤梨，所以成團人都讚成去看一看，之後就叫JR INFORMATION的服務員幫我們打去預約時間。

一早就搭JR去那處，沿路都好容易找到，仲可以比我們見到秋田犬，真係好得意呀!!!

黑貓KIKI：

老兄，噤....噤岩呀~~~~~今日有D事要走先!!!!得...得....閒黎寒舍坐下.....係噤啦!! BYE~~BYE~~

行左無幾耐，就到左我們的目的地，同職員講左我們今次黎的目的，他們就十分好客噤招呼我們，其實黎之前都無諗到他們噤認真，仲搵埋個部長 (經理) 來講解，他們的認真程度我們香港人真係要學下啦!!! 他用一些有限的英文同我們講解製作燒酒的過程，之後銷售的地點，老實講我們點都係明一半唔明一半，但都要扮好留心噤上課，另有一些嬸嬸 ( 唔知點解呢度做野個D全部都係上左年紀的 )攞左一D好高級的和菓子比我們作茶點，講完一大輪之後終於可以入去廠裏面好好參觀一番，規模不大的一間酒廠，但就可以製造出好好的酒!!!最後部長送來兩支不同的燒酒比我們，呢次真係又食又扲囉~~

呢度就係我們今次參觀0既酒廠

洗米呀......大到可以整過人係裏面游水!!!

蒸煮過程，跟住先會一滴一滴噤漏入個儲存器皿到!!

黑貓KIKI：等我試下先，係唔係噤勁呀???90%濃度.........

黑貓KIKI ：真係好勁，救命.................

全人手入樽，都無話唔認真喎~~~~

嬸嬸真在封口..........

參觀完之後，我們再進行我們另一個重頭戲就係去摘士多啤梨，地方都幾相近，坐了巴士後再行一段路就到我們的目的地，其實我們不是真的噤勁咩路都識，其實都要多謝熱心的日本人，係路途上幫助我們好多，否則我們都唔知去左邊處~~~係等巴士時我們同時要決定揀選邊一間溫泉酒店，原來別府有好多好多......係張catalog裏面仲有圖 + 各人收的價錢，另幾人同室想升grade又可以有D咩料理，呵呵......真係花多眼亂!!

呢次會去呢度都係出發前見到報紙有介紹，剪底左試下可唔可以去，哈...又比我去到喎，上次個次本黎諗住去東京外圍任食巨蜂提，但貴到嘔
加上勁唔Like個隻味所以無摘到，但又噤岩有個葡萄酒廠，又走左去試酒 ( 仲用買左個試酒器，好似個碗噤掛係條頸.......)，飲完都wing wing地，都買左幾支酒，好好味，但唔見左個地址無得再去@@

講番呢次，我們都行左幾耐下先去到，仲有少少唔知自己去左邊處0既感覺!

終於行到啦~~~~1000日圓任食30分鐘，開頭都有少少擔心唔夠時間，但之後都會有推番之前諗的想法。入去前工作人員會比一個桶仔 + 一把胶剪，最初我仲係到諗唔通比我裝番出去，哦，原來係叫你剪完即食另再將個個"定"掟係個桶仔到做人肉垃圾筒，要拎走都可以但就要逐磅計...........講完之後，我們各自行動，入去搵D有唔大粒又噤大粒0既士多啤梨食啦!!

好多呀!!!!!係香港個D....真係要行開一二便!!!

睇下我食個粒幾紅幾大粒!!!

黑貓KIKI：嘩...............好正呀!!!

賽後檢討，最少0既係黑貓PAPA，無計大少爺唔鍾意食，不過比左錢點都要食幾粒!!

我們就係去呢處到摘呢.....睇得明就去啦!!!但老人家無記性唔記得係邊處!!!

從未試過食士多啤梨作午餐，真係食到好飽，仲有少少士多啤梨恐懼症TIM，不經不覺都係時間走人啦，不過行番出去就慘啦!!!
因為唔係好記得條路係邊，又加上轉多幾個彎都唔知去左邊處囉!!!!不過，搵到個巴士站，跟住搭番車去JR駅就可以去番博多駅，都無噤辛苦!!

沿路入去住宅區，仲係間好細間0既消防局 (依港人說法)

番到博多JR，一落車第一時間做咩??就係係月台食番碗月見烏冬，好唔好食就見人見智，但我就勁鍾意個種feel，尤其係凍冰冰又肚餓的時候就最正
，之後就去JR INFORMATION度搵服務員幫我們訂溫泉酒店，我們最後決定左四人一間房仲要食萬兩個款，因有條船送之餘，仲有河豚刺生食喎，緊係唔可以放過佢，原先諗住一路衝去別府，但小姐話依家太夜，溫泉方面已預左食材，最好明日先到，所以再係博多留多晚!!!之後時間都係shopping，之後仲可以食到我們想食的黑豚肉，一個字正!

今晚食完飯後，我陪左黑貓PAPA去波子機鋪行下見識下，日本人真係好投入，係噤不停噤入千元紙幣噤玩，睇左一陣就番酒店LU!!!

明日再戰====> 別府!!