櫻花九州行@2007 Day 6

2009年4月9日   晴

未開始寫遊記之前，要再次講呢一天係我們整個旅程不太幸運的一天，不但只發生了奇異的事係某位團友身上，仲有就係晚上再一次証明我們呢一日好黑仔呀!!!!真係永世難忘!!!

再次嘗試早起的滋味，唉.....體力都向下走啦!!!呢D咪就係青春的代價囉!!6點幾就出現係度真係有少少攞苦黎辛，無計今日要去阿蘇火山，之後仲要落鹿兒島，當然要早些，如果唔係邊度都玩唔到。

日本人真係好有心機，砌左呢個模型，不過唔食得!!!

今天的早餐，黎日本第一次早餐食西式!!魚堡 + 薯條，當然唔少得熱咖啡啦!!

另一班團友就去左食拉麵，但我就唔係幾好，所以無食到!!!之後就搭7點半0既JR去阿蘇火山啦，架火車都幾特別架~~~~

出發啦~~~       

經過兩個幾小時的車程，再轉接巴士，我們終於到阿蘇火山啦!!!原想上火山口一看，但等了差不多一小時，仍公告火山口情況不穩定，纜車仍然都唔開，但又唔知等到幾時，所以都係一致決定唔等，避免誤了之後的旅程!!!!

因為火山的關係，附近的植物都無咩，同有枯得就枯!!!

出煙個個就係火山口啦!!!呢個仲係活火山，所以有少少異樣都唔可以上去!!

係火山纜車附近除左商店之外，都有類似呢D VAN仔賣燒粟米同蕃薯，我們緊係唔執輸啦，每人一枝粟米，好過無呀MA~~~~~

無得上火山口睇，唯有去下一個站草千里睇下，因為個度有馬呀MA!!!但要等好耐先有巴士噤點算好呢???見好似唔係好遠喎，不如行過去啦!!噤好天當做一日遠足旅行好了。

出發前個個都精精神神，但之後............

呢段路話遠唔遠，話近唔近囉!!!!但對一些不斷爬過我們頭的鬼佬，就真係發現我們呢班活在森林石屎的香港人，體力真係好差囉!!!!呵呵.....真係要做多D運動啦!!!!!

原來黑貓媽媽體力都唔係噤差，仲可以玩下黑貓KIKI，你睇下後面個D團友!!!

睇下團友張小姐已經想死，後面個仲可以擺個POSE，但都唔係好人好多!!

下仲要行落去，條路仲有噤長.....真係失預算!!!!

行多十幾廿分鐘後真係到啦!!!!!呢度都有個商店 + 餐廳，但多做旅行團的生意，所以我們都無諗過係度食午餐，只係借了個W.C.方便下就算，店鋪都係買個D所謂特產都係無放下銀糧的打算。不過外邊的攤擋有大佬好想食的馬肉串燒，我同黑貓PAPA都係唔噤食 + 唔可以食的關係叫左個若雞串燒食就算，但團友張小姐就係呢一刻出左事，就係她食了馬肉，呢一刻她沒有任何問題，慢慢就由頸開始紅晒，好似敏感噤，她即時好驚，我們最初都唔知她發生左D咩事，之後諗諗下就發現她因為食馬肉的關係，但大佬都有食，他沒有事發生，點解呢??再推烤，終於發現了就食張小姐係同我一樣生肖======> 馬，又無話屬雞唔可以食雞，但最慘係我們之前係京都咪講過我們拜過我們的守護神，個個咪就係馬神囉!!!大佬無拜到所以無事，但她就.......話我們迷信都好，但事實就係噤，但依家可以做的就係比D藥佢食 ( 好彩黑貓媽媽去到邊都有一大堆藥在手，連敏感藥都有 )，之後幾日她見到有馬神的石像都拜下道歉一番。

呢到有個好大的草地可以騎馬馬

之後等到巴士就返返去JR駅等車落鹿兒島，唔知個度係唔係會有好多鹿0既呢??

呢個時候團友張小姐暫時要同我們暫別一會，皆因大小姐的男友剛好參加個個九洲團剛好到阿蘇火山，為解相思之苦就決定相聚番，相約好五點 (即係下一班火車 )在鹿兒島JR駅等，之後用短訊互相聯絡!!!

係等車的時候又係發揮無聊搞野之作~~~       

再一次經過四個鐘頭的車程，我們終於到左鹿兒島啦!!!!係車度都係食下野，傾下計，另下最重要就係補眠啦!!!!

黑貓KIKI受欺凌事件

||

V

到左鹿兒島時，趁等團友張小姐的時候，我們走左去JR Information度搵酒店，基本係今次呢個旅程我們就係鍾意去邊就去邊，所以無係出發前BOOK好所有酒店，都係係呢處搵曰本人幫我們，唔好以為噤就要住D好貴0既酒店，噤又錯啦~~~~日本又幾均真唔會趁機打劫的，今次呢間酒店都唔錯，係JR駅附近，有少少傳統曰式酒店的感覺，全職員都係女將，嘻嘻...仲有浴衣比客人著的同埋要瞓"他他米"的，感覺都唔錯，不過已忘記了酒店名LU~~~~。

不經不覺就到左約定時間，等埋團友張小姐，我們就番酒店放低行李就出發去shopping啦!!!不過因為要帶住D男人，所以都唔係行得好耐，加上呢處無咩大型商店，得D細鋪仔，一個多鐘後就決定去解決我們的晚餐，黎度呢處緊係要試下鹿兒島出名的黑豚啦!!!!眼見我們所在的位置係舊駅，搭一個駅就到鹿兒島駅，所以決定左回程唔搭電車改搭唔洗錢的JR啦!!! (所以咪出事左囉，發生左D咩事，睇落去就知架啦!!)因為見無咩人，順便叫車站叔叔幫我們出埋之後0既JR車票。

黑貓KIKI：喂....你係邊位呀??之前無見過你0既???

熊仔女：我係剛加入0既新成員呀，請多多指教!!!

買完車票，入閘後見到有車，就係呢時大佬無睇清楚個方就一行六人衝左上車，當然一關車門我們已經發現我們搭錯方向，之後就話下一個站搭番對頭車返過去咪得囉!!!我們按原定計劃就噤就出左事啦，其實我們唔知到JR同港鐵唔同之處就係站與站的距離同時間，點解噤講???因為我們落車的時候先發現呢個站唔係所有車都會停架!!!下....唔係掛??

係呀!!!呢個係一個動物園的駅來的，只有星期六、日先會好密噤有車，我們要等下班車係8點後，救命呀~~~~~~依家先6點15分!!!呢度又荒無又靜，對面只得個月台加呢個記念碑，跟住就係公路 + 海!!!黑麻麻咩都睇唔到，又多蚊!!!嗚嗚....個邊都差無幾.....只得幾張污糟0既椅子 + 記念冊就咩都無!!!人影都無一隻唔好話唔恐怖!!好彩我們多人制唔係都幾驚~~~係等0既時候，都有無數的車經過，基本我們又無聊，唯有玩無聊之作，就係同車長打招呼啦!!!哈哈.....我諗他們都幾驚因為以為係鬼呀MA.....不經不覺，終於等到車，第一時間緊係衝上車，係個刹那我覺得車廂裏的乘客都驚驚地，因為估唔到係呢個站會有唔知係人定鬼的物體衝入車!!!

咪知死前都有心機影下相!!!!                  

噤搞左一大輪之後，唔好話黑豚連晚餐都唔知點解決，因為大部份已關門，加上個人真係好累，所以都係去便利店搵食，番酒店休息下。呢種事我開始發現到，凡同大佬去旅行緊係會發生一次的，上次係噤今次都係噤!!!所以黎緊去北海道我會計劃好些，大佬都係信唔過，有小朋友係度唔可以噤玩法，會死人的!!!!

明日又繼續我們的旅程====>櫻島!!!