見工

5月28日端午節  雨

人人走去睇龍舟0既時候，我就走左去沙田見工，話轉工講左N噤多年都仲未轉到，今次終於提起勁啦!

同阿囡飲完茶茶，就走左去搭269D，嘩!!!!今日唔知係唔係端午節0既關係，架巴士竟然滿座，唯有企到去沙田，好彩係唔係太耐

跟住要轉多程小巴諗住都仲有半個鐘應該唔會遲到掛，點知個小巴要等10分鐘先開車，仲要轉來轉去，跟住坐坐下就覺得唔係掛要上山，唔係噤遠呀!終於係1103先到，遲左3分鐘希望唔好比人唔好印象啦!!!!

落車第一個感覺係，空氣勁清新，更係啦落完雨仲要係山上，空氣唔清新就假啦!


入到去好似去左酒店，可惜照唔到相，去到接待處個職員講我係黎見工，跟個表情好似好差異噤，我心諗唔係呀麻唔通記錯時間，又唔會我已再三問左兩次，因我見係假日緊係問多兩下，之後安排我填表跟住見副服務總監!!!入到去都係例牌問個D野....做咩轉工等等.......講左一輪就約左我第二日second in，睇黎你地都等人用喎!!!!

見完工緊係走人啦!!!等左一陣小巴.......無車，唯有行落山邊行邊等，好彩無落兩又無太陽都幾舒服。

行行下仲見到個海

見到有小巴緊係即刻行番過對面等啦!!!

第一次!!!

雖於有第一次的開始.....

想寫BLOG已好耐啦!但遲遲都未肯出手, 唔知係諗唔到寫咩, 定太多野, 有少少亂雜無章噤, 今天終於有個好的開始, 將自己遇到的人、事、物都寫晒落去!

今日仲有另一樣開它0既事就係.....掟左封求職信，今日打黎叫我去見工，無論如何都係一個機會，試下比自己一個機會離開已熟識10年的工作環境，不過都仲有好大因素自己可唔可以離開......期望星期四!!