趁在復活節前決定帶黑貓BB至離島行下，原先係諗住等下星期她學校去旅行個日去，但依家諗番起都好彩黑貓PAPA話要去就去唔好諗噤多，因為學校旅行因天雨關係取消左，要回復正常上課 ( 黑貓BB原先係假期，搞到要返學 )。
未出發先食個豐富0既早餐先，地點當然係我地好鍾意幫襯0既茶餐廳啦!!!
約埋公公婆婆係西鐵站等，就浩浩蕩蕩噤出發.....話噤快就到左中環碼頭!!!
上船啦!!!!最終都係決定坐普通座位，因為驚豪華座位冷氣勁得制~~~~~~到啦...到啦....
臨落船....黑貓PAPA突然狂性大發......餓到癲左!!!
為左令黑貓PAPA唔好再發癲，行左一陣就去食LUNCH，是是但但去左一間酒樓唔似酒樓0既物體。未有得食仍然繼續無聊之作........
食飽飽，終於可以完成今日黑貓BB的偉大工程 ====> 去沙灘玩，呢項噤偉大的見樹當然要由黑貓PAPA負責完成，噤黑貓媽媽係度做咩???咪係食馬碲糕......哎....唔係係影相.....哈哈......
玩左差唔多一個鐘，咩都夠啦!!!公公婆婆又叫肚餓，唯有去食下豆腐花同出名0既平安包.....今日雖然唔係假期，但都好多人呀~~~~~~~~
懶洋洋的貓.....任搞唔嬲 + 免費
呢間就係長洲有名的店，D糕都幾好食架~~~~~
黑貓媽媽除左食山水豆腐之外，仲叫左大大粒魚蛋，有幾大粒!!!你地睇.........咬落仲好彈牙絶無欺騙成份......
新照記隔離就係開左好耐的故鄉茶寮，記得我學生時代已存在，不過就無依家噤大，不過依然係賣呢兩款野.........可惜食飽左今次無幫襯到!!!!
呢間B&B期實都幾想住番一晚....但如果要比五百幾蚊住長洲又好似好唔抵........
行過唔留心D睇都唔知係豬大腸......仲以為拍緊鬼片
飲飽食醉當然要係度行下.........如果你問我有無去張保仔洞......答案當然係無啦!!!我地只係去北帝廟搵下有無傳說中的櫻花樹，在大街小巷睇下望下搞下.......黑貓媽媽今次係有老有嫰，行山.....no way!!! 想死都唔係噤死囉~~~~~~~
為左接近海水，黑貓BB唔怕死噤就落去為求影張靚相............
時間都差唔多啦，我地都係時候坐4點幾班船出番中環，因為越黎越多人啦~~~~今次黑貓BB話要坐豪華位喎，噤我地幾個大人無理由反對，不過，全程都係坐係出面。
就噤我地就無無謂謂噤遊左長洲一天啦!!!!
結論係食...食...食...食...都係食......
