今日係黑貓BB第一次參加小學的旅行，不過，今時同往時唔同，唔係上小一就可以自己同學校去旅行，如果家長唔去小朋友好大機會無得去，除非班裏只有少數學生係自己一個去，就可以跟著老師一同前往，但相對又好似好慘噤!!呢D都唔知係好事定壞事...........
往年都有黑貓PAPA一齊同行，但今非昔比黑貓PAPA請假仲難過登天，連我地想過二人世界0既旅行一拖再拖.....跟住難產.....唔提....唔提.....
一早同黑貓BB食完個早餐，整好晒個LUNCH BOX ( 唔供應午餐....唔可以燒野食.....)，裝備好就出發LU~~~~~~今次黑貓BB仲帶埋上次係廸廸尼買的維尼爆谷桶去，又係裝爆谷同佢D零食.........其他野就唔該黑貓媽媽你拎啦!!!!!
一入到學校隊都未排好就一班同學係噤叫 : 班長.....班長....班長.....係唔係噤大吸引力呀???
坐左差唔多一個鐘頭車就係為左黎呢個叫做北潭涌渡假營...........好彩黑貓BB無嘔(有一手準備時佢係唔會發生，無準備之下就.................
講好左集合時間地點，班細路就一窩風等係個遊樂場度懶死唔走，想行下去睇下有咩其他活動都幾難，如果係噤就唔好黎噤遠啦!!!
終於玩左一個鐘後，係我同另一位家長的強迫下先可以參加渡假營內的導賞團，如果唔係真係會悶死~~~~~~
去睇下文物都好 =======> 上窰村
呢度環境好好，好多人都會黎影下婚紗相，不過都好遠下~~~~~~~
黑貓BB算係第一次行山，所以都好興奮，同同學仔 ( 仲要係同名，佢地班裏面有三個同名唔同姓，呢位仲要同一寫法，大家都係個個"之"，所以黑貓PAPA好搞鬼地同佢地改左做X之戰隊..........以姓為戰士名@@.....黑貓PAPA你睇得太多日劇........ )
呢隻係細到基乎睇佢唔到0既紅色蟹.....唔好問我係咩名???因為我都唔知.........
呢個係灰窰.......
終於到，但裏面無咩野睇加上勁多人.........
話噤快又睇完，出黎休息下同食下野........再行番轉頭!!!!
行番去時終於可以影番呢度係香港極難見的蔗.......蕉......楊桃........梨.....木瓜.......
呢個大家估唔估到係咩???無錯呢個係菠蘿....不過係假的!!!!
終於可以食LUNCH啦!!!今日黑貓媽媽用心整左呢個，可惜黑貓BB唔欣賞，因為個心已飛左去遊樂場個度，如果唔係限制要食完LUNCH先可以玩，我諗兩個細路連食都唔食衝左去玩...........
玩到濕頭雞噤!!!如果唔係英文主任的威力，點都叫唔停!!!仲比黑貓媽媽發現原來黑貓PAPA去食早餐時必撞到老師，好LU.....第二時黑貓BB唔乖就可以直接話比老師知!!!
黑貓BB係噤玩呢個，去到夜晚仲同我講覺得自己仲轉緊...............
玩完之後就帶佢地行個圈入左一個沙樽後，就夠鐘回程LU~~~~~係車上黑貓BB竟然瞓唔到.........相對佢個同學仔就瞓到豬豬噤!!!佢就噤一直貼住黑貓BB......都幾嗲!!!!
