給天神的信

天神，

何謂尊重???

在背地裏討論他人的不是便是尊重???私自分享他人的link也是尊重???當要滿口仁義道德時，麻煩先自尊再後重!!

黑貓不是文化界，不是社會地位甚高的人，只是一名師奶仔，但都自覺做任何事對得天地良心。尤其不會在人後說人話，當你們在面書高討濶論黑貓有幾褻瀆神明、不尊重他人宗教時，有無回想自己當下的行為呢???若真有心的不會直接提點當時人，這比在背後談論不是更有效???觀點與角度亦在每個人心中有不同的界限，如何否定他人的行為是正確呀???難道真的以為自己係天神??

尊重與否是乎心，請不要當自己是高人一等囉!!!! 若真噤覺自己係天神，麻煩繼續在靖國神社供世人供養吧，請勿打擾黑貓一家在凡間的生活。黑貓好忙的...家庭又溫暖沒有太多的閒情理會任何閒人.....不過亦十分興幸自己可以製作一個話題供人娛樂，避免過份沉迷自己的世界中。


P.S.

黑貓一家過得十分幸福，亦沒有愛情一樣.....死直。 ( 這又好尊重人喎)

日本的朋友也覺得黑貓一家十分有趣，並沒有覺得有不妥的地方。 ( 啊....原來他先係中國人....天神先係原藉祖先....所以先覺得不妥!!!)






凡人  黑貓敬上

北海道滑雪初の體驗 Day 1

趁記憶鮮明的時候還是快快手寫了遊記好了，怕過一輪又開始忙的時候，甚麼都忘記了!!或是懶根出來了，我想會沒完沒了，就好像峇厘一樣....

2013年 2月22日                                                   北海道滑雪初の體驗 Day 1

等了又等，等了又等...終於出發了!!!這還是黑貓除上次坐夜機之後，最辛苦的一程機，何解???因兩晚沒睡，又要收拾行李又要弄這弄那，還要好好交待黑貓小妹的事情，所以心情加精神處於緊張狀態，想睡就難，加上剛好晚上要開工那就辛苦加辛苦，幸運的是今趟是休息的旅程，故沒有很緊密的節奏，那黑貓就可以好好休息後再回來狠狠工作吧。

很快就到了早上7時半，黑貓PAPA由家中坐的士到黑貓收工地點接黑貓，之後便到機場去，上篇也說到黑貓不幸地發現訂機票時劃落黑貓PAPA的座位後要重新選過，當時還在想日元跌真的多人去到爆機???原來發現是三、四間航空公司合併引致，灰!!

因已在網上辦好登機手續，我們只要托運好行李便可以了，加上沒有很多人!!過程十分順利，希望之後都可以順順利利啦!!!今次黑貓打破以往的作風，帶多個細喼去，怕上次達美事件再發生，有備無患。

兩件行李都有成26.8KG，天冷就是這樣衣服要帶多，永遠都怕不夠，事實是有一件抓毛黑貓PAPA著都沒有著到!!!黑貓也是穿了兩天!!不過幸今次日航每人都有46KG，黑貓還未超重就已破產，如果用足的話!!!

搞掂好就去翠華食個早餐先!!!今次無入閘先食，因要有服務生服待

在機場裏逛了一陣就開始有少少頂不住，因無野岩又無咩野好睇!!!今次係係21號閘，不用坐無人駕駛電車，也不用行很遠!!!

出發啦!!!出發啦!!!

整個餐淨係得杯雪糕好食，而黑貓通頂左兩晚但精神壯態太興奮，要飲少少酒助入睡!!!

黑貓PAPA個份個D西蘭花仲有少少變味添

用佢黎發漐保溫!!

今次撰搭日航真係有少少失望，完全無諗到佢座位噤逼，張椅又硬，相對內陸線仲好坐過佢!!!噤多個鐘黑貓PAPA就搵D野黎玩!!!

經過四個幾鐘的機程，終於到著東京成田，今次黑貓有夠白痴，上網訂票時一時走漏眼訂了羽田轉機到新千歲，弄到要搭多程shuttle先可以轉機，原先想有補救的方法，但出發前幾日先發現原先訂票時訂的位置，竟然黑貓PAPA的沒有確認到，所以由原先的21行轉到去47，想早早落機都不成了，我們快手落機接著快速地想著第一時間過關，但好死唔死竟然要乘無人架駛.....個心真係好心急，真係怕中途塞車還是甚麼意外，我們就上不到飛機，那就慘了。幸一切順利過關時沒有人，一到著就可以辦過關手續，接著很快就取到行李，出關後就看到Limousine的counter，買好了15:45的票就到指定的巴士站等上車，當時已是15:35，好彩一切順利!!!

Limousine counter

要留意些站不是只停一種車，要留意!!最右邊的是將到站的巴士，看清楚先好上車，不過，職員也會幫你的，他們的態度很好，會替你將行李貼上號碼，同將票尾給你，當落車時就會根據你的票尾比番你的行李你!!!

每個人要￥3000

經過70分鐘車程，順順利利到著羽田機場，途中只是在入台場方面較多車之外，一路都開得好快。快手辦理好登機手續，就找東西吃了。我們不是太肚餓，但知道內陸機是沒有餐點供應，有些連飲品都沒有，我想是看機程有幾長，上次到羽田到関西就只得一個小時左右，那一段就真的甚縻都沒有，今次有個半鐘所以也有一杯果汁、綠茶或咖啡，但遺憾是沒有汽水....

日本的第一餐是野菜烏冬及煎餃子!!我們不懂日文，幸科技發逹，不用再像從前要帶待應到門前揀食物，依家只要影低相片，點菜時給待應看就可以了!!

食完差不多6點了...可以上機!!!今次呢邊係日航，所以看不到ANA的比卡超飛機

內陸機只需起飛前一個鐘辦理好check in，半小時前就開閘登機，不過通常飛機行都有排行，往往行了十多分鐘先起飛

終於到著搭JR去札幌，車程￥1040，黑貓PAPA話坐到腰骨聽，所以只有黑貓坐

大約半小時我們便到達札幌，久遺了的北海道，有回家的感覺!!雖然很凍冷，但心情仍十分興奮!!!出閘後向北口進發到這兩晚入住的酒店 - ホテルノースゲート札幌 ，去到先發現這間酒店是上次與黑貓小妹來時住的那一間位置相同，但裝橫了有些不同多了一間便利店在樓下，但大堂仍是像當年一樣。

酒店外貎

今次價錢都好抵兩晚都是￥13,000，酒店房有17m2

沒有行李在身的黑貓PAPA，看見雪與他的女兒黑貓小妹一樣，興奮到極點，行為上亦是一樣，說他們不是兩父女也不成，甚至乎之後可套BLOG友紅米奇所說整一輯瞓街特輯的不成問題，何解看打後的遊記便會了解!!!!

裝備十足就無有怕...點玩都得~~~

到酒店附近食野，好多野食，都個句有選擐阻礙，都係揀左拉麵!!

返酒店時當然會入去便利店逛逛，沒有東西買也要找些來買，心癮!!!!最後買了今晚的宵夜~~~

回酒店的最終節目除食宵夜外，還要與黑貓小妹通Skype，不過最終發現阿囡無阿媽阿爸在身邊仲快活，皆因甚麼都不理!!!

311兩周年

2013年3月11日

今天是日本大地震兩周年，當年的情況仍在腦海中浮現，有人說你常常去日本不怕嗎?? 怕.......何解要怕?? 輻射喎!!! 我只會笑一笑便了事。

我們香港人幸福的是香港沒有天災，只有人禍!!!但試想住在當地的日本人呢??他們可以如何呢???

我喜歡到日本是因為喜歡他們的風土人情，他們對生命的一種熱誠，他們不會因為不幸而放棄自己!!!將要求退而求次~~~對待別人也是用真誠來對待!!!不要說日本人也有不好的人...甚麼的....到目前為止我遇上的都是熱誠有禮的人!!

今天我期望善望的香港人不要忘記自己是活在幸福之中，還有家人同在~~~~~要學懂有容忍及憐忟的心!!珍惜現有的人與物!!!

返黎啦!!!!

平平安安完成了今次的旅程，到依家先有時間慢慢執相，最慘係返黎後皮膚唔好，要睇中醫!!!我都話黑貓係屬於日本架啦!!!原先的皮膚敏感係日本呢九日一D事都無，但返到黎就重現之餘仲要有嚴重左....

唔開心0既野唔好講，講返今次旅程，今次黑貓同黑貓PAPA主要行程都係HEA為主，無咩特別，亦無趕黎趕去噤辛苦，只係食方面就有少少選擇性障礙，搞到最後都係失望而回。仲要係唔可以瘋狂食到黑貓鍾意的海胆......呢個係呢個旅程的敗筆.....之於戰利品就唔洗講!!連黑貓PAPA都買得好開心，仲話D野平左，一來日圓有少少回落 ( 黑貓對換到都係差不遠，呢幾次都係徘徊9-9.4左右，所以對滙價不是太大因素 )，二來香港物價上升日本依然保持十年來的水平，所以買野無手軟到。遊記就真係要再花少少時間整理，依家先show下今次的戰利品。

雜貨大合照

食品大合照，今次最後去唔切超市，買唔到生果、米同鰹魚汁返黎

今次遇到大特價，平時唔會買今次都忍唔住要買，呢度都係港紙5百蚊左右咋!!

襪都買少左.....見D人噤凍都可以著LEGGING出街，唔知係唔係唔同D，今次係香港LOG ON買左對過去都可以唔覺凍，但就成$180，呢度都係315日圓，唔買黎試下都覺對自己唔住。

係Porter 同 agnes b都睇唔岩野，但見到呢個日本大品牌同左我最愛kitty 做左coverover，仲要係好靚好多色，最終都係買左呢個較成熟少少的，黃色、粉紅色係靚，但就太kwaii啦!!!

係小樽見到呢張野，仲要係黑貓又有盒PACK，唔買就奇。

黑貓PAPA今次送左個開工袋比黑貓，開心到暈啦!!!
 

每次都會抽一次KITTY獎，但今次唔好彩，只係抽到呢個KITTY夾

黑貓PAPA就買到呢D野，今期日本好興呢款袋，佢又買黎玩下!!!