黑貓の工作坊: 2010

2010年12月24日星期五

忙...忙...忙...

2010年12月23日晴

呢幾月真係忙到無停手.....連帶幾編BLOG真越積越多....都唔知何年何月可以嘔晒出黎!!!

好在今年就黎完結，忙完今日終於可以有幾日假放下，回一回氣再黎過!!!希望快D到1月去旅行的日子，噤先可以鬆一鬆，抖番下，如果唔係真係會死人架!!!

好似今日噤要同時間競賽都從未試過噤激，一早過去澳門做野，但又要準時完成再搭番船返香港做另一單野，遲少少都會死人，好彩去時時間上較鬆動，所以即時辦理埋自助過關手續，回程時就可以更加快更省時!!!

講開今日真係要講下今日個單工作真係令我見開大場面都要嘩言一聲，如果今日做的是婚宴會有噤的排場，我唔覺得出奇，因為有錢人會噤誇張地結婚一D都唔出奇 ( 楊千嬅都係噤 )，係澳門擺酒有個好處就係酒店地方出奇地大......大到可以令人迷失方向，今日的場面係一個百日宴，講得百日宴當然係個主角岩岩足一百日，家人為佢設宴，但擺足一百圍之餘，仲要安排好勁0既節目、場地、仲要請我地一crew人( 連攝影、化妝等等足有十幾廿個 )由香港到澳門，呢筆數都唔少....何妨仲要請埋台灣雜技團，個下真係佩服萬分，可惜要早走，如果唔係睇埋正式開場都幾精彩!!!

終於買到了~~~~~~~

2010年12月21日晴

好開心終於下定決心訂了SONY限量版NEX-3相機，左想右想這個好那個好....這個功能好...這個機身輕......諗左足足大半年，終於在一個網址見呢款的珍珠粉紅色後，就決定係呢個啦!!!!! 唔埋三七二十一，即刻打去SONY專門店問，佢話要預訂，仲要係專門店專有 ( 之後當然發現比佢呃左啦!! )，訂左一個星期終於天事地利人和之下攞到部機，雖然無大機噤專業，但以黑貓媽媽的性格黎講以足夠啦!!!!因太大部太重，黑貓媽媽係唔會攞出街，加上工作上要一部功能較好的相機影相，呢部就剛剛好!!加上有喜愛的顏色，唔想再諗太多了!!! 今個旅行可以有新機用LU~~~~~~

因係限量版關係，要買雙鏡，噤又貴左D~~~~不過，諗落都有少少需要，噤就算啦!!!

長鏡 ( 當然我死都唔會買另一支長鏡架啦 )

鏡餅

當然要再尋覓下相機袋 ( 要搵日出尖咀睇 )，粉紅色的專用相機套就真係要去日本搵下，因為暫時未見香港有得買!!!!!

2010年11月18日星期四

到手啦~~~~

2011年11月17日晴

今日終於死去出去攞信，未收到之前仲係十五十六

，收到後個人都定晒!!!!

雖然今次好好彩機票唔洗錢，但就真係限制勁多，除要係31-3-2011前要返到香港外，仲有一些旺季除唔可以出票外，仲要連回程都唔可以搭到........即時真係"O"咀架，因為原先諗定27/1 - 1/2的旅程就行唔通，但呢個係難夾得到的天時地埋0既日子，仲慘過夾時辰，最後唯有提前21號出發，25號返黎，想去多一日都好難，但見Delta機係早機晚返，所以都夠晒......唯有叫自己唔好太貪心啦!!!!

依家心情真係好興奮，雖然去日本唔係第一次，但都仍有佢0既魔力係度，加上東京真係唔係好熟 ( 唔係嘛 )，真的唔係說笑，因為每次停留都唔會超過幾天，上年都係主要集中係主題樂園，真正行都係十年前的事，今次真係要認真D睇下天書，加上想帶黑貓PAPA真正認清日本這可愛的地方 ( 難得他肯去 )，所以真係唔落D功夫都唔得!!

2010年11月16日星期二

中獎喎~~~~~~

2010年11月15日晴

今日整緊頭髮時，無啦啦收到個電話，見無來電顯示仲以為係DA姐打黎，點知佢話係縱橫遊，通常呢D電話我會即刻話佢知我唔得閒，唔好再打黎.........等等!!!好彩今次無JA.....如果唔係真係走左雞都唔知咩事!!!!

佢打黎係話我知我中左獎...........呵呵呵(怪聲 )

.........係呀!!!無錯係一張Delta的東京來回機票~~~~~~~點解會中獎???咪黑貓媽媽對日本太鍾情，一見係iphone有個縱橫遊APP係用黎答問遊戲，每星期送出國泰雙人東京來回機票，當然無無聊聊去玩下啦!!! 仲要死玩爛玩，但發覺D人真係痴線架，發現自己無可能之下，就無再玩啦!!但點知又比我抽中左，雖然唔係大獎但好過無~~~~~

雖然好似發夢噤，黑貓PAPA都問我係唔係比人玩，所以我頭先開番個APP黎睇，真係見到我個名，噤都有錯真係有鬼囉~~~~~

可能係天意都要黑貓PAPA同我去一次，熟知我的BLOG友都知我呢年都無諗住去日本，因YEN真係貴到唔捨得去，鬼咩一家三口喎!!!!今次有呢個機會我仲唔食住上

，雖然有人話 [ 人地出鼓油，我出雞 ]，但去行個圈食個LUNCH都好架，加上撞岩黑貓PAPA有假，黑貓BB又肯放人，唔去真係唔抵，唯有依家係香港慳D洗，留番個錢去旅行囉!!!!

所以依家暫定27/1出發，去5日!!!趕得切番黎過年之餘，又可以避開D旺季，黑貓PAPA張票又可以出平D~~~~~~

問我去邊我諗都係東京周圍遊下、HEA下都好，原想閃去大板的，但黑貓PAPA話車程太遠唔好喎，噤唯有去伊豆一帶走下囉!!!還掂未去過.....又要plan下行程!!!!

2010年10月23日星期六

小一旅行

2010年10月8日晴/陰

今日係黑貓BB第一次參加小學的旅行，不過，今時同往時唔同，唔係上小一就可以自己同學校去旅行，如果家長唔去小朋友好大機會無得去，除非班裏只有少數學生係自己一個去，就可以跟著老師一同前往，但相對又好似好慘噤!!呢D都唔知係好事定壞事...........

往年都有黑貓PAPA一齊同行，但今非昔比黑貓PAPA請假仲難過登天，連我地想過二人世界0既旅行一拖再拖.....跟住難產.....唔提....唔提.....

一早同黑貓BB食完個早餐，整好晒個LUNCH BOX ( 唔供應午餐....唔可以燒野食.....)，裝備好就出發LU~~~~~~今次黑貓BB仲帶埋上次係廸廸尼買的維尼爆谷桶去，又係裝爆谷同佢D零食.........其他野就唔該黑貓媽媽你拎啦!!!!!