粟子蛋糕

今次終於可以擺脫朱古力0既命運，因黑貓PAPA要求要粟子口味，所以黑貓BB無得話事
因為係幫黑貓PAPA做生日，所以趁黑貓PAPA返工0既時候先開工，加上有黑貓BB0既幫忙所以好快就做好啦~~~~~

雖然打蛋0既功力有待改進，但勝在黑貓BB肯用心做........

之後幫手篩粉，有姿勢有實際架!!!

因要用到機器，所以要由黑貓媽媽協助進行!!

要打到變奶白色，無話唔累。

差唔多啦!!!!手都痺埋~~~~~

落粉攪勻去，都係個句唔好攪到無晒空氣，如果唔係個蛋糕就唔鬆軟架啦!

倒入餅模，就可以攞去焗架啦!! 

係焗蛋糕時，要打忌廉，呢隻係甜忌廉黎，打到佢硬身就得架啦!!!

跟住加D粟子蓉落去D忌廉到，呢隻做法較為傳統，出面街個D因為要慳成本，所以都唔會噤做。

雪左一陣就岩岩好個餅焗好左，切去上、下及分兩層，就可以吻上粟子忌廉啦!!!

因個焗爐個門比個工人整到關唔實，令到個熱力唔均勻，所以個蛋糕個型變成噤!

加埋D最好味0既士多啤梨做裝飾，就大功告成!!

唔算好成功0既生日蛋糕是也!!!

黑貓PAPA見到個蛋糕再加美女香吻一個，當堂冧晒!!!

不過不失的製成品

黑貓媽媽簡唔中都會學日整下餅，仲要係無聊無野做0既情況之下先之會。不過，家中寶貝人物生日都會整番個生日蛋糕比佢地架!!!!懶有愛心呀MA....不過就無人係黑貓媽媽生日時整比我食

呢D都係某D唔係噤好0既作品，過程因係初階，整得個蛋糕黎都影唔切相!!

第一個朱古力MOSSE蛋糕

跟住係christmas朱古力聖誕屋 ，唔好以為係實心，其實得個外型!!!

公公0既黑森林生日蛋糕!!!

點解個個都係朱古力黎架!!!鬼咩黑貓BB勁鍾意食朱古力，整親都要係朱古力.....佢唔悶我都覺難頂!!!整朱古力好煩架!!!!!

第一次用噴槍，因整法式焗布甸~~~好驚架!!!

溜夜整cookie

呢一次簡直係黑貓媽媽最慘情0既一次，做完野返到屋企都夜晚10點有多，但因第二日黑貓BB學校要去旅行，所以為左呢個寶貝女為有夜夜都幫佢整cookie。好彩屋企本身都有晒所有材料，如果唔係都幾慘，溜夜去邊處買

先搞好個粉團，留到明日一早起身焗餅，仲要整飯糰....今次真係攞胆!!!!

將D牛油、糖、蛋打勻先，仲要加D雲呢拿油，噤就好香架啦!!!

搞粉，唔好搞得噤勁，如果唔係D氣走晒架啦!!!!!

雪左一晚0既粉檲，平時只需雪2小時，但黑貓媽媽要瞓覺，所以早D雪你啦!!!

呢幾款係黑貓BB最鍾意的圖型，黎緊要買迪士尼系列!!!

印模先，今次係動物做主題!!!

入焗180度焗15分鐘!!!

時間的關係都仲算不過不失!!!

最後一天@上海之旅

2009年3月30日 晴                           最後一天@上海之旅

今日係上海之旅的最後一天，飛機係4點幾機起機，一早去邊好呢??都係無無謂謂噤去買埋一D手信就check out啦!!!!

一早又去食生煎包，今次要試0既係蔡記生煎包，但感覺上都係楊家好食D，間鋪離酒店有少少遠，不過都無所謂啦都無咩野做，其實上海又真係幾悶下。又無咩好玩的地方，可能有不過唔岩我地掛

4隻都係3.5人仔都抵架，不過店鋪就較簡陋

嘩......噤大碗食晒你估會點???      

唔好睇黑貓BB好鍾意食，其實佢都係飲晒D湯同塊皮，舊肉就掟比人食

食完再到南京步行街買下手信，呢度都隨時見到香港0既品牌商店，連bossini間旗鑑店都幾層高，唔知係唔係租平呢???

呢間就係周大福0既元祖老鋪

行行買買都差唔多係時間check out囉，住左噤耐都無影下間酒店TIM。

間酒店都算平，勝在夠方便，係間厠所沖涼位置就夾D啦!!!

LOBBY位係間餐廳，晚上有得聽歌!!

之後就坐的士去機場，唔洗半個鐘就去到LU~~~check in後就去食我地係上海最後一餐。

呢個係陪我遊歷多地0既戰GIF，可以升大佢架!!!

同黑貓BB影番副相先~~~~

肯德基兄弟，哈哈.....要試下....不過不失啦~~~~~~

未上機先，黑貓BB就玩住先囉!!!因預多左時間，所以多左好多時間係機場度!!

呢度都有海龜睇架!!!!!

終於等到上機啦!!!!等到頸都長.......

我地就係搭呢一班機到深圳，機票雖然平，但都唔係隨隨便便比架機我地架!!

係唔係覺得好奇怪呢???張機票係東方航空，坐就坐南方??大陸係噤架....會group埋班客節省資源呀MA~~~            

上海我就啦.....I'll back at October!!!!!!     

前一刻都幾精神........                     

唔夠15分鐘就.........瞓到死豬噤，連飛機餐都無食到!!

呢個係我地個飛機餐都好好食呀!!!!甜品仲係果凍黎TIM~~~~    

番到屋企都仲係7點，仲可以食多餐，基本上整個旅程完結晒，諗住已有個交代比我99，但好景不常，我99話要去多次請D親朋好友食一餐............oh, no!!! 仲知十月份我地要再踏足呢個地方......我D日本彈樂......希望唔會減少啦!!!!