北海道白色の聖誔親子遊 DAY 12 八戸 2010年1月2日 晴
終於整個旅程在今天之後就要返回城市 =====> 東京，真係有少少唔係噤想，因為到今時今日我都係覺得東京D人唔係太有善 ( 同鄉村比 )，不過，話晒都出左黎噤耐點都要回歸平淡，唔理LU~~~~過完先算啦!!!
今日我地0既目的地係八戸，有BLOG友熟的話都會奇怪點解要噤PLAN??
好似兜番轉頭噤，無計因為八戸最出名的八食市場係禽日即係1月1日係休息的，無理由我地一場黎度唔去八戸七厘村食餐勁???還掂我地又有JR PASS所以就無所謂啦，反正都係一個鍾車程，對我們住慣新界區的人黎講一個小時的車程一D都唔長，已習慣晒!!!
一大早6點幾就起身，感覺有少少唔係噤舒服
，頭有少少痛，可能禽晚夜瞓今日又要早起掛，將所有行李PACK好寄存係酒店，一陣間就要用極速返番黎攞。
有D商店今日先開始買福袋，所以整個JR駅都係人呀!!!我都知好抵，但要我噤排法就咪搞我囉!!!!
我地先去買早餐上車食，印象中係閘內有間麵包店，所以今早誓死都唔食飯團，答案係正確，內到去花多眼亂樣樣都好似好好食，搞到心大心細噤，最後黑貓BB要左個朱古力包，我就要左個吉列豬扒包，就趕搭8:35分的新幹線出發去八戸LU~~
話噤快我地唔夠十點就到左八戸，眼見巴士時間未到，我同大佬又走左入去票站，睇下可唔可以博到今日坐新幹線MAX去東京先，可惜係新春大旺季，D座位爆到好似廣洲噤全FULL，好彩係我地第一日就劃晒所有位，如果唔係想坐都幾難，不過，如果可以趕到自由席的話我地都會博下.......
我地去搞飛時，兩個小朋友又繼續係出面搞下事影下相，八戸駅又真係有幾多特色野睇，好有濃厚民俗色彩。
好啦!!!好啦!!!都係時候坐巴士去八食，即使係第一次到都唔洗驚搵唔到，因為有大大隻字話你知係邊處搭巴士!!!仲可以上網check 定
八食市場巴士時刻表
係未有巴士到前，我地當然又發揮小宇宙，除左搞人地D野之餘，仲比我地發現左個小型手信店，我地又想吹風緊係入去行個大運啦!!!唔知係唔係禽日係新年的關係D人留係屋企死都唔出黎後，今日就係噤走晒出黎......
黎到青森附近無理由唔買蘋果汁試下，呢隻都幾好味，但唔似上次係釧路個支噤原汁原味，所以毛毛唔係噤鍾意飲，覺得佢唔夠甜!!!!
搞左噤耐巴士終於黎啦!!!呢架係唔需攞車票的，因為點都會收你100日圓
黎過八食市場都知車程好短，所以連個背蘘都無除到就已經到啦!!!!
入到去見周圍都掛左一D虎年的裝飾物，毛毛見黑貓BB發傻，所以又跟住一齊黎..
原來呢度附近海域有噤多種魚，有D見都未見過...................
呢間回転寿司有好多人排隊食架~~~唔知係唔係真係噤好食，可惜我要留肚食海鮮BBQ，如果唔係都想試下!!!
係去食海鮮BBQ之前我地決定行下先，呢度真係好有多野買，D人好似唔洗錢噤，係噤一箱箱噤買................
好想買返香港，可惜仲有幾日先返香港，無辦法留~~~
行得噤上下買左一大輪手信後，我地就去到今日的主題七厘村，先買票先，多謝每人200日元包最基本的物資，小朋友 ( 小學生以下 ) 不收費~~~~
店裏話人多唔多，話少又唔少，唔理會唔會整到整身都係燒烤味，先去買料先!!!呢度料多到花多眼亂，樣樣都好想食，但樣樣買都會破產，唯有揀D想食0既野，最後悔係無買毛蟹買左個D蟹腳唔似蟹腳0既物體，
燒到把鬼火又唔覺好好食~~~~~
鯊魚呀!!!!救命呀~~~~~
行行下見到呢D唔知係咩0既物體 ( 唔識日文 ，淨係知係用黎睇唔賣
)
先黎4隻扇貝呀，唔該!!!
仲要多盤生蠔
，生蠔要師傅黎開，呢度有個好處就係會問你係唔係BBQ? 係就幫你整乾淨佢.....
黑貓KIKI：嘩...........好想食呀!!!
作死呀!!!你有無睇下幾多錢條呀!!!!!!!!!
見到好似好好食，但太貴所以買左細少少的............無計慳得一蚊得一蚊!!!
後加烏貝數隻，原先諗住收手番去開工，但黑貓BB一時又想食蜆喎，又要行番轉頭去買
好啦!!!終於可以開工啦~~~~~~雖然有調味料，但黑貓媽媽都係覺得原汁原味最好味!!!
呢餐由黑貓媽媽掌廚........
D食物真係好新鮮，不枉特登走呢一轉
，但就要一隻蝦噤多爭!!
噤大支水都係百幾YEN咋....抵飲!!!
食飽行左一陣都係時候搭番車返八戸駅，不過去到又真係好慘，因為我地搭個班車未到時間，又D車又FULL晒想提早走都幾難，只好行下等下.....但噤都比我同毛媽各人買左三支青森蘋果汁，因呢度有唔少農民係度擺檔，都幾好可以吸引D遊客，港鐵應該學下人，開頭諗都無諗只係叫佢PACK好個箱等我好攞D，但行左一陣發現唔得重死，之後醒起可以加500YEN送貨到東京酒店，即時行番轉頭比錢都比唔切，噤我地又可以輕輕鬆鬆噤番東京LU~~~~~~話晒我地D行李都唔少，上落新幹線都係一件大慘事!!!!
無聊時黑貓BB又做無謂野，仲要扮比老虎食左......真係大吉!!!
雖然好似好鄉下，但我就係鍾意呢D FEEL，令人好舒服~~~~~~
黑貓KIKI：呢位係我地旅程0既新朋友仔，佢係毛毛0既新寵兒 ===> 狐狸仔
再係呢一段無無聊聊的時候，又比大佬買左袋福袋加埋頭先毛毛媽買0既福袋我地已有兩大袋，全都係食0既野.
............
我就放低黑貓BB就周圍行下，仲走左入去觀光案處上下網睇下野....嘻嘻....
行完就岩岩好夠鐘上車，16:47着，但一到左仙台駅後，就要發揮小宇宙，原先都唔洗噤趕，因訂去東京的新幹線係18:06開，應該係有好足夠0既時間返酒店攞番晒D行李，但點解???因黑貓媽媽屎忽痕想坐MAX呀!!!之前走去問原來用JR PASS係可以搭呢款車的，但又無晒指定席，班車又開17:43，要坐自由席就要早早係月台度排隊，為左有充份時間，所以就安排左毛毛媽負責照顧兩個細同睇住一D簡單的行李，之後我地其他三個就用左超乎想像的時間唔夠15分鐘就完成任務，勁!!
但最慘的事又發生，就係天生購物因子發作，大佬同毛毛媽慾擺不能，一定要買好出名0既魚蛋，問你死未!!
三請四請先肯走，去到月台已見好多人排隊，搞到黑貓媽媽個心係噤跳，連野食都唔噤走去買..........有少少唔知為咩??當開始上車我就拉住黑貓BB係噤走，第一時間緊係坐上層啦!!!坐下層好似無謂特別呀MA，都好在黑貓媽媽不愧係一個師奶仔，所以就噤比黑貓媽媽攞左6個位，係呀!!!係 6個....岩岩好一人一個位，自由席就係有呢一個好處，小朋友佔一席位都無所謂，雖然搭呢架車比原先個班長左時間，因停得多站之餘，唔知係唔係高身左，所以唔可以開得快，但基本上都OK，起碼叫坐過呀MA~~~~~但衰在個座位無得調校同辛苦晒D男土噤辛苦攞行李，無論上層同下層都好，都係要抬幾級樓梯!!
無野食的情況下，唯有折佢地之前買0既福袋黎頂住先，但估唔到大佬個袋有驚喜，就係呢包野，真係勁好食!!!想買番都無......
係車到打下機，毛毛又搞下事，緊係啦噤長車程佢又唔瞓又有地方佢玩，佢仲唔玩盡D咩~~~~~~~
當MAX駛入東京駅時已係19:56，其實原先我係想係上野轉去池袋，但大佬堅持話東京多車話，但最慘就係去到佢又唔記得.......唉........又要轉兩程車先到，加上佢堅持係唔坐山手線的，所以搞到我地係20:45先去到池袋，跟手緊係拿拿臨去酒店，好彩池袋駅北口一出就係.....
今晚我地住係ホテルサンシティ池袋 (Hotel Sun City )，呢間酒店我係係其中一個BLOG友中認識的，房就幾大 ( 係東京黎講算大 )，但個人就覺得唔夠之前D酒店乾淨，唔知係唔係東京人係噤呢???不過勝在近JR駅，都算係噤!!唯一令我地0晒咀係，係東京噤大0既城市裏面，竟然係有酒店係唔可以碌咭............
晚餐就係快手係樓下間松屋食，聽日要早起攞車去我地東京第一個目的地 Mother Farm!!!
是日支出 ：( 黑貓媽媽及黑貓BB )
酒店 ￥6,300
早餐 ￥758
朱古力 ￥158
蘋果汁 ￥120
蘋果醋 ￥1,260
魷魚絲 ￥1,000 ( 3包 )
巴士費 ￥200
七里村 ￥205
BBQ ￥1,150
晚餐 ￥590
飲料 ￥148
￥11,889
