表情

2013年2月22日 星期五

出發啦!!!!!

We are ready~~~~~~

計劃已久的行程終於到來啦!!!!!
未出發前就已多事發生,先係在出票時已劃位,但當check in時發現只有黑貓劃了位,黑貓PAPA個位就無,但隔離個位就比人揀左,由原先18行調到46行,仲諗住快快手出去辦入境手續攞行李,搭shuttle過羽田,依家就要更加快手,之後又要臨出發前改行程,原因係咩咪就係發現要呆等45分鐘之餘,仲要分分鐘趕餐死!!!所以原先無諗住落美瑛呢期都轉一團,但為免出現大混亂,原定留宿旭川就維持不變。希望順風順水啦!!!

返黎再回報行程~~~~~~


2013年2月16日 星期六

出走峇厘 DAY 1 Villa 篇

2012年7月20日                                          出走峇厘 DAY 1 Villa 篇

今次黑貓都係係agoda度搵酒店,一來上次有分可以當錢噤扣減,二來東南亞地方,與日本不同,訂房沒有那麼方便!! 因人大了富貴了,不同以往,對住的要求高了,加上這次以渡假為主,所以揀選的酒店都有一定的要求,又不想走來走去,搬來搬去,又想試下住一些有pool的villa,老實說在峇厘要有pool的villa,真的很多,但價錢亦相當很高。這一次又是誤打誤撞的情況下讓黑貓找到了一間又平又正的villa。這就是在Seminyak區的Villa Kresna Boutique Villa


Villa 的門口




客、飯聽,另有私人泳池





這張梳化大需大,但我們最愛的還是在露天的沙攤椅






有個設備都齊全的廚房,可惜出餐廳食的價錢也不貴!!!所以我們沒有用到





買有洗衣機提供,我們每天也靠她清洗我們的泳衣





外面的厠所及沖涼位置




這是KING Size房





房內的廁所,有浴缸浸浴。






這是queen size房,因要加床所以較逼



2013年2月15日 星期五

出走峇厘 DAY 1

話回今次點解無啦啦走去峇厘,是原黑貓去完日本之後個心同個人都仍有想休息去旅行的衝動,仲係覺得未休息夠,一路都搵人同睇地方去,諗來諗去都未諗掂之時,阿爸就有日同黑貓講,你咪整日出走日本先得架,你幾時帶你老公 ====> 黑貓PAPA 去峇厘島呀?? 當堂黑貓就覺得唔帶黑貓PAPA去滑浪係一件錯事,噤岩大佬又願意用miles出機票,又剛好出晒五個人的機票,手續費同機場梲當然係黑貓比啦!!!當然有無機位又係一件大事,真係個天都要黑貓去休息下,一個朝早就搞掂好晒D機票,而出走峇厘就成行LU~~~~加上有舅父的幫手訂車,咩都搞掂晒!!!

磨左噤耐都係時候出下遊記啦!!!

2012年7月20日                                          出走峇厘 DAY 1

一早四點幾就起身準備,因要六點前去到機場,無計用miles換番黎D機票係噤上下,有位已偷笑,今次同行仲有公公同婆婆,不過,因唔可以同時有五張免費票,所以要分開坐唔同機到峇厘。加上星星聯盟係新航,無直機到峇厘我地要係新加坡轉機,轉機時間都好長,要等成差唔多五個鐘,但又唔夠時間出去轉一圈返黎同夾唔岩個D免費觀光團,幸新加坡個機場夠大,可以行下。


今次有新喼用,黑貓小妹開心到眼瞓都無~~~~


天未光又出發


做check in 時先發現自己帶漏左支短鏡,真係死火,下下都要走到無里公噤遠影相


大把時間慢慢食完個早餐都未上得機


搞笑兩父女又登場~~~


今次我地搭星航,服務良好~~~設備一流!!!



等左一輪後終於上機,班機都幾多印度人,可能大多去印度都需要係新加坡度轉機掛。今次多了一個成員一齊出發,就係扮獅的KITTY!!


太多野睇太多野玩,搞到唔知揀咩好~~~~~


黑貓小妹的兒童餐,但佢唔多岩食



大人的,都唔錯!!!


可以插線上網,另都可以叉下電!!!!


我地差唔多十一點幾就到左,轉去峇厘島的航班就係5點半先開出,但計過差少少先參加到個local tour,所以呢幾個鐘我地要係星加坡機場遊蕩


黑貓小妹勁開心~~~~~


唔知點解整個機場都好多糖同朱古力賣~~~

機場出面有個好靚的向日葵花園


黑貓小妹玩左一陣呢個室內遊樂場後就覺話唔好喎


當黑貓PAPA沉迷係PS3當中時,我地就走左去玩M&M,有好多古靈精怪的造形


呢個好正,我最鍾意!!!


沉迷在打機的世界中

幾經辛苦先等到上機時間,其實如果可以出境噤我地就無噤辛苦


一上機又開始食餐!!!甜品係雪糕,之後聽婆婆講佢地仲勁兩餐都有雪糕食




黑貓小妹又唔係唔放過睇電影.....幾歎!!!


黑貓就繼續追自己的劇


喂....你無買機票,所以無位坐,要坐??坐呢度啦!!!!!


出境又要照多次行李,今日大大話話照左無數次,煩到嘔,阻鬼住晒D時間!!!!之後就出去搭的士,峇厘機場可以入黎的的士就唔同色,要指定黑色,仲懶有程序噤!!!先去呢個間野度話比佢知去邊,跟住就會有司機黎帶你上車,噤有好有唔好!!起碼唔會兜路行呃你錢囉!!