表情

2012年6月29日 星期五

関西賞櫻の行2012 Day 3 白浜。三味の宿白浜館

2012年4月9日                                            関西賞櫻の行2012   Day 3 白浜。三味の宿白浜館





返到酒店執好野,我地就兵分兩路到大浴場,提提有機會黎呢度的blog友,緊記攞毛巾,我們唔記得帶,所以要行返轉頭攞。去到門口婆婆又係扭扭令令,最終都唔肯入大浴場怕羞喎!好彩訂的房有附個室風呂咋,如果唔係就享受唔到。

黑貓小妹的小孩浴衣 ===> 成個邪留丸噤


呢度係無浴衣揀的


黑貓小妹進入大浴室當時只得一位女士,我地好似包場噤,仲可以趁無人時影多幾張相,沖淨個涼就拿拿臨去浸個夠,但室內個個我就求求其其浸左一下因太焗,出面就有兩個唔同的,水溫唔算
好高係令人覺得舒服個種,另有一個白浜相當出名的木梅桶,個個好正好舒服,黑貓小妹見水唔太熱都浸得勁興奮,去呢池浸下之後又走去另一個,浸得差唔多就返
房,準備食飯。我地都叫浸得耐班男人仲耐,之後聽黑貓PAPA講佢地個邊都幾多人同個梅桶大過我地個邊好多,可惜呢度唔會男女湯調轉使用,殘念。



露天風呂另加一個一個梅桶

呢個又另一備長炭溫泉,我又唔覺得有咩特別


終於都到重頭氣,不過當個女將好努力舖餐時我地就要讓一讓,可能得佢一個做幾間,所以佢好趕又要招待我們,不過噤招呼法就第一次,唔係唔好而係太傳統,連坐
的位置也十分講究,真係要分輩份坐,真係第一次,仲要搞到我影唔到條船,之後好詳細講解點食點食,雖然好好但多左份區緊,但都勁好人主動同我們影大合照。
不過,呢餐真係食極都唔完,仲照例飽到你嘔,但真係無偷工減料堅足料。

好忙噤擺陣,呢間房格局同我地個間一樣,話大些咩??唔覺喎




女將教我地落晒D配菜,再放牛上去,黑貓小妹幾認真地整


原先用黎裝牛牛的器皿


女將不是在身旁教我地點做,連坐位都有學問的。


仲不時幫下黑貓小妹


今日食的菜單


仲有刺身船,因為女將好快手分晒比我地每人一份,所以影唔到近鏡,之後好快手噤食埋無影到自己個碟,殘念!!連個鮑魚都無影到.....

黑貓小妹話好好食

沾埋蛋汁無得頂


帶子沙律


龍蝦湯


魚(但唔記係咩魚)


天婦羅

漬物 ( 開頭我地仲估緊紫色個舊係茄子定係咩??黑貓食完咪話係蘿荀囉 )


白飯魚仔飯


黑貓小妹一日到黑話飽喎,叫佢食完D飯先可以食甜品,因真係唔係食左好多,咩食小小就分晒比人


扁晒咀..


甜品係好好的焦糖布丁加紅豆糯米


食到佢個衰樣


黑貓小妹無梅酒就飲果汁



食到最後

食到飽到上心口,返到房已鋪好我地D床舖,黑貓小妹話今晚過個邊瞓....


飽之後我想到附近的¥100
shop,可惜去度只有supermarket未關,係呢度遇到一家大細0既香港人,當然佢地想買煙花,但人地唔明佢地竟然扮聲真係笑大人地個口,之後出
到門口一睇就知泊係門口個架車係個班人啦!貪方便唔泊入停車場之餘,仲要泊得極度衰,真係失禮。

在酒店大堂大合照


旅館好貼心噤有出街的鞋著

行返酒店時我地又發揮無聊性格,跑去睇下地產店,又發現呢度d樓唔貴喎,連地三層高以寫十算黎計都係百幾萬左右,香港樓有幾貴就知啦!

返到房緊係浸溫泉啦!睇下夜景傾下計幾正,不過,有樣唔好就係隔音設備唔足,因為噤我地先發現住係我地另一邊都係一對香港情侶囉。

個風呂係不斷加溫泉水的,如果太熱的話可以自己加凍水調節,所以最初帶我地黎的女將千叮萬囑唔好搞紅色的製,因為好易燙到的!!!


待續....


2012年6月27日 星期三

関西賞櫻の行2012 Day 3 白浜。丹月島

2012年4月9日                                           関西賞櫻の行2012   Day 3 白浜。丹月島

等到班男人返黎,我地就上月台等車,今次搭的唔係指定席所以要早些排隊,雖然唔係好多人,但因行李多所以搵位都有一定難道。我地大約坐左個幾兩個鐘就到左
白浜JR駅,之後就買定明日返大板駅的車票,因唔想老人家辛苦,所以買了指定席,都好貴,要成4千多日元呢,不過,可以令一家人舒舒服服都無所謂啦!


黑貓PAPA好想係個月台食番個月見烏冬(又係情意結)


可惜太趕,睇下好啦~~~

開車啦~~~


噤都比黑貓小妹搵到罐佢的至愛 ===> 粟米湯,飲完瞓覺覺


和歌山因之前中國送左熊貓比當地政府,所以咩都係熊貓,可惜我地無緣坐到熊貓車列車



白浜大概的旅遊地點...還有兩架的shuttle bus



到啦!!!



一行出JR駅就係光明巴士站,我地今次目的地係白浜站,所以要搭1號線,原先在猶疑時,有個女人就了過來詢問我們去那裡?(當然用日文啦!)之後就帶了我去買票,因今天去的地方不多,所以唔洗買一日票!買了飛後就話我知係邊處落車,極度貼心的服務。

登車後發現我們真係幾"呀炸",無辦法人多行李更多,又發現唔到駅有locker。

搭了數個字車程後就到了白浜站前,今次我們入住的溫泉三味の宿白浜館
是屬於老牌式的溫泉酒店,雖然無新穎那些設備裝飾噤完善,初我也有少少失望當中的設施,無計對上幾次都好大好靚,但之後發現無論服務及付室的風呂都無得
頂,之後逐一介紹,依家簡單介下呢間白浜館的溫泉水先,呢度係屬於全て源泉かけ流し風呂:


自然湧出的源泉
完全無經循環過濾
不過可以調節溫度而加水加温

(剛看完J少的遊記,更知呢樣好緊要,對我地鍾意浸溫泉的人黎講)

另有美肌作用,嘿嘿…一於浸多幾次啦!



入館裹比我的感覺係舊,所以先入為主會覺得無噤好,好似無相片噤靚0既,但想不到的係佢地會派個講普通話的女將來招呼我們,仲好細心地講解得好清楚,起碼
公公婆婆都知佢講咩啦!我地約好了今晚6點食晚飯,因我們有兩間房所以女將同我地講大佬他們那間會大些,所以在那間房食晚就更好,回想起有一回我們同友人
一同在別府住溫泉酒店,點解個間溫泉酒店無安排我地一齊食呢?唔明!!!




我地個間房叫 [金剛]








歡迎小食就一般,都係甜...配就還可以!!!當然唔少得梅囉


洗手間,另轉入去係沖涼房



個個客的露天風呂都唔錯架....好大!!另一邊仲放左好多馬油產品比人沖涼

HEA左一輪後我地就出去覓食同行下,可能唔係食晏時間定係點,周圍好似無咩食同店鋪開噤,都行左一段路後先見到一間拉麵店,都唔想再搵,所以求其食少少野算,還掂今晚有好野食。


胡椒叉燒拉麵


完一個普普通通唔高要求的拉麵後,我地就決定行去丹月島,係呀!無錯係行,距離唔遠。




途中仲有一個足湯,我也梗係唔放過點都要浸下,黑貓小妹興趣不大唔肯
除鞋浸,不過呢個湯真係堅熱,連黑貓PAPA噤耐熱的人都頂唔順,何況係我囉!玩完輪好,整理好就慢慢行去今日的目的地,丹月島就係足湯隔離。





好熱...要出黎抖下!!!


連黑貓PAPA都話熱



到了...




水好清架

黑貓小妹好鍾意執貝瞉(所以又執了唔少返香港)

無聊試影浪花



呢個其實無咩特只因出名的原因係當太陽落山時個咸蛋黃係會落到去個個空心的位置,好唔好彩就好視乎個人,當然我地呢個時間點會有呢樣野出現,有排都未日落,睇人釣大魚就有份。
呢個就係丹月島






D水真係清到噤深都睇到個底


影完相後,我地沿著海邊行番去白浪浜沙灘,當夏天呢度都係旅遊聖地!沙好白好幼細,亦有專人打理。比黑貓小妹玩左一輪滑梯後,我地就行番酒店了,話晒比左錢錢,無奶油浪費浸溫泉的時間。

係中途黑貓PAPA又......

婆婆

就係用呢部機整平D沙

夏天呢度會迫滿人...

小朋友沖涼的地方~~~



待續.....白浜旅館