黑貓の工作坊: 1月 2011

2011年1月27日星期四

番外篇

番外篇

今次的旅行可話有驚無險....又可以話黑貓老貓燒鬚，嚇到黑貓PAPA整個旅程都唔敢再打野豬神 ( Monster Hunter 裏的角色 )，點解噤誇??原因無他，因真係驚左黑貓會再突槌....原先都好好的，由出發到東京黑貓都係瞓瞓....瞓

，因驚鼻塞引發上次眼球受壓的痛苦情況，黑貓已好醒一早食定粒葯.....直到上左N'EX驚嚇場面一一出現，先係係車上發現唔見左自己張車票，由外至內，由上至下.......咩地方搵完又搵都搵唔到，原已打定敗數!! 點知竟然再係自己個褲袋搵番.........那一嚇都嚇到心血少!!!

跟住就係去到酒店check in....點知比email個個人睇，跟住佢竟然指住個日期.....嚇人事件再次出現，就係黑貓竟然book借左日期，係2月21日.....oh NO!!!!

當然呢一刻真係好想死左佢......點會噤架????

不過唔通唔住咩，唯有用walk in客身份，價錢雖然係2倍，但正如黑貓PAPA話有錢可以解決到的就唔係問題，唔通因為噤就影響個心情???之後一上房當然係睇下之後的酒店房有無問題，好彩睇一睇，原來溫泉酒店都book錯左1月23日....明明已睇得好清楚都鬼瞌眼

，book遲左一日!!!唉....仲要原先想住個間無房....好再都比我book 左季之湯花月雪，仲可以扣Jalan分，都叫價錢差唔多!!!!

之後都無咩大事發生，因黑貓PAPA話放左幾舊肉比野豬神，希望平安渡過

，但好死唔死去到三鷹之森時，最後都比KIKI重新回到家鄉懶死唔走............................派左另一隻新子孫同我返香港，問你死唔死!!!

最後就係對呢間首次乘搭的航空公司吹爆....點解??人人話佢時間好早機去晩機返唔好咩??但我就認真唔係好滿意，去程無咩問題，但回程就真係一肚火，我噤大女坐機唔係話好多，但就未試過要分開計行李重量囉！！！話說黑貓本黎都係一個喼走天捱，無論自己去同黑貓BB去定係同黑貓PAPA或是一家三口去都係一個喼架JA，最多就係買多個手提袋，點知去到CHECK IN托行李時，佢話我個喼超重.....我話：下!!29.6kg超重??

我地兩個人喎。點知空姐同我講要分兩個喼先可以噤計.....我即刻起火，噤我話要比幾多，佢竟然話要收我US$50!!!

唔好當人水魚先得架，我即時走用1千日圓去買個紅白藍都好過比你，仲要係之後個兩個行李都係入晒落我個名度，即時$%&!(@&$#%^&

，我一定唔會再搭你囉!!!!仲有都未見過D空姐可以唔紥起D頭髮 + 派毛巾唔出聲，寧願係噤吊住係度 + 派snack可以唔派比我地囉!!! 喂，打機睇書犯法架????

請期待黑貓黎緊的遊記!!!!!

返黎啦!!

2011年1月25日晴

我們回來了~~~~~~~

我們5天的東京、箱根之旅終於完結啦!! 又要由鄉下返黎呢個又污漕又嘈0既香港，今次真係好唔捨得，最衰就係無假期，如果唔係去足7日就岩岩好!!不過噤都好，又比個藉口努力工作搵多D再去過，今次真係千其百出咩都有!! 希望可以快D嘔到D遊記出黎!!!

2011年1月19日星期三

聖誕BBQ

2010年12月25日雨 / 寒冷

每一年的聖誕節我們一家同一班老友最鍾意就係BBQ，當然上年因外遊關係無做呢個傳統活動，不過，今年依舊人齊，仲要係黑貓PAPA間局攞晒牌可以大搞BBQ!!!!

一早無有任何活動之前，我就同黑貓BB去睇左一場超早戲，無計又要平票又要有位，真係要付出少少代價，本黎諗住係屋企附近到睇就唔洗噤早，點知原來聖誕太多戲上，所以呢套 [ 借東西的小矮人 ] 要我地專誠走去屯門先有得睇，不過，有戲睇黑貓BB點都早起同快手出門，唔似返學噤慢吞吞........

因見有時間就到東薈城行下街，但入到去就超級後悔，D人多度呢~~~真係好想大叫呀!!!點解噤多自悠悠架!!真係唔洗錢，任攞唔嬲???

攞左個蛋糕，等齊人就到消防局啦!!

今天除左係聖誕之外，仲要係其中一位友人的生日，我地一班FD當然要同佢慶祝一番，地方細細就係張櫈度切蛋糕。

黑貓BB只會係呢個時候送上香吻，其他就no way!!!

生日當然有禮物收

原先係女子組影相，但黑貓PAPA就要攝入黎

仍然有男子組

趁機再黎張大合照先

黑貓BB見到有小朋友當然唔放過同佢地一齊玩啦!!!

呢頭講個頭就好不幸連最後一架車連黑貓PAPA在內都要出動!!!!無計要做野，有些同事仲慘由早上十一時上山幫個班無做好準備就去行山的人，只因遇到落雨開始驚所以要支援，老實講呢D噤0既天氣好心就唔好去行山啦!!你有屋企人，人地都有架!!!最終呢班上山做野的同事就要去到十點幾整身濕晒噤返黎!!!趁聖誕節未完都可以同屋企人過~~~~~~