其他人通常71做咩???唔係去睇慶祝活動，就係去遊行，但我地黑貓一家就有特別節目。
今日就係黑貓BB人生的第一個畢業典禮，轉眼間就要讀小學啦!!!話快唔快....但向前看就會覺得人生仲有一大段路要行，所以趁呢個機會要黑貓PAPA同講，凡事放鬆D唔好讓孩子覺得學習係一種不好玩的事，唔好過份地緊張!!!!.....>__<"
一早黑貓BB唔夠7點就嘈醒晒所有人，簡值興奮到極點一D都唔似岩岩發燒完的人( 前兩日先氣管炎，幾驚今日出席唔到!! )，快手同佢化妝set頭就同佢返學校。
雖然老師在今早比多張飛我地，但見唔係一齊坐又加上係上層，所以公公都唔肯黎!!
趁有時間等黑貓媽媽去整番個靚頭，之後相約黑貓PAPA係屯門等，食完LUNCH，時間就岩岩好可以到大會堂出席典禮。
校長副校主任已係等待接待來賓~~~~~
我地個位雖然都幾前，但就係側邊.....好彩今日有帶相機，如果唔係真係比黑貓PAPA鬧死......
終於做晒所有儀式......差D都瞓著!!!老實講有少少失望就係唔係個個上台攞畢業証書，只係派代表，相對講無謂野就多到不得了........終於等到小朋友上台表演，今日有三隊，因有三間學校聮校畢業呀!!
先係周宋主愛.......但比我飛.....走左D相....嘻嘻......
接住就係黑貓BB學校負責表演 ===> 神送給我們的禮物，由各班合作一小部份......
等左好耐，黑貓BB終於出塲啦~~~~~~為免睇唔到佢，黑貓媽媽仲特別圈位佢，鬼咩遠到死.......
背影仲要播番呢三年的生活片段......
