表情

2010年3月27日 星期六

yahoo 妳又搞咩呀??

YAHOO你又搞咩呀???無啦啦....將我一d網誌掟番去個草稿箱到搞咩呀?????究竟你地點做野架???????

2010年3月21日 星期日

北海道白色の聖誔親子遊 DAY 9 函館

北海道白色の聖誔親子遊 DAY 9   函館                       2009年12月30日 雨 + 雪

一早起身列牌要去浸一浸溫泉,經過一晚好眠整個日都精神晒!!!

今日已係旅程的第9日,時間過得特別快,雖然好唔想去諗仲有幾多日,但個心都無話勁唔捨得,可能有少少掛住係香港的黑貓PAPA,唔知佢係呢幾日做緊D咩???但亦有少少嬲佢次次講親電話都雞噤腳噤收線!!

執行李前,我地又去番禽晚個間餐廳食番個早餐,係呢個時候發現左一件大事!!!就係唔見左黑貓KIKI............OH NO!!!!!不是嘛~~~~~~~今次真係死得!!!!唔通我禽晚食得開心得制無帶佢入房???????即時衝去reception問下.....好在禽晚餐廳職員好好人幫我暫存係reception,如果唔係....................令黑貓KIKI獨留係.............真係罪過!!

自製日式早飯,漬物 + 白飯 + 溫泉蛋 (其實都係為左食蛋同飯 )+ 三文魚燒 + 味噌湯 (都係東橫INN好味)


食完早餐都係時候執拾行李check out,出發去今日的目的地函館.....函館山等我呀!!!
 


搞掂好一切後滿心歡喜諗住坐巴士去JR駅,就係呢個時候出事啦!!!!就係一時無留意到個巴士時間表........天啊!!!!要成9:51先有巴士,但我地要搭10:26的JR到函館喎!!!點算好呢????大佬話趕得切,咩巴士夾火車等等.....點趕呀!!!!我話坐的士去啦~~~~~點知??佢又話貴喎.....個時我真係想X@W$IUFJR(I!O
......老實講我地又噤多行李...又要搬上巴士又要搬過橋......無論點都趕唔切!!!到最後可想言之........當然趕唔切!!!!去到JR駅都成10:30啦!!!即時就要搞過晒D JR 票,頂......(唔好怪黑貓媽媽噤粗魯...真係好火)要成11:42先有車,呢樣野都唔緊要,都係等JA....但最最最最慘係新年旺季之中的旺季,指定席已經full sold out!!!!當職員噤講真係想即時發火.....呢D咪男人囉!!應慳唔慳....唔應慳個D就慳....又唔諗下有小友,點坐自由席呀!!!再加上個個男職員態度十分惡劣,連想早D上月台等車都唔比.......................我去左噤多次都咪試過無位坐架!!!


等下等下~~~~~呢個時候毛毛又再次"BU"口水,小姐呀!!!唔係麻,上次係小樽玩過一次就搞到落雹......今次.........係月台等時已見開始落雪.............



 
 
 


上到車真係無位之餘,毛毛又開始扭計加上肚餓,情況就慘上加慘~~~如果當初搭的士就唔洗噤慘,最嬲係我見的士都唔係好貴......好多車身都標明有discount!!問你死唔死..........都好一、兩個駅後可以慢慢行到入去車廂內,但入去又死.....係熱死
!!!加上慘企左2個幾鐘,毛毛又發癲喊足全場.....個種狀況真係永世難忘~~~


 


終於捱完去到函館,呢個時候都已經係2點幾.....仲要落大雪呀!!!!








一出JR駅已感受到個陣陣大雪的滋味,我都唔理噤多接好風褸帽,一口氣係噤向前行,兩手係噤死拉爛拉個兩個行李喼.........千叮萬叮要黑貓BB跟緊毛毛媽.....如果唔係我都唔知點返香港交差......
如果有冬天去日本的經驗話唔知個種係雪地拉行李的慘況,我一定十分佩服......因我去到東橫INN ( 係呀!!!今晚我地住東橫,仲要係朝市前個間,死都要住一晚,仙台無連兩晚,如果唔係都住佢..... ),一入到第一個電門時已發現唔對路,拎轉個頭一睇....嘩.....兩個喼個轆全部都係雪,用力一"登"全部雪落晒地毯上,連counter小姐都忍唔住笑真係有少少尷尬!!!失禮晒.......


難得黎度當然要申請番張東橫INN會員咭啦!!!!!開頭仲以為有限日期,但個小姐話係永久架喎....唔洗再續!!!係唔係真架???唔理快快企好執番個樣,照番張相放係張咭度先!!!!!




 


入到去房都係差唔多....一般標準!!!!
 


我隻銀介經歷左呢兩次琉黃水之....終於頂唔住LU~~~~~~


因外面時雪時雨又大風又有細路,所以經過商量後都係決定去公司行街街shopping算吧!!!函館山我地又無緣啦~~~~~
再次証明我要黎多次架!!!!枉我仲印埋張割引券,唉........黎左幾次都上唔到佢!!!!!!唯有行去食我地個唔三唔四0既LUNCH先!!!無咩選擇之下唯有食拉麵
行過酒店係一間好大間的Kiosk隔離有這一間.......
 
 


等食時發現又有呢款散步地圖,教埋你點行.....十分方便清晣!!!
 
 


食完個麵之後仍落好大好大的雨......無計為有去附近的Boni-moriya行街街,收獲都幾豐富,最抵係買襪同係無印買到一條超平的褲比黑貓BB ( 50%割引 ),跟手去到Sario 比錢時見到有500YEN抽獎,呵呵....
噤都抽到兩對hello kitty筷子連筷子托,跟住再抽 =====> hello kitty砙杯 ( 慳左錢唔洗再買 ),三抽由毛毛出手 ====> Hello kitty 漬物小方盤四隻連木托盤,跟住.....當然無啦!!!因為真係有小小驚佢倆個小魔怪抽到個砂鍋番你就真係唔得你死
囉!!!!行到6點幾真係有D頂唔住要返酒店休息下,回程都好多鋪頭無開,可能係因為就黎日本新年掛!!!



 
 


返到酒店見到開始有晚餐食,當然唔放,今晚係忌簾飯,正!!!不過好好笑,去到噤上下無晒白飯,要等等先有得食......你睇下呢餐都唔錯架!!!又慳番好多....


食完飯又無得去函館山
,又無咩地方好去,唯有就係洗下呢幾日積落黎0既衫,黑黑BB就繼續睇她的電視,都唔明點解她好鍾意睇,老實講知唔知講咩呢???但見她又睇得好投入,仲笑到卡卡聲,又好似真係明噤!!!搞掂晒所有野就到我地0既宵夜時間
啦!!!!見包裝到噤靚真係唔係噤想食,呢樣都係佢地近日鍾意的甜品,與銀の鐘個D價錢有得比,但講好食都係銀の鐘好食.......
 
 
 



雖然話無咩野搞,但都搞到十一點先瞓.......明日再戰朝市!!!

是日支出 :( 黑貓媽媽及黑貓BB )

酒店             ¥3,412

午餐                 ¥845

巴士                 ¥330

小食及飲品        ¥383

布甸                  ¥313

奶                     ¥110

雜項

無印黑貓BB褲  ¥1,189

襪 (6 對)          ¥2,100

戰利品             ¥2,853

洗衫                   ¥400

                      ¥11,935