2010年12月23日 晴
呢幾月真係忙到無停手.....連帶幾編BLOG真越積越多....都唔知何年何月可以嘔晒出黎!!!
好在今年就黎完結，忙完今日終於可以有幾日假放下，回一回氣再黎過!!!希望快D到1月去旅行的日子，噤先可以鬆一鬆，抖番下，如果唔係真係會死人架!!!
好似今日噤要同時間競賽都從未試過噤激，一早過去澳門做野，但又要準時完成再搭番船返香港做另一單野，遲少少都會死人，好彩去時時間上較鬆動，所以即時辦理埋自助過關手續，回程時就可以更加快更省時!!!
講開今日真係要講下今日個單工作真係令我見開大場面都要嘩言一聲，如果今日做的是婚宴會有噤的排場，我唔覺得出奇，因為有錢人會噤誇張地結婚一D都唔出奇 ( 楊千嬅都係噤 )，係澳門擺酒有個好處就係酒店地方出奇地大......大到可以令人迷失方向，今日的場面係一個百日宴，講得百日宴當然係個主角岩岩足一百日，家人為佢設宴，但擺足一百圍之餘，仲要安排好勁0既節目、場地、仲要請我地一crew人( 連攝影、化妝等等 足有十幾廿個 )由香港到澳門，呢筆數都唔少....何妨仲要請埋台灣雜技團，個下真係佩服萬分，可惜要早走，如果唔係睇埋正式開場都幾精彩!!!
有錢人要幾誇張有幾誇張啦, 因為他們是有錢人 , 最初我以為你是自己接jobs, 原來系團隊, 忙米好囉, 過去日本可以豪吃豪買啦
回覆刪除[版主回覆12/27/2010 23:55:00]係，因為佢地有錢洗唔晒，如果唔係我地都無錢袋！其實我係自己接，但有些工種一個人做唔晒就要團體性，尤其一些大型表演，如果婚宴多過一定數量，我們都要派多幾個化妝師！
雖然忙係好（因有錢=＞日本豪洗）但可惜今個月豪左落醫生度@@