関西賞櫻の行2012 Day 6 京都。晚飯

2012年4月12日                                          関西賞櫻の行2012   Day 6  京都。晚飯

終於返到酒店附近的地下街，大家估下黑貓一家食咩???唉.....唔洗估...都係個味!!!係....係黑貓PAPA最愛的個味~~~~~咖喱飯!!!

今次我地揀左黑門屋

今日仲可以免費食大盛添...

呢度係即叫即炸.....勁熱氣，回酒店要飲清熱酷先得

炸得都好好味架

黑貓與黑貓小妹的....

黑貓小妹話好好味喎~~~~不過最鍾意食都係佢地D喬頭

関西賞櫻の行2012 Day 6 京都。祇園 & 花見小路

2012年4月12日                                          関西賞櫻の行2012   Day 6  京都。祇園&花見小路

話說我地離開清水寺後，沿路行返落巴士站，發現天上有無數架大型直升機，當時就諗有咩事發生呢???要5、6架機係天空上徘徊，當然係日文唔識黑貓的情況下唔理得太多野，依家最重要0既就係覓食，之後再到祇園。

未搵到野食先搵到龍貓

喂KIKI你唔好係度扮晒野

搞事

 公公話佢又要影

喂，你做咩食我呀???

玩完之後我地去左隔幾間鋪的食店食野，但野食麻麻地，不過好又一餐唔好又一餐，唔想再搵啦!!!

諗左.....

阿女的牛肉烏冬

食飽又搞事

搭左差唔多兩個站就落車，落左車就發現有D怪怪地，點解???因為發現封左整條祇園條主要大馬路，但行人就可以繼續行，原來之前D直升機就係呢度上空，左望右望都唔知發生咩事，之後夜晚返酒店睇新聞先知原來發生交通意外，一架私家車剷左上行人路做成多人死傷。老實講係香港不時發生架啦!!!但真係無日本噤緊張，仲要好認真噤架起調雞比傳媒採訪，相對我地就用黎影高官屋企。

雖然封左馬路但行人路無封，所以我地就可以繼續行下

有HELLO KITTY的地方，黑貓點都會入去睇下....當然係無收獲，太布藝0既野係唔岩我~~~~

行過見到呢個叫做 [ 何必館 ] 好好笑~~~~

我地一路行過去大都係一些商店，都沒有甚麼特別野，之後就行入去花見小路，呢處較有舊有的色彩，大多係以前京都的建築物，花見小路係舊時的藝妓街，全盛時期茶屋就高達700間，舞妓、藝妓的人數將近三千人，到左今日雖然盛況已沒有當年噤勁，但此地仍然係京都最熱鬧的區域之一，同時只有在呢度先有機會碰到藝妓的身影，尤其係從四條通至建仁寺這段區間的花見小路更是熱鬧非凡。

嘻嘻....又見到穿和服的人...不過呢個係堅日本人黎架~~~~

櫻花妹妹無處不在

呢度係一個藝妹歌舞劇院

那....藝妓出現了!!!

年輕的，應該係主角

呢度旅客係唔可以叫停佢地同你拍照的

無得同藝妓影相，唯有同櫻花妹妹影囉~~~~行出去周街都係櫻花妹妹

不經不覺行到建仁寺，老實講一句有時見得多櫻花妹妹，都有少少悶的感覺......

係建仁寺無聊玩下櫻花妹妹...就慢慢行番出去LU~~~~~

因為封左路，所有交通就好似大混亂噤，每個巴士站都要出動多位車長，無計今日太多不同國家的旅客，雖然更多的協助先得!!!接住落黎黑貓就要去四条通河原町西的高島屋度買搵食架餐，又要辛苦其他人陪黑貓走來走去，亦幸買了巴士券，因為封路的關係塞車之餘仲要好耐先到買完所需用品，黑貓小妹話肚餓買左個蛋沙律三文治，唔洗一陣就食晒!!! 天開始黑我地就決定返去酒店地下街先食飯，但因呢度無車返番去京都JR駅，所以要返去祇園個度轉車，但因等左好耐又加上夜晚有花燈，所以勁多人坐左架100號，原先黑貓都有諗住睇，但兩位老人家見累，唯有回酒店休息，明日仲要到奈良太累就唔好啦!!!黑貓呢期終於感受到多人，整架巴士唔係鬼佬就係香港人......

搖左勁耐先到JR駅，原先想逛下街都無緣......京都BYE BYE啦~~~~我地下次再見啦!!!

待續.....