剛到札幌第一要做的事，當然是先到今天落腳的酒店放下那一大堆頭的行李。今天我們選了住Crest Hotel Sapporo，這是我誤打誤撞選到了，初只見她近JR駅之餘，房價也不貴，每晚雙床房也是￥8,000!!!若再來都會選住這一間。因真的十分方便。
不說不知黑貓媽媽其實是路痴來的，雖然事前已印好地圖等等，但到現場又真的有少少一團雲，不知那裏打那裏，看看這看看那之餘，還要控製那初見雪開始失控的黑貓BB，她不斷想摸想踢白皓皓的雪，但在裝備好的狀態下真的不宜有失，幸大佬眼利終於看見在JR駅北口的右手邊行十數步便到了，因初大家的焦點是在前方，故忽略了在旁邊的一些建築物~~~
弄好所有事後，第一時間便是去醫下肚，因真的十分肚餓，入番JR駅先~~~
揀來揀去最終揀了這一間，食物水準及價錢都OK，這是在JR觀光案旁的一條橫巷裏
毛毛不經不覺又到瞓覺覺時間，她縫早上11點多便要睡睡
細心的體貼，讓客人不用抱著一堆衣服用膳，這是在日本食店裏常見的~~~
先食少少魚生 + 烏冬 (好食)
這個都OK，但我本人就不是太喜歡!!!
全蠔宴，燒蠔就失色，但右手邊的那一碟就真的好好味，椰菜除吸收了蠔的鮮味外，另帶出菜的鮮甜，從未食過那麼甜的菜呀!!!
食飽飽都下午2時都係時候到白の戀人，這不是甚麼特別的地方，原先想帶黑貓BB去體驗一下製作朱古力的，但時間的關係便參觀一下便了事。
在這是剛好毛毛睡醒了，便順路到超市買少少食物給她之餘，並在情報館裏看看有甚麼特別介紹的小冊子，這裏不愧是觀光勝地，小冊子不論日文、英文、中文，還有韓文，可想言之不同地方的旅客均喜歡到這裏旅遊!!!
今次我們要坐地下鉄，由札幌出發要轉一程車，全程￥280 ( 大人 )，黑貓BB不用收費，但下次來就不能了，因小學生要付半額。
我們要坐南北線至大通再轉橙色線車乘搭琴似。宮の沢方面的地下鉄坐至總站，浴途都有指示的!!但像我們有BB車的人來說要找一部升降機真的不易
到駅後在出口5方向行便可，老實說初時真的有少少迷失方向，因好似甚麼也沒有像行一條長長的隧道。
幸出到去地面就真的不同，因浴途有不少指示帶你去到白の恋人，可想言之很多都十分喜歡到這裏!!
在這時候天開始下雪，嘩.....對第一次看雪的人來說真的肯興奮呀!!當然黑貓BB也不放過任何機會不停住厚雪地方踩呀踩~~~~
雖然路不是很遙遠，但遇到下雪及風說不凍就騙人的，但好在很快就到了。在外面草草拍了幾張照片，就怱怱走入館內吸下暖氣暖一下身子先!!!!
入館當然要付費但想不到收那麼貴，難怪很多人令願在外面拍照了事也不入館啦!!!因館內真的沒有甚麼東西看，每人只是送一小包餅當迎賓禮品了事!!!但館內就有很多黑貓的同類....哈哈....好像回到家一樣!!!!
黑貓KIKI：嘩.....咩~~~我有噤高內力行到有腳象?!
黑貓BB手上的就係所謂的迎賓禮品啦!!!!四個大人每人800日圓都可以買很多....
黑貓KIKI：唔係貓0既唔可以入架~~~~~~
大致上是機械製作的，人手只是監控品質及生產時出現的突發狀況，如果要食完所有都幾大問題~~~~
現場有這玩意....都幾搞鬼!!!
這是現出的產品，買了回來還沒有時間試好不好吃~~~~
這時候給我遇見一位人兄，若不是認出那一把聲音我想我也想不起他是誰，在這裏說得的，當然是大家也認識的人，那便是 =====> Ricky San，我想他是來投藍鯨，順便帶團!!!!這便叫不放過任何賺錢的機會......
不經不覺到四點了，天色開始暗下來，同時第一天不只是不是體力不足，仲是覺得很冷，雪亦越下越大，為了今天晚上要到大通公園，所以一致決定起程回酒店，同時都覺要替那兩位小朋友洗個澡先再去食我們的晚餐，在依依不捨的情況下要走啦!!
回程時看見了這間十分大的100YEN店，真的好想衝入去掃貨，但真的沒有時間了，最後都要忍痛離開....
一路各人的心情都是極為興奮.......
一下雪連樹木都變得有趣極了....
回到酒店，貼心地替我們將所有行李搬進房了，上到房還有個大驚喜，便是酒店替我們安排在走廊尾的兩間房間，還替我們將房與房之間的間打開，讓我們方便走來走去，尤其那兩位大小魔怪當了這裏是遊樂場，房間空間很大，讓我不覺有沾沾自喜的感覺，8000YEN訂這房間物有所值!!!!!!
那....看看!!!黑貓BB去找毛毛都方便很多，否則下下替她們開門真的有些煩，接著有幾天便是這樣呀!!!
弄妥好一些，加添好裝備後便出發去食我們的晚餐
這麼夜去大通公園做甚麼???當然是去那十分出名的慕尼黑市集及看那美美的聖誔燈啦!!!否則就沒有了聖誔的氣氛，那就失去意義!!!黑貓媽媽最喜的節日除了新年，便是聖誔節~~~~~
要到大通公園有兩個辦法，一是步行前往 ( 由JR駅南出口向前行便是了 )，另一個方法是乘地下鉄，一個站便到!!!我們揀選了步行前往，但在雪地上推BB車又真的十分困難，但幸好幾經辛苦便到了......
幾驚趕不到，那麼辛苦來到如果關了門那就慘!!!雖然市集內不是太多東西看，但氣氛及認真程度真的值得一讚!!!!
真的很冷，要買杯熱朱古力來暖暖身子先!!!好好味呀~~~~~
在這裏待留不久就要走了，明天要開始我們五天的自駕遊之旅，因天氣變得太冷，怕小朋友受不了，所以選了搭地下鉄回酒店!!!
是日支出 ：
酒店 ￥4,000 ( 一人計 )
地下鉄 ￥560 ( 來回白之恋人 )
￥200 ( 大通 => 札幌 )
午餐 ￥1,000
晚餐 ￥1,000
白の恋人 ￥800 ( 入場費 )
礦泉水 ￥120
飯團 ￥100
熱朱古力 ￥300
￥8,080
黑貓BB唔著羽絨都夠暖? 白之戀人有任食甜品, 1500YEN一位, 你們沒試? 那個美冬出了很久啦, 我試過了, 外表美觀, 內裡普通, 酒店唔錯喎, 如果我下年去得成就住佢...嘿嘿
回覆刪除[版主回覆01/24/2010 14:01:00]夠，個件毛毛衫好暖的!!不過，去釧路時都換番件羽絨比佢。無呀!!!唔夠時間，食左就趕唔切去睇燈!!!
是嗎??美冬出左好耐，真係唔知喎!!!因我第一次見到當係新，哈哈.....因之前無留意有呢隻款，食黎食左都係白之恋人 ( 黑貓BB食 )
噤你又誇D，今年個個都未去~~~~你買左保險未??
咁嘥料呀!!! 間100yen店望落個樣都知好正啦，響邊嫁?? 等我下次有機會都去下先~~
回覆刪除P.S. 你個甲油有個小雪人好鬼得意呀!!
[版主回覆01/25/2010 09:27:00]係...去白之恋人個個方向，必經地!!!!
嘻嘻...我GEL甲時專登叫我個FD幫我整^^V
Hotel Crest 的房間都好大間, 8,000yen好抵呀~
回覆刪除[版主回覆01/25/2010 10:03:00]yes ar!!!仲好好住TIM，不過要上網就要問counter攞個modem，先可以上網都幾搞笑，最初的一天不知道還以為沒有，到之後住時忍不住詢問 (因心裏仲覺得在城市又噤大間的酒店沒有理由沒有)先知有....
hi,我想問下你小朋友紫色帽係邊到買,好靚呀!!
回覆刪除[版主回覆01/25/2010 23:51:00]係尖沙咀廣東道個間H&M處買的，價錢都係幾十蚊，另有同款手套，好暖好防水!!!!佢個度仲有D係FOR再細D的小朋友，你有時間去看看!!!
間酒店真係好抵, 下次試吓住呢間先. 黑貓BB頂帽和手套好靚呀! 最開心係咪佢呀? 見到啲魚生飯真係流晒口水!
回覆刪除[版主回覆01/26/2010 14:58:00]係呀~~~~我係JALAN度訂的，都係等左好耐先比我撞到，所以早BOOK都有著數!!!
去旅行最開心都係D細，有得玩有得食又唔洗憂任何事!!!
你就去日本啦!!!到時點食都得~~~~前幾日見蔡瀾做山形，都唔知幾想再去，黑貓BB已不斷話要去浸溫泉同食生果，我都想呀!!!但要儲多D彈藥喎，黑貓PAPA話要豪洗 ( 但要等發逹...即係唔洗去@@)
如果搭巴士可以係門口落,就唔使係車站行餐飽!呢間酒店最吸引我的係.......可以房通房,咁我地晚晚大食會就方便好多.
回覆刪除[版主回覆01/28/2010 09:05:00]係呀!!!間酒店真係好正~~~~服務好!!!又方便，所以下次都會住番係度~~~
多謝你詳細的解釋, 我兩個小朋友一個7歲一個4歲呀. 希望到時ok 啦. 我係淘寶買左對鞋, 唔知得唔得啦. 唔得就去到先買啦.
回覆刪除我地都係住crest 呀, 易唔易搵呀?
[版主回覆01/29/2010 17:58:00]如果係淘寶買,噤你預左要買多對, 因唔係好得, 但可能買個d係大人所以就無咩所謂, 小朋友就真係差少少, 因他們見到雪就會失控, 所以我先會買過對鞋比阿囡!!!! 易搵, 你係jr 北口出向面向馬路向你左手邊行, 唔洗過馬路, 你會見到nippon 車行行前少少就到!!!
我地今次都有住 Hotel Crest Sapporo,地方真係好大!
回覆刪除我地訂9000yen , 不過住宿計劃包兩張720yen 拉甚若拉麵共和國的coupon
我還是喜歡吃白之恋人多過美冬~
[版主回覆03/21/2010 09:28:00]9000yen都唔算好貴 ( 相比其他就真係抵 ) 最好係間房大......
我都係噤話...不過貪過引要買黎試下!!
我去過札幌3次,5月又去過， 很開心. 但從沒有像一般香港人咁响嗰邊刷飲刷食, 狂購物.住亦住最靚, 非常豪華.其實係扮架勢. 簡直係奢侈得很。我實在非常吾明點解D香港人, 去親日本, 梗係食食食！或話所謂血拼(喪飲喪食, 狂購物) 去作為遊日的日記.
回覆刪除我最多只係食吉野家, 松屋, 飲北海道牛奶及買便當就算了.因此有時吾夠飽, 但有美麗風景就忘記了. 食刺身食長腳蟹??!!!Ne D吾係一般市民食嘅野, 如果去食, 一來負吾起, 二來即使負得起, 自已也不配, 向人說人家就話你奢侈. 根本吾合理.
每次到北海道, 我只想體驗社會文化, 任何高級地方及高級食肆我吾去, 亦吾想去, 因為係無必要. 影相反而多.我認為, 影相才有紀念價值.
[版主回覆07/11/2011 00:47:00]我都會體驗當地生活同享受欣賞令人感動的景色，但又唔會瘋狂買，買一些特別的，同食當地盛產的食物，且價錢同係香港一樣，無理由要為旅行而食麵包噤慘，一餐半餐就得，係香港都唔會啦！只係食平民野，只要簡中體驗高價食品都無所謂，當然豐儉由人，各有喜好！大家都係分享下個人體驗，喜歡咪留言做個朋友繼續追下去，唔岩傾過路一下，再尋找過又得！