北海道白色の聖誔親子遊 DAY 7 下篇

北海道白色の聖誔親子遊 DAY 7 下篇                       2009年12月28日 陰+雹

上回講到我們一行數人遊完小樽趕著到南小樽駅趕搭JR返回札幌，正當行過馬路後，開始發現個天唔係落雨噤簡單仲要係開始落雹，仲要係細粒到無得避，雖然黑貓媽媽一路都擔緊傘，但就無戴手奪，又要一手遮著D冰雹 ( 因打落黎真係好痛，好似比沙打緊 )，又要攪實黑貓BB，沿路又無遮無擋，又要行馬路，又驚比車撞!!!個短短數分鐘好似經歷生死噤，雖然隻手好痛但點都同自己講唔可以放手.....幸好好快就到左JR駅.....入到去恍如世外桃源!!!鬼咩個時真係濕的濕，污糟的污糟，手又凍到紅晒，真係有幾狼狽就有幾狼狽!!!

 

簡簡單單整理自己之後，終於有車可以返札幌!!!

係月台處見到呢個廣告就非常非常期待北海道新幹線，但要差唔多2011年先有!!!

上到車先發現今早買的布甸蛋糕未食，唔知係唔係頭先快腳行所以依家有D肚餓~~~唔理LU~~~~~~食左先!!!有芝士味同朱古力味，黑貓媽媽唔食芝士所以淨食朱古力，佢地就話芝士好食D，但個人同黑貓BB都覺朱古力好味!!!

 

眼見時間已差不多到6點，我地又要趕去狸小路去買手信是也!!!!

 

 

 

就係呢一間啦!!!雖然態度就一般，但勝在免稅及另有九折喎!!!!曾考慮過在前那幾間買的因買滿5000日圓就可以無料送去東京，但計過都係呢度著數D，起碼連HELLO KITTY 種類都多D，真係慳唔少架!!黑貓媽媽都買左差唔多萬多日圓呀!!!

媽媽級就在店內掃貨，車神周就負責看住呢兩隻大小魔怪!!!真係辛苦晒~~~~~

 

臨走見對面有水果賣就走上前八下，好在有八下咋，因真係好抵黑貓媽媽用左800日圓買了4個富有柿、1個夕張蜜瓜，老闆仲送多個青森蘋果比我地呀!!!!我地一人一箱噤就走去蟹將軍度食蟹.....今日真係大破產!!!

去度仍要等位，係唔係真係噤多人呀????話晒依家都8點幾啦~~~~

 

 

因為我地係臨時起義，所以無訂位無得坐包廂，同埋唔知係唔係太多香港人去，所以要收加一服務費????基本上幾張枱都係香港人 .......

點餐是也，每個黎食的人都話D餐好大份，我初時都係噤諗，所以只係要左三個，但食到之後又好似發覺有少少唔夠，但那時已好晚，想叫都唔想等!!!

 

 

呢個就係黑貓BB噤多日黎用零用錢買得最貴的一個公仔，當然黑貓媽媽都好偉大架贊助了她159日圓架!!!

 等了又等......要搞事的已搞完.....終於有得食啦!!!!

豆腐好好味，真係好滑

蟹刺身黑貓媽媽就不敢食啦!!!但黑貓BB話好味喎~~~~~

 

燒蟹腳好味!!!

 

 

 

 

原先就唔洗我地郁手，但因見無人理我地，所以唯有自己黎.......因真係食左好耐!!!!想快D食完快D返酒店休息!!!

當然啦!!!之後個女待都黎整番....哈哈....

 

睇下.....一時失手就噤失禮!!!!

甜品有少少同圖有出入....無夕張哈蜜瓜食@@

 

食飽無聊的毛毛又係度玩雜技~~~~~~

 

 

食飽飽之後已是十點多了，原先黑貓媽媽想搭的士的，但都係個句大佬話貴點都唔肯，唯有狼狼狽狽噤搭JR返札幌。返到酒店就要著手將一D無用的行李寄去東京的酒店，因仲有幾日的行程本身已有好多行李再加埋個一箱二箱就真係慘!!!係日本寄野又幾特別，係計size而唔係計重量，所以我地死都放入晒入去!!!

雖然頭先都食得好飽但個班友好食生蟲噤又食今日係小樽買的芝士蛋糕.....今日真係食都食到濟囉!!!

 

 

是日支出 ：( 黑貓媽媽及黑貓BB )

酒店             ￥4,000

早餐                 ￥410

午餐               ￥2,580

晚餐               ￥3,814

地鐵                  ￥400

大粒墨魚丸        ￥525

燒扇貝               ￥500

布甸                  ￥330

Hello Kitty 公仔 ￥159 (贊助)

Hello Kitty毛巾  ￥420

手信              ￥11,441 

鵝羅納英膏        ￥550 

野菜汁               ￥108

                    ￥25,237