北海道白色の聖誔親子遊 DAY 8 登別

北海道白色の聖誔親子遊 DAY 8    登別                       2009年12月29日 晴

經過昨晚的一役後，今日陽光普照!!! I love

Sunny Day~~~~~

今天就要離開札幌了，真的有少少唔捨得!!!下次係幾時先可以再黎，希望唔會相距太遠，真係要努力搵多D錢錢先得!!!!

今早好準時乘搭9:19分開出的JR前往今日的目的地 =====> 登別，亦是我們旅程最後一次住溫泉酒店，希望下次可以學下其他BLOG 友噤住多幾晚，不過首要係同黑貓PAPA去，其次係要中左六合數!!!

經過一小時多的車程，在歡呼下落車!!點解要歡呼????因為係整個車程最慘係熱到爆，黑貓媽媽就好些，只是除了外套就無咩，但黑貓BB就慘囉!!!熱到除淨件短袖底衫，但仍然滿頭大汗.........真係萬分佩服日本人耐熱程度!!

 

 

落車後再次要面對一次我們的大挑戰......樓梯!!!!!唉....再次証明我是對的，行李係唔可以攞太多，如果唔係會死架~~~~~~~~~~

幸黑貓BB大了，可以幫手睇下行李......

車神周再次表現 =====> 神力

 

幾經辛苦先搬晒，但聽日又要面對同一個考驗，死未..............等巴士時又要到必影的地方，黑貓BB話要同熊熊影......如果可以佢想騎上隻細個度，真係痴人說夢話!!!

等到噤上下，終於有巴士黎啦!!!我地今晚會入住較少香港人的名湯の宿 パークホテル 雅亭，呢間亦係噤多間溫泉酒店中最平的一間，雖然係好平，但唔對代佢唔好，這間酒店較層雲峽個間新，但服務亦相對係噤多間較差的，鬼咩D行李番到黎都要自己攞上去，真無話唔想死!!!! 但食方面就較合我地口味，房就係衰係自己手上，係咩???咪係自己貪得易....就去學人BOOK洋和室囉~~~~~攪到間房細到死!!!!

 

 

黑貓BB見到咩都玩一餐

弄好CHECK-IN後，當然咪洗想有房啦!!!唯有寄存個一大堆行李後，先到著名景點 ===> 地獄谷，但路痴的黑貓媽媽再次發揮個人本色，行錯方向，攪到兜左一個大圈，本係2分鐘的路程....但就........哈哈.....

仲要行左一大段路先發覺....問你死未???

 

 

之後唯有行番溫泉街再行番過去，眼見已十二點幾....先去解決個肚....但因時間尚早，好多商店都未開門!!!

 

 

有晒地圖我都行錯........

我地最終係去左淹本的西餐廳食LUNCH........

 

食完野行過一條街就到地獄谷......浴途D路都幾難行，因雪有少少溶，搞到變左冰!!!地獄谷隔離有個神社，但今次同行有人唔肯入神社，所以無得入去睇~~~

 

 

 先入資料館睇下先，仲要吸下暖氣~~~~~~~~~

好死唔死大佬唔知點解點左我地上去一條無路的地方，到依家都唔知上去做咩???只係知上去容易落番黎難.....仲要令我係北海道跌我第一次的路......真係痛到我!!!!

今次黎呢度仲想行去大奧湯，但沿路都行得幾艱辛，因為真係好滑....好在黑貓BB同我對雪鞋功能大都好少少，但另三個就慘少少......行到觀景台前已係極限，太滑啦!!!黑貓BB同我落左少少就發現唔可以再行，大佬仍努力....但最終跌鑊大.........我地再三考慮之下決定唔去大奧湯，唯有下次在其實季節再黎啦!!!

 

 

最勁0既就係車神周，佢一路抱住毛毛好似無事噤，仲用滑的方式落山.....勁!!行番去資料館，這時快那時遲......毛毛媽都要跌一跌......除左車神周之外，各人均要五體投地!!!!不過，最厲害係毛毛.....由此至終都唔知發生咩事???一路都係瞓瞓...瞓.....冬眠情況進入化景!!!

很喜歡這張照片，因好有詩意...

攪完一大輪又係時候去溫泉街行下同放底銀糧......

其實都無咩特別，但黑貓媽媽都買左Hello Kitty襪、巨烽提子乾、批杷糖...........行番酒店時經過泉源公園........黑貓BB你想去邊呀???

哦.....其實係泉源公園的間欠泉，唔留心睇都唔知呢度有個噤0既泉，好好彩剛好到她濆發..........................除夕時份當地人會係泉源公園對出的空地做祭典!!

 

 

沒有地方好去當然要返酒店享受下，一去到已失望因要自己攞行李.......之後發現地方細到.......幸運地搶到塌塌咪黎瞓!!!

 

 

無無聊聊之下醒起禽晚買的生果，一於攞黎食先.....不過，車神周一於去搵周公捉棋!!

 

 

 

係日本食生果就真係好食到無得頂，貴真係有她的道理係度。食完生果見都係時候去浸下溫泉先~~~今次已係第三次，所以毛毛一D都唔驚，仲要唔著衫周圍走，真係失禮晒!!!日本人對溫泉的水溫有一定的要求，但對我地黎講當然唔好太熱啦!!!所以今次因水溫的問題毛毛同黑貓BB都有機會出去浸露天風呂......登別的琉黃溫泉水質，係我浸噤多次覺得最舒服的一個!!

 

浸完後搵埋男子組，都係時候去食下我地今晚的自助晚餐!!

雖然呢度款色無鶴雅多，但口味較岩我同黑貓BB，起碼我又食了一碗白飯呀!!!長腳蟹雖然源源不絶，但我都係鍾意食咖喱炒蟹多D......

 

 

食飽之後再戰商店街，黑貓BB當然唔放過買雪糕的機會，我就買了BEER，諗住試下下晝係溫泉街買的特大蝦餅....點知???

好睇唔好飲.......

原先諗住再浸多次...但都玩到噤....都係算吧!!!!

 

一心諗住等9點的劇集，係就係等到，但睇睇下神探珈理咯就頂唔住瞓左LU.....我諗真係從未試過噤早訓.........

是日支出 ：( 黑貓媽媽及黑貓BB )

酒店             ￥5,985 ( 大 人 )

                    ￥2,992 ( 子供 )

                        ￥150 ( 入湯稅 )

早餐                 ￥205

午餐                 ￥825

巴士                 ￥330

雜項

雪糕 + 啤酒       ￥465

扭蛋(Hello Kitty)￥300

蜂蜜糖                ￥315

Hello Kitty 襪     ￥500

Hello Kitty毛巾  ￥420

手信                   ￥315

巨蜂提子乾         ￥525

                    ￥13,327